ខេត្តកំពត ៖ សេចក្តីរាយការណ៍បន្តឱ្យដឹងថា បន្ទាប់ពីមានការចាប់ខ្លួនជនសង្ស័យលួចរថយន្តហើយនោះ ជនម្នាក់ឈ្មោះសុខ វិសាល ក៏បានឆ្លើយសារភាពប្រាប់សមត្ថកិច្ចថា ខ្លួនបានធ្វើសកម្មភាពលួចរថយន្តនៅក្នុងខេត្តកំពតនេះបានចំនួន៤លើក ដោយលើទី១-កាលពីថ្ងៃទី៣ មករា (លួចរថយន្តបាន២គ្រឿង) នៅចំណុចភូមិសត្វពង ឃុំសត្វពង ស្រុកឈូក ។ លើកទី២-កាលថ្ងៃទី១៣ កុម្ភៈ (លួចរថយន្តម៉ាកហាយឡិនឌ័រ១គ្រឿង) នៅភូមិ១ឧសភា សង្កាត់កំពង់កណ្តាល ក្រុងកំពត ។ លើកទី៣-កាលពីថ្ងៃទី១៤ មីនា (លួចរថយន្តម៉ាកហាយឡិនឌ័រ១គ្រឿង) នៅភូមិត្រពាំងរាំង ឃុំតានី ស្រុកអង្គរជ័យ ខេត្តកំពត និងលើកទី៤-កាលពីថ្ងៃទី៣០ មេសា (លួចរថយន្តម៉ាកកាមរីបាឡែន១គ្រឿង) នៅភូមិព្រែកក្រើស ឃុំព្រែកក្រើស ស្រុកកំពង់ត្រាច ខេត្តកំពត ។
ដោយឡែក ជនសង្ស័យម្នាក់ទៀតឈ្មោះ សុះ តាំ ក៏បានសារភាពថា សកម្មភាពលួចរថយន្តម៉ាកហាយឡិនឌ័រ ធ្វើឡើងកាលពីយប់ថ្ងៃទី១ មករា នៅភូមិសត្វពងស្រុកឈូក ខ្លួនជាអ្នកធ្វើសកម្មភាពលួចផ្ទាល់តែម្តង ។
យោងលោកឧត្តមសេនីយស្នងការក៏បានឱ្យដែរថា តាមចម្លើយសារភាពរបស់ជនសង្ស័យទាំង២នាក់នេះទាំង២នាក់មិនត្រឹមតែធ្វើសកម្មភាពលួចរថយន្តចំនួន៤លើកនៅក្នុងខេត្តកំពតនេះទេ គឺបានធ្វើសកម្មភាពលួចរថយន្តក្នុងខេត្តផ្សេងៗបានជាច្រើនគ្រឿងទៀតផងដែរ ។
គួររំលឹកថា ជនសង្ស័យជាចោរល្បីខាងលួចរថយន្តស៊េរីទំនើបបានជាច្រើនគ្រឿងនៅក្នុងដីខេត្តកំពត និងដីខេត្តតាកែវកាលពីពេលកន្លងមក ។ ប៉ុន្តែត្រូវបានកម្លាំងស្នងការដ្ឋាននគរបាលខេត្តកំពត សហការជាមួយនាយកដ្ឋាននគរបាលព្រហ្មទណ្ឌ កំលាំងស្នងការនគរបាលខេត្តតាកែស្រាវជ្រាវ រហូតក្របួច.កបានទាំងពីរនាក់បន្តបន្ទាប់គ្នា នៅថ្ងៃទី៧ និងទី៨ ឧសភា នាំមកកាន់ស្នងការដ្ឋាននគរបាលខេត្តកំពត ដើម្បីចាត់ការតាមនីតិវិធី ។
ចែករំលែកព័តមាននេះ