ប្រទេសជប៉ុនគ្រោងនឹងចេញប្រើរថភ្លើងលឿនដូចគ្រាប់កាំភ្លើងដោយមានល្បឿនរហូតដល់៣៦០គីឡូម៉ែត្រក្នុងមួយម៉ោង ដែលជាល្បឿនលឿនជាងគេបំផុតនៃរថភ្លើងក្នុងពិភពលោក ។ ការបើកសាកល្បងត្រូវបានចាប់ផ្តើមធ្វើកាលពីថ្ងៃសុក្រកន្លងមក ។
សេចក្តីរាយការណ៍នៃសារព័ត៌មាន Nikkei Asian Review បានអោយដឹងថា ល្បឿនរថភ្លើងថ្មីនេះលឿនជាងរថភ្លើង Bullet train របស់ជប៉ុនចំនួន៤០គីឡូម៉ែត្រក្នុងមួយម៉ោងដោយរថភ្លើង Bullet train បច្ចុប្បន្នមានល្បឿនត្រឹមតែ៣២០គីឡូម៉ែត្រក្នុងមួយម៉ោងប៉ុណ្ណោះ ។
រថភ្លើងថ្មីនេះមានប្រវែង២៥០ម៉ែត្រ ដោយមានទូចំនួន១០ដប់ ។ រថភ្លើងល្បឿនលឿនដូចគ្រាប់កាំភ្លើង បច្ចុប្បន្នជាមធ្យោបាយធ្វើដំណើរដ៏ពេញនិយមនៅក្នុងប្រទេសជប៉ុន ។ ចំណែករថភ្លើងល្បឿនលឿនបំផុតនៅក្នុងពិភពលោកត្រូវបានគ្រោងប្រើប្រាស់លើផ្លូវដែកបម្រើប្រជាជនជប៉ុននៅឆ្នាំ២០៣០ ៕
ចែករំលែកព័តមាននេះ