ការពិតនៃរឿងរ៉ាវដែលទណ្ឌិតម្នាក់ស្លា.ប់ក្នុងពន្ធនាគារដោយសង្ស័យធ្វើទារុណកម្ម
- កំពង់ចាម
ខេត្តកំពង់ចាម ៖ ទណ្ឌិតឈ្មោះទិត រ៉ន ភេទប្រុស អាយុ៣៥ឆ្នាំ ភូមិវត្ត ឃុំទួលព្រះឃ្លាំង ស្រុកស្ទឹងត្រង់ ត្រូវបានសមត្ថកិច្ចចាប់ខ្លួន…
ខេត្តកំពង់ចាម ៖ ទណ្ឌិតឈ្មោះទិត រ៉ន ភេទប្រុស អាយុ៣៥ឆ្នាំ ភូមិវត្ត ឃុំទួលព្រះឃ្លាំង ស្រុកស្ទឹងត្រង់
ត្រូវបានសមត្ថកិច្ចចាប់ខ្លួន ដោយជាប់ចោទពីបទបង្ករបួសស្នាមដោយចេតនា ហើយបានស្លាប់នៅក្នុង
ពន្ធនាគារខេត្តកន្លងទៅថ្មីៗនេះ ត្រូវបានគេសង្ស័យថា បណ្តាលមកពីការធ្វើបាបលើរាងកាយ។ ដោយ
មើលឃើញពីបញ្ហាបែបនោះ លោកហួត វុទ្ធី ព្រះរាជអាជ្ញាអមសាលាដំបូងខេត្ត បានចេញដីកាឲ្យបើក
ការស៊ើបអង្កេតជាបន្ទាន់ ដើម្បីស្វែងការពិតរហូតដល់រៀបចំធ្វើសន្និសីទកាសែត នៅព្រឹកថ្ងៃទី០១
ឧសភា ២០១៩ នៅសាលប្រជុំតូចស្នងការដ្ឋាននគរបាលខេត្ត ។
សាក្សីឈ្មោះ ម៉េង អេង ភេទប្រុស អាយុ២៨ឆ្នាំ នៅភូមិអូរបេង ឃុំមេសជ្រៃ ស្រុកស្ទឹងត្រង់ ឲ្យដឹងថា រូបគេត្រូវសមត្ថកិច្ចចាប់ខ្លួនតាមដីកា ដោយជាបចោទពីបទហិង្សាដោយចេតនានាំមកដាក់នៅបន្ទប់ឃុំខ្លួនបណ្តោះអាសន្ន ក្នុងការស្នងការដ្ឋាននគរបាលខេត្ត ដោយក្នុងបន្ទប់នោះមានដាក់មនុស្សចំនួន៣នាក់ មានបទល្មើសផ្សេងៗគ្នា ។ ក្នុងគ្រានោះនៅវេលាពេលព្រឹកក៏មានបុរសដែលស្លាប់ខាងលើ បានដើរមកបន្ទប់ទឹក ដោយមានអាការៈរញីរញ័ររបៀបមនុស្សញៀនស្រា។
សាក្សីដដែលបន្តថា ក្នុងពេលដើរចេញទៅនោះបណ្តាលឲ្យដួលផ្កាប់មុខ ត្រកប់ភ្នែកខាងស្តាំត្រូវរបួសរយះហូរឈាម និងសន្លប់ ឃើញបែបនេះរូបគេស្រែកហៅមន្ត្រីនគរបាល បន្ទាប់មកចាក់សោរបន្ទប់នាំគ្នាសែងចេញមកក្រៅ រួចធ្វើចលនាបេះដូងប្រហែល២នាទីក៏ដឹងខ្លួនឡើងវិញ ដោយមានធំក្លិនស្រាផងដែរ ។ ក្រោយមកបានផឹកទឹកផ្លែឈើមានកម្លាំងដោយពេទ្យបានរុំរបួសឲ្យ និងនាំមកសាលាដំបូងខេត្តគេសួរនាំ រួចនាំទៅដាក់នៅពន្ធនាគារខេត្តដេកនៅបន្ទប់ជាមួយគ្នាប១យប់ លុះស្អែកឡើងក្រុមអនុរក្ស បានយកដាក់បំបែកគ្នារូបគេទៅបន្ទប់ផ្សេង ហើយឈ្មោះ រ៉ន នៅបន្ទប់ជិតពេទ្យក្នុងពន្ធគារខេត្ត។
លោកហួត វុទ្ធី ព្រះរាជអាជ្ញាអមសាលាដំបូងខេត្ត ក្នុងពេលធ្វើសន្និសីទកាសែតមានប្រសាសន៍ថា
