រាជធានីភ្នំពេញ ៖ សេចក្តីរាយករណ៍បន្តថា នៅត្រឹមម៉ោង១១ និង២០នាទីព្រឹកថ្ងៃទី០១ ឧសភា ដដែលនេះ មន្ត្រីស៊ីម៉ាក់បានព្យាយាមដោះគ្រាប់បែកកំណត់ម៉ោងនោះ ក្នុងនោះក៏មានកម្លាំងសមត្ថកិច្ចជាច្រើន នាក់បានមកការពារកន្លែងកើតហេតុ…
រាជធានីភ្នំពេញ ៖ សេចក្តីរាយករណ៍បន្តថា នៅត្រឹមម៉ោង១១ និង២០នាទីព្រឹកថ្ងៃទី០១ ឧសភា ដដែលនេះ មន្ត្រីស៊ីម៉ាក់បានព្យាយាមដោះគ្រាប់បែកកំណត់ម៉ោងនោះ ក្នុងនោះក៏មានកម្លាំងសមត្ថកិច្ចជាច្រើន នាក់បានមកការពារកន្លែងកើតហេតុ ដោយមិនឱ្យមនុស្សម្នាចូលទៅជិតទីនោះទេ រួមទាំងអ្នកកាសែតផងដែរ ។
គួរបញ្ជាក់ថា បុរសជនជាតិចិនម្នាក់បានស្ពាយកាបូបដាក់គ្រាប់បែកច្នៃជាច្រើនគ្រាប់ និងមានទាំងគ្រាប់បែកកំណត់ម៉ោងផ្ទុះទៀតផង ចូលទៅកាន់ហាងចិនលក់គុជមួយកន្លែងយីហោ«ហឺហឺ» តែភ្លាមៗកម្លាំងនគរបាល កងរាជអាវុធហត្ថ រួមជាមួយកម្លាំងមន្ត្រីសុីម៉ាក់ បានចុះទៅកាន់កន្លែងកើតហេតុធ្វើការត្រួតពិនិត្យយ៉ាងជាក់ស្ដែង ។
ហេតុការណ៍នោះ បានកើតឡើងកាលពីវេលាម៉ោង៩ និង៤៥នាទីព្រឹកថ្ងៃទី០១ ឧសភា នេះ នៅក្នុងហាងលក់គុជចិនយីហោ«ហឺហឺ» នៅមុខផ្សារកាណាឌីយ៉ា តាមបណ្ដោយផ្លូវបតុងទី៣ ក្រុមទី៣ ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិសែនជ័យ ។
តាមប្រភពនៅកន្លែងកើតហេតុបានឱ្យដឹងទៀតថា ជនសង្ស័យខាងលើ មិនទាន់ត្រូវបានស្គាល់អត្តសញ្ញាណនៅឡើយ ហើយនៅមុនពេលកើតហេតុ ជននេះបានជិះម៉ូតូកង់បី១គ្រឿង ទៅឈប់នៅមុខហាងលក់គុជនោះ ។
បន្ទាប់មក បានចុះស្ពាយកាបូបដាក់គ្រាប់បែកចូលទៅក្នុងហាងនោះ ហើយដោយមានការសង្ស័យ ទើបអ្នកស្ថិតនៅក្បែរនោះ រាយការណ៍ជូនសមត្ថកិច្ចចុះទៅពិនិត្យមើល ហើយនៅមិនទាន់ដឹងពីគោលបំណងរបស់ជនជាតិចិនម្នាក់នោះច្បាស់លាស់នៅឡើយ ។ ហើយពេលនេះ ជនសង្ស័យត្រូវបានកម្លាំងឃាត់ខ្លួនបានហើយ ។
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