រាជធានីភ្នំពេញ ៖ យុវជនម្នាក់មានទំនាក់ទំនងស្នេហាជាមួយនឹងក្មេងស្រីម្នាក់យ៉ាងជ្រាលជ្រៅ អស់រយៈពេល១ឆ្នាំមកហើយ ព្រមទាំងបានដឹកដៃគ្នាចូលផ្ទះសំណាក់និងផ្ទះជួលរួមរ័កមេត្រីជិត១០ដងទើបបែកការណ៍ ។ ទីបំផុត ឪពុកម្ដាយនិងសាច់ញាតិក្មេងស្រីតាមទាន់ដល់បន្ទប់ផ្ទះជួល ក៏ប្ដឹងនគរបាលប៉ុស្តិ៍ជើងឯកឲ្យចាប់ខ្លួនចាត់ការតាមច្បាប់ ដោយចោទប្រកាន់ពីបទរួមភេទជាមួយក្មេងស្រីជាអនីតិជនអាយុក្រោម១៥ឆ្នាំ ។ ហេតុការណ៍នេះ កើតឡើងកាលពីវេលាម៉ោង១១និង៣០នាទីថ្ងៃត្រង់ថ្ងៃទី១៤ ខែឧសភា នៅក្នុងបន្ទប់ជួលគ្មានលេខ ស្ថិតក្នុង សង្កាត់ជើងឯក ខណ្ឌដង្កោ ។
ក្មេងស្រីជាដៃគូស្នេហាទុំមុនស្រគាលមានអាយុ១៤ឆ្នាំ ឯយុវជនជាប់ចោទទោសស្នេហាឈ្មោះ លី ឌីជេម ហៅ រ៉ូ អាយុ១៨ឆ្នាំ ជាកម្មករ ស្នាក់នៅបន្ទប់ជួលខាងលើ ។ ក្រោយពេលឃាត់ខ្លួន នគរបាលពិនិត្យទឹកនោមឃើញមានសារធាតុញៀននៅជាប់ខ្លួនថែមទៀត ។តាមប្រភពព័ត៌មានបានឲ្យដឹងថា កាលពីថ្ងៃទី១២ ខែឧសភាកន្លងទៅ វេលាម៉ោង៥ល្ងាច ក្មេងស្រីបានចេញបាត់ពីផ្ទះ ធ្វើឱ្យម្តាយនិងសាច់ញាតិដើររកគ្រប់ច្រកល្ហកប៉ុន្តែរកមិនឃើញសោះ។
លុះ២ថ្ងៃក្រោយមក គឺនៅថ្ងៃទី១៤ ខែឧសភា វេលាម៉ោង១១និង៣០នាទីថ្ងៃត្រង់ មានស្ត្រីម្នាក់ដែលជាម្ដាយមីងក្មេងស្រី ប្រទះឃើញនាងកំពុងនៅក្នុងបន្ទប់ជួលរបស់យុវជនឈ្មោះ លី ឌីជេម ហៅ រ៉ូ ស្ថិតនៅក្នុងសង្កាត់ជើងឯក ក៏បានទូរស័ព្ទប្រាប់ម្តាយនាង ។ គ្រាន់តែទទួលបានដំណឹងភ្លាម ម្តាយនាងក៏បានទៅមើលភ្លាមដែរ ហើយឃើញកូនស្រីនៅក្នុងបន្ទប់របស់យុវជនរូបនោះពិតមែន ។
ប្រភពដដែលបន្តថា បន្ទាប់មកម្ដាយបានទូរស័ព្ទប្ដឹងនគរបាលប៉ុស្តិ៍ជើងឯកឲ្យជួយអន្ត រាគមន៍ឃាត់ខ្លួនយុវជនខាលើនាំទៅសាកសួរ។ យុវជននេះនិយាយថា ខ្លួនមានទំនាក់ទំនងស្នេហាជាមួយក្មេងស្រីតាំងពីពាក់កណ្តាលឆ្នាំ២០១៨មកម្ល៉េះ ដោយបានរួមភេទជាមួយគ្នាជាបន្តបន្ទាប់ លុះពេលនេះម្ដាយនាងស្រី
តាមទាន់ក៏ប្ដឹងឲ្យនគរបាលចាប់ខ្លួនតែម្ដង ៕
ចែករំលែកព័តមាននេះ