រាជធានីភ្នំពេញ ៖ បុរសម្នាក់ជាអ្នករត់ម៉ូតូកង់បីជាង៦ឆ្នាំមកហើយ ពេលដែលមានម៉ូយចុះមកពីលើឡានក្រុងក៏មានបុរសម្នាក់ទៀត ទើបតែមករត់ថ្មីៗបានឈ្លោះដណ្តើមម៉ូយវាយគ្នា បណ្តាលអោយហើមមុខម្នាក់ផ្អើលពេញរង្វង់មូលកួចកាណុង ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី២៥ ខែមេសា ឆ្នាំ២០១៩ តាមបណ្តោយផ្លូវព្រះមុនីវង្សនៅចំណុចរង្វង់មួលកួចកាណុង ស្ថិតនៅក្នុងសង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរស២នាក់សុទ្ធសឹងតែជាអ្នករត់ម៉ូតូកង់បីឥណ្ឌាដូចគ្នា ហើយភាគីម្ខាងដែលពាក់មួកខ្មៅនោះ
គាត់ឃើញម៉ូយចុះមកពីលើឡានក៏នាំគ្នាចាប់ម៉ូយ ដោយបុរសពាក់ពួកខ្មៅមិនស្គាល់អត្តសញ្ញាណបានយកអីវ៉ាន់របស់ម៉ូយយកមកទុកនៅក្រោម ហើយសួរទៅខាងជនរងគ្រោះនោះថា អូនម៉ូយនឹងបងសុំបានអត់ ស្រាប់តែភ្លាមៗនោះដែលជនរងគ្រោះនិយាយថា អត់បានទេបងម៉ូយនេះខ្ញុំចាប់មុនហើយ គេក៏ព្រមជិះម៉ូតូរបស់ខ្ញុំដែរ ស្រាប់តែបានមួយសន្ទុះក្រោយមកក៏ភាគីទាំងសងខាងគាត់ប្រកែកគ្នានឹងឈ្លោះគ្នាឈានទៅដល់ធ្វើសកម្មភាពវាយតប់រហូតរបួសម្នាក់ហើមមុខហើមមាត់ ដោយខាងបុរសដែលត្រូវរបួសចោទប្រកាន់ខាងបុរសពាក់ពួកខ្មៅថាជាអ្នកវាយទៅលើរូបគាត់ ។
ចំណែកបុរសពាក់មួកខ្មៅថា ខ្លួនអត់បានវាយទៅលើរូបគាត់នោះទេ គឺមានអ្នកផ្សេងជាអ្នកវាយ ពីព្រោះពេលនោះគាត់ជាអ្នកឃាត់នោះទេ ។
សមត្ថកិច្ចក៏បានបញ្ជាក់ថា រឿងនេះកើតទាំងពីក្បាលព្រលប់ម្ល៉េះ ហើយលោកមេប៉ុស្តិ៍ក៏
សម្របសម្រួលអោយទៅផ្ទះរៀងៗខ្លួនសិន ចាំស្អែកចាំមកដោះស្រាយគ្នាទៀតរកសាក្សីអោយបានរៀងៗខ្លួនមក ។
ក្រោយពេលកើតហេតុសមត្ថកិច្ចក៏បាននាំខ្លួនភាគីទាំងសងខាងទៅ ដើម្បីសួរនាំរួចហើយ បានប្រាប់ថា ចាំព្រឹកស្អែកម៉ោង២រសៀលចាំមកដោះស្រាយគ្នាជាបន្តទៀត ៕
ចែករំលែកព័តមាននេះ