រាជធានីភ្នំពេញ ៖ បុរសម្នាក់ទើបតែចេញមកពីកន្លែងផឹកស៊ី លុះស្រវឹងជោកជិះម៉ូតូទៅមុខលែងរួច បានចតម៉ូតូ រួចប្រះខ្លួនដេកលើចិញ្ចើមផ្លូវ បង្កឱ្យមានការភ្ញាក់ផ្អើលដល់ប្រជាពលរដ្ឋជាអ្នកដំណើរ និងសមត្ថកិច្ចកាលពីវេលាម៉ោង៨និង២០នាទីយប់ ថ្ងៃទី២៧ ខែមេសា…
រាជធានីភ្នំពេញ ៖ បុរសម្នាក់ទើបតែចេញមកពីកន្លែងផឹកស៊ី លុះស្រវឹងជោកជិះម៉ូតូទៅមុខលែងរួច បានចតម៉ូតូ រួចប្រះខ្លួនដេកលើចិញ្ចើមផ្លូវ បង្កឱ្យមានការភ្ញាក់ផ្អើលដល់ប្រជាពលរដ្ឋជាអ្នកដំណើរ និងសមត្ថកិច្ចកាលពីវេលាម៉ោង៨និង២០នាទីយប់ ថ្ងៃទី២៧ ខែមេសា ឆ្នាំ២០១៩ ស្ថិតនៅតាមផ្លូវជាតិលេខ៣ ភូមិព្រៃព្រីងត្បូង១ សង្កាត់ចោមចៅ២ ខណ្ឌពោធិសែនជ័យ ។
តាមប្រភពពីប្រជាពលរដ្ឋដែលឃើញហេតុការណ៍បានឲ្យដឹងថា ទោះជាបីជាសាកសួរ ក៏បុរសខាងលើមិនដឹងស្គាល់ និងមិនចាំខ្លួនឯងថាមានឈ្មោះអ្វីនោះដែរ គ្រាន់តែដឹងថាបុរសម្នាក់នេះមានអាយុជាង២០ឆ្នាំ ជិះម៉ូតូមួយគ្រឿងម៉ាកហ្វីណូ បិទស្កុតពណ៌ខ្មៅ ពាក់ស្លាកលេខ ភ្នំពេញ ១AI-១៦៥២ ហើយបុរសម្នាក់នេះគ្រាន់តែប្រាប់ថា គាត់ចេញពីម្តុំវត្តអង្គតាគៀត គោលបំណងជិះម៉ូតូត្រឡប់ទៅផ្ទះ តែមិនបានប្រាប់ថាផ្ទះរបស់គាត់នៅម្តុំណាឡើយ ។
តាមប្រភពដដែលបានបន្តឲ្យ ដឹងថា មុនកើតហេតុ គេឃើញបុរសខាងលើជិះម៉ូតូមួយគ្រឿងបើកបរតាមបណ្តោយផ្លូវជាតិលេខ៣ ពីត្បូងទៅជើង ក្នុងស្ថានភាពស្រវឹង លុះមកដល់ចំណុចខាងលើ ស្រាប់តែចតម៉ូតូទុកចោល ហើយប្រះខ្លួនដេកលើចិញ្ចើមផ្លូវ ដោយឃើញក្នុងសភាពបែបនោះ ប្រជាពលរដ្ឋជាអ្នកធ្វើដំណើរនាំគ្នាជួយលើកបុរសខាងលើដាក់លើការ៉ូឡាវិញ ដោយខ្លាចកើតមានគ្រោះថ្នាក់ផ្សេងៗ ទើបប្រជាពលរដ្ឋបានរាយការណ៍ប្រាប់សមត្ថកិច្ចឱ្យចុះមកជួយអន្តរាគមន៍ សាកសួរ ដើម្បីស្វែងរកបងប្អូនមកទទួលយកបុរសខាងលើវិលត្រឡប់ទៅផ្ទះវិញ ៕
ចែករំលែកព័តមាននេះ