ខេត្តបន្ទាយមានជ័យ ៖ អ្នកបើកបររថយន្តកាម៉ារីបានបង្កគ្រោះថ្នាក់ដោយខ្លួនឯងក្រឡាប់ផ្ងារជើងទ្រមេឃទាំងព្រលឹមរបួសធ្ងន់ចំនួន២នាក់ អ្នកបើកបរ និងអ្នករួមដំណើរ ។ ហេតុការណ៍បង្កគ្រោះថ្នាក់នេះបានកើតឡើង នៅវេលាម៉ោង៦ និង៣០នាទីព្រឹកថ្ងៃទី២៥ ខែមេសា…
ខេត្តបន្ទាយមានជ័យ ៖ អ្នកបើកបររថយន្តកាម៉ារីបានបង្កគ្រោះថ្នាក់ដោយខ្លួនឯងក្រឡាប់ផ្ងារជើងទ្រមេឃទាំងព្រលឹមរបួសធ្ងន់ចំនួន២នាក់ អ្នកបើកបរ និងអ្នករួមដំណើរ ។ ហេតុការណ៍បង្កគ្រោះថ្នាក់នេះបានកើតឡើង នៅវេលាម៉ោង៦ និង៣០នាទីព្រឹកថ្ងៃទី២៥ ខែមេសា ឆ្នាំ២០១៩ នៅលើកំណាត់ផ្លូវជាតិលេខ៦ ក្នុងទីប្រជុំជន ត្រង់ចំណុចចន្លោះបង្គោលខ្សែភ្លើងលេខ០២៦៧-០២៦៨ ស្ថិតនៅភូមិគោកលុន ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយឯកមាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា អ្នកបើកបររថយន្តឈ្មោះ រ៉ិន ស៊ីណាត ភេទប្រុស អាយុ១៩ឆ្នាំ នៅភូមិសុភី សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ និងអ្នករួមដំណើរឈ្មោះសាម បាន ភេទប្រុស អាយុ១៨ ឆ្នាំនៅភូមិជាមួយ ។
លោកអធិការបានបញ្ជាក់ថា នៅមុនពេលកើតហេតុអ្នកបើកបរថយន្តម៉ាកកាមរីចង្កូតស្តាំ ពណ៌ស ពាក់ផ្លាកលេខ 2G- 3482 បានធ្វើដំណើរពីទិសខាងលិចទៅទិសខាងកើតដោយបើកក្នុងល្បឿនលឿនពេលមកដល់ចំណុចកើតហេតុរថយន្តបានរេចង្កូតទៅខាងស្តាំដៃធ្លាក់កង់ហួសចញ្ចើមផ្លូវស្របពេលនោះអ្នកបើកបរបានប្រឹងបួងយកចង្កូតមកឡើងលើផ្លូវវិញក៏ក្រឡាប់លើទ្រូងផ្លូវបង្កឲ្យអ្នកបើកបរ និងអ្នករួមដំណើរ របួសធ្ងន់ទាំង២នាក់ត្រូវបានកម្លាំងជំនាញហៅរថយន្តសង្គ្រោះរបស់មន្ទីរពេទ្យបង្អែកស្រុកព្រះនេត្រព្រះ ដឹកទៅសង្គ្រោះ ។ ចំពោះរថយន្តបានស្ទូចយកទៅរក្សាទុកនៅកន្លែងអធិការដ្ឋាននគរបាលស្រុក ។
ទាក់ទិននឹងករណីគ្រោះថ្នាក់ចរាចរណ៍នេះប្រជាពលរដ្ឋអ្នកធ្វើដំណើរបានរិះគន់ថា នេះ គឺមកពីអ្នកបើកបរព្រហើនមានល្បឿនលឿន នេះសំណាងល្អហើយដែលគ្មានរថយន្ត ឬម៉ូតូធ្វើដំណើរបើកទៅមកប្រសិនជាមានវិញមិនដឹងជាមានអ្នករងគ្រោះថ្នាក់ប៉ុន្មាននាក់នោះទេ បើតាមរថយន្តក្រឡប់លើទ្រូងផ្លូវបែបនេះ ៕
ចែករំលែកព័តមាននេះ