ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា ផ្ទះរបស់ប្រជាពលរដ្ឋចំនួន៣៧ខ្នងត្រូវបានវាយបំផ្លាញដោយសារគ្រោះធម្មជាតិខ្យល់កន្ត្រាក់លាយឡំជាមួយភ្លៀងផ្គររន្ទះមួយមេយ៉ាងធំ តែមិនបានធ្វើអោយរងគ្រោះដល់ជីវិតមនុស្សឡើយ ។ ដែលហេតុការខ្យល់ព្យុះបោកបក់វាយបំផ្លាញដល់ប្រជាពលរដ្ឋនេះបានកើតឡើង នៅរសៀលថ្ងៃទី០៦ ខែឧសភានេះ ស្ថិតក្នុងឃុំត្នោត…
ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា ផ្ទះរបស់ប្រជាពលរដ្ឋចំនួន៣៧ខ្នងត្រូវបានវាយបំផ្លាញដោយសារគ្រោះធម្មជាតិខ្យល់កន្ត្រាក់លាយឡំជាមួយភ្លៀងផ្គររន្ទះមួយមេយ៉ាងធំ តែមិនបានធ្វើអោយរងគ្រោះដល់ជីវិតមនុស្សឡើយ ។ ដែលហេតុការខ្យល់ព្យុះបោកបក់វាយបំផ្លាញដល់ប្រជាពលរដ្ឋនេះបានកើតឡើង នៅរសៀលថ្ងៃទី០៦ ខែឧសភានេះ ស្ថិតក្នុងឃុំត្នោត ស្រុកបាទី ខេត្តតាកែវ ។
សេចក្តីរាយការណ៍បានបន្តថា លោកភួង ឈីម អភិបាលស្រុកបាទីបានប្រាប់កោះសន្តិភាពយើងអោយដឹងថា ពិតជាមានផ្ទះរបស់ប្រជាពលរដ្ឋចំនួន៣៧ខ្នង ត្រូវប៉ើងដំបូលផ្ទះក្បឿង ស័ង្កសី និងខ្លះទៀតដួលរាបដល់ដី ផ្ទះខ្លះរំកិលសសរចុះពីលើតាង និងមួយចំនួនទៀតត្រូវបានបើងដំបូលទាំងមូល ។
លោកអភិបាលស្រុកបានបន្តទៀតថា ចំពោះហេតុការណ៍ខ្យល់កន្ត្រាក់លាយឡំ និងភ្លៀងផ្គរនេះមិនបណ្តាលឲ្យមានមនុស្ស ឬសត្វរងគ្រោះថ្នាក់ដោយសារគ្រោះធម្មជាតិនេះនោះទេក្រោយពីកើតហេតុលោកបានចុះផ្ទាល់ ដើម្បីពិនិត្យនឹងរាយការណ៍ដល់ខេត្តចាត់ចែងងាយស្រួលដល់សាខាកាកបាទក្រហមចុះយកអំណោយចែកជូនដល់គ្រួសាររងគ្រោះ ៕
ចែករំលែកព័តមាននេះ