ភាគច្រើននៃពួកយើងសុទ្ធតែដឹងហើយថា ការទទួលទានបន្លែផ្លែឈើ គឺដើរតួយ៉ាងសំខាន់សម្រាប់សុខភាពរាងកាយល្អប្រសើរ ។ ទោះជាយ៉ាងណាអ្នកប្រហែលជាមិនធ្លាប់ចាប់អារម្មណ៍ទេថា បន្លែផ្លែឈើក៏ជះឥទ្ធិពលលើស្បែកគួរអោយកត់សម្គាល់ ។ ផ្លែឈើដែលអ្នកគួរទទួលទាន ប្រសិនបើចង់បានស្បែកស្រស់ស្អាតមានសុខភាពល្អ ៖
១. ផ្លែប៉ោម ៖ មានផ្ទុកសម្បូរទៅដោយកូឡាជែនដែលជួយបង្កើនភាពបត់បែននៃស្បែក និងទប់ស្កាត់ស្នាមជ្រីវជ្រួញបានយ៉ាងប្រសើរ ។ ដូច្នេះប្រសិនបើអ្នកចង់បានស្បែកស្រស់ស្អាតក្មេងជាងវ័យ កុំភ្លេចទទួលទានផ្លែប៉ោម ។
២. ឪឡឹក ៖ ជាប្រភពដ៏ល្អបំផុតមួយនៃជាតិទឹកដែលជួយផ្ដល់ និងរក្សាជាតិសំណើមនៃស្បែក ខណៈដែលស្បែកស្ងួតងាយនឹងលេចចេញនូវស្នាមជ្រីវជ្រួញ ។
៣. ផ្លែចេក ៖ មានផ្ទុកសម្បូរទៅដោយជាតិប៉ូតាស្យូមដែលចាំបាច់ក្នុងការរក្សាតុល្យភាពនៃជាតិសំណើមរបស់ស្បែក ។ ករណីខ្លះ គឺស្បែកស្ងួតបណ្ដាលមកពីកង្វះនៃជាតិប៉ូតាស្យូម ។ ដូច្នេះព្យាយាមរួមបញ្ចូលផ្លែចេកក្នុងរបបអាហារប្រចាំថ្ងៃរបស់អ្នក។
៤. ផ្លែម្នាស់ ៖ មានផ្ទុកអង់ស៊ីមម្យ៉ាងហៅថា bromelain ដែលប្រយុទ្ធប្រឆាំងទប់ស្កាត់ការរលាកនៃស្បែក រួមទាំងបញ្ហាហើម ។
៥. ផ្លែល្ហុង ៖ ជាប្រភពនៃវីតាមីន A និងអង់ស៊ីម papain ដែលជួយបំបែកប្រូតេអ៊ីនអសកម្ម និងកម្ចាត់កោសិកាស្បែកងាប់ៗចេញ។
៦. ផ្លែទទឹម ៖ ជាប្រភពនៃសមាសធាតុប្រយុទ្ធប្រឆាំងភាពចាស់តាមវ័យដ៏មានឥទ្ធិពលដែលជួយក្នុងការជម្រុញ និងការបង្កើតកោសិកាស្បែកថ្មីឡើងវិញ (ប្រភពពី៖ Health.com.kh)៕
ចែករំលែកព័តមាននេះ