ផ្លែជម្ពូទំនងជាមិនសូវមានច្រើនក្នុងប្រទេសយើងទេ ដោយសារតែវាមានតម្លៃថ្លៃបន្តិច ដូច្នេះក៏មិនសូវមានមនុស្សញ៉ាំវាច្រើនដែរ។ យ៉ាងណាមិញវាក៏ត្រូវបានប្រជាជនខ្មែរយើងដាំជាដំណាំហូបផ្លែតាមផ្ទះជាច្រើន ។ ក្រៅពីផ្តល់ឱជារសឆ្ងាញ់ពិសេស ផ្លែជម្ពូត្រូវបានគេរកឃើញថាមានប្រយោជន៍ចំពោះសុខភាពច្រើន ៖ ១-ច្រោះជាតិពុលក្នុងខ្លួន ៖…
ផ្លែជម្ពូទំនងជាមិនសូវមានច្រើនក្នុងប្រទេសយើងទេ ដោយសារតែវាមានតម្លៃថ្លៃបន្តិច ដូច្នេះក៏មិនសូវមានមនុស្សញ៉ាំវាច្រើនដែរ។ យ៉ាងណាមិញវាក៏ត្រូវបានប្រជាជនខ្មែរយើងដាំជាដំណាំហូបផ្លែតាមផ្ទះជាច្រើន ។ ក្រៅពីផ្តល់ឱជារសឆ្ងាញ់ពិសេស ផ្លែជម្ពូត្រូវបានគេរកឃើញថាមានប្រយោជន៍ចំពោះសុខភាពច្រើន ៖
១-ច្រោះជាតិពុលក្នុងខ្លួន ៖ ដោយសារតែផ្លែជម្ពូមានសមត្ថភាពបញ្ចុះទឹកនោមបានតិចតួច ដូច្នេះវានឹងចូលរួមក្នុងការបញ្ចេញចោលនូវសារធាតុពុល និងកាកសំណល់ចេញពីរាងកាយបាន ។ តាមរយៈការបង្កើនចំនួនទឹកនោម តម្រងនោមនឹងកាន់តែបញ្ចេញជាតិពុលពីក្នុងឈាមបានកាន់តែលឿន ។
២-ជំរុញដល់ចលនាទៀងទាត់របស់ពោះវៀន ៖ ការញ៉ាំផ្លែជម្ពូទៀងទាត់នឹងជួយបង្ការការទល់លាមកបាន ដោយសារតែសម្បូរជាតិសរសៃ ។ អ្នកជំនាញនិយាយថា ការបញ្ចូលអាហារសម្បូរជាតិសរសៃក្នុងរបបអាហារដូចជា ផ្លែជម្ពូនេះ ក៏ប្រហែលជាជួយបង្ការជំងឺឫសដូងបាត និងមហារីកពោះវៀនធំដែរ ។
៣-ថែរក្សាសុខភាពបេះដូង ៖ ប្រព័ន្ធរំលាយអាហារមិនត្រឹមតែជាសរីរាង្គតែមួយគត់ដែលអាចទទួលបានប្រយោជន៍ច្រើនពីជាតិសរសៃក្នុងផ្លែជម្ពូទេ តែក៏ជំរុញដល់របត់ឈាមរត់ដែរ ។ ជាតិសរសៃក្នុងផ្លែជម្ពូនឹងជួយច្រោះកូឡេស្តេរ៉ូលអាក្រក់មួយចំនួនចេញពីអាហារដែលអ្នកញ៉ាំ ដូច្នេះសរសៃឈាមនឹងស្អាតល្អ សម្រាប់ថែរក្សាបេះដូងកុំឲ្យងាយកើតជំងឺ ។
៤-ផ្តល់ជាតិប៉ូតាស្យូម ៖ ប៉ូតាស្យូមជាជាតិរ៉ែមួយប្រភេទដែលអាចបង្ការជំងឺលើសសម្ពាធឈាមបាន តាមរយៈបន្ធូរដល់ជញ្ជាំងសរសៃឈាម និងជំរុញដល់របត់ឈាមរត់កាន់តែល្អ ។ ក្រៅពីនេះប៉ូតាស្យូមគឺជាសារធាតុដ៏សំខាន់មួយសម្រាប់មុខងារធម្មតារបស់សាច់ដុំ ។ យើងអាចទទួលបានជាតិប៉ូតាស្យូមយ៉ាងស្រួលតាមរយៈការញ៉ាំផ្លែជម្ពូជាអាហារសម្រន់ ។
៥-ជួយគ្រប់គ្រងជំងឺទឹកនោមផ្អែម ៖ តាមការសិក្សាបានឲ្យដឹងថា សារធាតុ Jambosine ក្នុងផ្លែជម្ពូត្រូវបានគេស្គាល់ថាអាចសម្របសម្រួលដល់ការបម្លែងជាតិអាមីដុងទៅជាស្ករបាន ដែលវាជាដំណឹងល្អមួយសម្រាប់អ្នកជំងឺទឹកនោមផ្អែម ។ ការញ៉ាំផ្លែជម្ពូជាពិសេសក្រោយពេលបាយរួច អាចការពារកុំឲ្យឡើងជាងស្ករក្នុងឈាមបាន ។
៦-ទប់ស្កាត់ការបង្ករោគ និងជំងឺ ៖ ជីវជាតិមួយក្នុងចំណោមជីវជាតិជាច្រើនក្នុងផ្លែជម្ពូរគឺវីតាមីន C ដែលវាមានលក្ខណៈសម្បត្តិល្អបំផុតក្នុងការពង្រឹងដល់ប្រព័ន្ធភាពស៊ាំមនុស្សយើង ។
៧-ជួយឲ្យស្បែកមើលទៅនៅក្មេង ៖ សព្វថ្ងៃនេះមានផលិតផលថែរក្សាសម្រស់ ឬទប់ស្កាត់ភាពចាស់ជាច្រើនដែលលក់តាមទីផ្សាយ ត្រូវបានគេរកឃើញថាមានសារធាតុវីតាមីន C ក្នុងកម្រិតខ្ពស់ ព្រោះវាជាជីវជាតិដ៏សំខាន់មួយក្នុងការសំយោគកូឡាជែនសម្រាប់ថែរក្សាស្បែកកុំឲ្យជ្រីវជ្រួញ ។ មានន័យថា ការញ៉ាំផ្លែជម្ពូដែលសម្បូរវីតាមីន C មានតម្លៃថោក ហើយអាចធ្វើឲ្យសម្រស់កាន់តែនៅក្មេងថែមទៀត។
៨-បញ្ឈប់ជំងឺមហារីក ៖ វីតាមីន C ពិតចាអង់ទីអុកស៊ីដង់ដែលខ្លាំងក្លាបំផុត ព្រោះវាអាចបន្សាប ឬកម្ចាត់រ៉ាឌីកាលសេរីបានមុនពេលវាបង្កជាបញ្ហាក្នុងខ្លួន ជាពិសេសមហារីកតែម្តង ។ នេះហើយគឺជាហេតុផលដែលវីតាមីន C ក្នុងផ្លែជម្ពូជួយអ្នកកាត់បន្ថយការប្រឈមជំងឺមហារីកបាន កាលណាទទួលទានវាជាប្រចាំ (ប្រភពពី៖ Health.com.kh) ៕
ចែករំលែកព័តមាននេះ