ខេត្តព្រះសីហនុ ៖ កាលពីសៀលថ្ងៃទី៦ ខែឧសភា ឆ្នាំ២០១៩ លោក សាយ សំអាល់ រដ្ឋមន្ត្រីក្រសួងបរិស្ថាន ប្រធានក្រុមការងារថ្នាក់ជាតិចុះជួយមូលដ្ឋានខេត្តព្រះសីហនុ…
ខេត្តព្រះសីហនុ ៖ កាលពីសៀលថ្ងៃទី៦ ខែឧសភា ឆ្នាំ២០១៩ លោក សាយ សំអាល់ រដ្ឋមន្ត្រីក្រសួងបរិស្ថាន ប្រធានក្រុមការងារថ្នាក់ជាតិចុះជួយមូលដ្ឋានខេត្តព្រះសីហនុ រួមដំណើរដោយលោក ជាម ហ៊ីម ប្រធានក្រុមប្រឹក្សាខេត្តព្រះសីហនុ លោក យន្ត មីន អភិបាលខេត្តព្រះសីហនុ បានអញ្ជើញជួបសំណេះ
សំណាលសួរសុខទុក្ខដល់នាយនាវី នាយនាវីរង ពលនាវិក កងទ័ពជើងទឹកមូលដ្ឋានសមុទ្រ នៅទីបញ្ជាការដ្ឋានមូលដ្ឋានសមុទ្រកងទ័ពជើងទឹក ។
បន្ទាប់ពីរបាយការណ៍ស្វាគមន៍របស់លោកឧត្តមនាវីឯក អ៊ុក សីហា មេបញ្ជាការរងកងទ័ពជើងទឹក មេបញ្ជាការមូលដ្ឋានសមុទ្ររួចមក លោក សាយ សំអាល់ រដ្ឋមន្ត្រីក្រសួងបរិស្ថាន មានប្រសាសន៍សំណេះ
សំណាលដោយបានកោតសរសើរដល់ការខិតខំប្រឹងប្រែងបំពេញភារកិច្ចរបស់នាយនាវី នាយនាវីរង ពលនាវិក មូលដ្ឋានសមុទ្រ ដើម្បីជាតិមាតុភូមិនិងប្រជាជន ។
លោករដ្ឋមន្ត្រីក្រសួងបរិស្ថានក៏បានលើកឡើងពីវឌ្ឍនៈភាពការងារស្តីពីធនធានធម្មជាតិនិងការខិតខំដោះស្រាយបញ្ហាមួយចំនួនរបស់ក្រសួងបរិស្ថាន ជម្រាបជូនដល់នាយនាវី នាយនាវីរង ពលនាវិកឱ្យបានជ្រាបផងដែរ។ បន្ទាប់មកប្រតិភូក៏បានអញ្ជើញទៅត្រួតពិនិត្យដុកជួសជុលនានា និងគិលានដ្ឋានមូលដ្ឋានសមុទ្រផងដែរ៕
ចែករំលែកព័តមាននេះ