ខេត្តបាត់ដំបង ៖ កម្លាំងកងរាជអាវុធហត្ថបានឃាត់ខ្លួនជនសង្ស័យ២នាក់ដែលពាក់ព័ន្ធនឹងការប្រព្រឹត្តបទល្មើសគ្រឿងញៀន កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី០៩ ឧសភា នៅត្រង់ចំណុចខាងលិចផ្សារលូ ស្ថិតក្នុងភូមិតាព្រួច សង្កាត់ក្តុលដូនទាវ ក្រុងបាត់ដំបង ។…
ខេត្តបាត់ដំបង ៖ កម្លាំងកងរាជអាវុធហត្ថបានឃាត់ខ្លួនជនសង្ស័យ២នាក់ដែលពាក់ព័ន្ធនឹងការប្រព្រឹត្តបទល្មើសគ្រឿងញៀន កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី០៩ ឧសភា នៅត្រង់ចំណុចខាងលិចផ្សារលូ ស្ថិតក្នុងភូមិតាព្រួច សង្កាត់ក្តុលដូនទាវ ក្រុងបាត់ដំបង ។
មន្ត្រីកងរាជអាវុធហត្ថបានឲ្យដឹងថា ជនសង្ស័យចំនួន០២នាក់ មាន១-ឈ្មោះវាង វាយោ ហៅ វិសាល ភេទប្រុស អាយុ២៨ឆ្នាំ មុខរបរជាងជួសជុលស្ថានីយហ្គាស មានទីលំនៅភូមិរំចេក២ សង្កាត់រតនៈ ក្រុងបាត់ដំបង និង២-ឈ្មោះ អូន វី ហៅឈីវ ភេទប្រុស អាយុ២២ឆ្នាំ មុខរបរជាងដែក មានទីលំនៅភូមិតាព្រួច សង្កាត់ក្តុលដូនទាវ ក្រុងបាត់ដំបង ។
មន្ត្រីដដែលបានបញ្ជាក់ជនទាំង២នាក់ត្រូវបានកម្លាំងកងរាជអាវុធហត្ថក្រុងបាត់ដំបងឃាត់ខ្លួនពេលកំពុងប្រព្រឹត្តបទល្មើសជួញដូរគ្រឿងញៀនបំពានច្បាប់ ។ បើតាមការពីនិត្យលើក្រុមគ្រួសារជនទាំង២នាក់នេះសុទ្ធតែមានមុខរបររៀងៗខ្លួន ដោយស្របច្បាប់ តែបែរជាមិនគ្រប់គ្រាន់ ហើយលោភលន់រហូតបែកគំនិតនាំគ្នាជួញដូរគ្រឿងញៀនបន្ថែមលើមុខរបរស្របច្បាប ។
បើតាមរបាយការណ៍ជាមួយនឹងការឃាត់ខ្លួននេះមន្ត្រីជំនាញបានដកហូតវត្ថុតាងមួយចំនួនរួមមានសារធាតុញៀនប្រភេទម្សៅក្រាមពណ៌ស រឹងថ្លា ICE (ទឹកកក) ចំនួន០២កញ្ចប់ធំ មានទម្ងន់២,៣៨ក្រាម ម៉ូតូ០១គ្រឿង និងទូរស័ព្ទ០២គ្រឿង ដែលជាមធ្យោបាយសម្រាប់ប្រព្រឹត្តបទល្មើស ។ ទោះយ៉ាងណាពេលនេះមន្ត្រីជំនាញកំពុងសួរនាំជនសង្ស័យទាំង២នាក់ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវីធីហើយ ៕
ចែករំលែកព័តមាននេះ