ទណ្ឌិត ឈ្មោះ ទិត រ៉ន ត្រូវកម្លាំងសមត្ថកិច្ចមូលដ្ឋានចាប់ខ្លួនតាមដីកាបង្គាប់ឲ្យចាប់ខ្លួនលេង៨៨
ចុះថ្ងៃទី២៦ ខែកក្កដា ឆ្នាំ២០១០ ចេញដោយលោកផូង វណ្ណ ចៅក្រមស៊ើបសួរសាលាដំបូងខេត្តចោទ
ពីបទ បង្ករបួសស្នាមដោយចេតនាប្រព្រឹត្តនៅភូមិវត្ត ឃុំទួលព្រះឃ្លាំង ស្រុកស្ទឹងត្រង់ កាលពីថ្ងៃទី០១
វិច្ឆិកា ឆ្នាំ ២០១៦ ហើយមុខសញ្ញានេះបានរត់គេចខ្លួនរហូត ។
លោកព្រះរាជអាជ្ញាអមសាលាដំបូងខេត្តមានប្រសាសន៍បន្តថា បន្ទាប់មកឈ្មោះ ទិត រ៉ន បានវិលត្រឡប់មកផ្ទះវិញ ត្រូវសមត្ថកិច្ចចាប់ខ្លួន និងនាំមកកាន់ស្នងការដ្ឋាននគរបាលខេត្ត
នៅក្នុងបន្ទប់ឃុំខ្លួនបណ្តោះអាសន្នកាលពីថ្ងៃទី១៦មេសា កន្លងទៅជាមួយនឹងជនសង្ស័យចំនួន២នាក់ទៀតមាន ១-ឈ្មោះ ម៉េង អេង និងឈ្មោះម៉ាន គឹមលន់ ។ តាមពិតទៅឈ្មោះរ៉ន ជាមនុស្សញៀនស្រាផឹក២ឆ្នាំមកហើយ បើមិនបានផឹករញីរញ័រធ្វើអ្វីមិនចង់កើត សូម្បីតែបុរសជាឪពុកឈ្មោះអៀម ទិត ក៏បានបញ្ជាក់ដែរថា កូនប្រុសរបស់គាត់រូបនេះតែងតែផឹកស្រារាល់ថ្ងៃ ហើយនៅថ្ងៃដែលសមត្ថកិច្ចចុះចាប់ខ្លួននោះក៏បានផឹកស្រាដែរ ។
លោកព្រះរាជអាជ្ញាបន្តថា ក្នុងពេលដែលចូលមកដល់បន្ទប់ឃុំខ្លួននោះ ស្រាគឺមិនអនុញ្ញាតឲ្យផឹកនោះទេ រហូតមកដល់ថ្ងៃទី១៨ មេសា បានស្លាប់នៅក្នុងពន្ធាគារខេត្ត ហើយក៏មានសារព័ត៌មានក្នុងស្រុកមួយចំនួនចុះផ្សាយថា ការស្លាប់នេះសង្ស័យបណ្តាលមកការវាយដំលើលើរាងកាយ ។ បន្ទាប់មករូបលោកបានចេញដីកាបង្គាប់ចុះថ្ងៃទី២៩ មេសា ដោយចាត់ឲ្យលោកស្នងការនគរបាលខេត្ត ចុះពិនិត្យមើលបទល្មើស និងចាត់ការស៊ើបអង្កេតឃើញថា ការស្លាប់នេះមិនមានការពាក់ព័ន្ធទៅនឹងការធ្វើទារុណណាមួយទេ ព្រោះក្រោយពីត្រូវរបួសដួលក្នុងបន្ទប់ឃុំខ្លួន ហើយពេលបញ្ជូនទៅដល់ពន្ធនាគារខេត្ត បាននៅប៉ុស្តិ៍សុខភាពថែទាំជាប្រចាំ ។
ទោះជាបែបក្តីរូបលោកនឹងបន្តចាត់ឲ្យសមត្ថកិច្ចបន្តស៊ើបអង្កេតបន្ថែមទៀត ក្នុងករណីបើរកឃើញមន្ត្រីនោះនឹងត្រូវទទួលខុសត្រូវមុខច្បាប់ ហើយកន្លងមករូបលោកបានណែនាំដល់នគរបាល និងអាវុធហត្ថដែលជានគរបាលយុត្តិធម៌ ពេលដែលចាប់បានជនសង្ស័យមិនត្រូវធ្វើទារុណកម្មទេ ត្បិតពួកគាត់មានសិទ្ធិស្មើភាពគ្នានៅចំពោះមុខច្បាប់ ៕
ចែករំលែកព័តមាននេះ