រាជធានីភ្នំពេញ ៖ បន្ទាប់ពីខកចិត្តជាមួយក្លិបបរទេសដំបូងដែលកីឡាករល្បីល្បាញ ចាន់ វឌ្ឍនាកា បានកុងត្រាហើយស្រាប់តែមានការផ្ដាច់វិញកណ្ដាលទីនោះ គេកត់សម្គាល់ថា កីឡាកររូបនេះមានអារម្មណ៍មិនសូវនឹងនរដូចអំឡុងពេលមុននោះទេ ដោយលោកត្រូវគេឃើញរាងបាក់ទឹកចិត្តមិនតិចនោះផង បើទោះជាក្លិបបឹងកេតនៅតែយកចិត្តទុកដាក់ក្រោយពេលត្រឡប់មកវិញក៏ដោយ ។
យ៉ាងណាក៏ដោយ អ្នកគាំទ្រលោកបានកត់សម្គាល់ឃើញថា លោកចាប់ផ្ដើមមានអារម្មណ៍ស្រស់ស្រាយ និងមានកម្លាំងចិត្តច្រើនត្រឡប់មកវិញ បន្ទាប់ពីលោកសម្រេចចិត្តចុះកុងត្រាជាមួយក្លិបថ្មីផ្សេងមួយទៀតរបស់ប្រទេសម៉ាឡេស៊ី ហើយសម្រេចចិត្តទៅលេងឱ្យក្លិបមួយនោះក្នុងឆ្នាំ២០១៩នេះ។
ចាន់ វឌ្ឍនាកា បានបង្ហាញអារម្មណ៍រីករាយមិនតិចនោះទេ ក្នុងពេលដែលគេបានក្លាយជាកីឡាករកម្ពុជា ដែលត្រូវបានក្លិបមួយរបស់ប្រទេសម៉ាឡេស៊ីទទួលយកតាមការចង់បាន ខណៈដែលការសម្រេចចិត្តទទួលយកក្លិបនេះ ដោយបានទាំងបោះបង់កុងត្រាទាំងស្រុងជាមួយក្លិបបឹងកេតនៅកម្ពុជាផង គឺធ្វើឱ្យលោករំពឹងច្រើនថា ខ្លួននឹងមានប្រជាប្រិយភាពខ្លាំងក្លាមកវិញ ព្រោះមុនឈានដល់ចុះកុងត្រា ក្លិបថ្មីរបស់ម៉ាឡេស៊ី បានព្រមព្រៀងក្នុងការលើកស្ទួយលោកខុសពីក្លិបដែលលោកលេងឱ្យកាលពីឆ្នាំមុន ។
រំលឹកដល់ដំណើរចាកចេញពីប្រទេសកម្ពុជាកាលពីដើមឆ្នាំ២០១៩ ដើម្បីបន្តការងារថ្មីលើទឹកដីប្រទេសម៉ាឡេស៊ី កីឡាកររូបនេះបានបង្ហោះឃ្លីបទៅកាន់អ្នកគាំទ្រថា«ខ្ញុំស្រឡាញ់ កម្ពុជា និងស្រឡាញ់ក្លិបបាល់ទាត់ បឹង កេត» ដែលពាក្យមួយឃ្លានេះបង្ហាញយ៉ាងច្បាស់ថា លោកមិនចង់ចាកចេញពីក្រុមកម្សត់កម្រ និងមិនចង់ចាកចេញពីកម្ពុជានោះទេ ប៉ុន្តែបណ្ដាលមកពីលោកត្រូវការស្វែងរកបទពិសោធន៍ និងត្រូវការកសាងកេរ្តិ៍ឈ្មោះឱ្យបានឈានឡើងបន្ថែមទៀត ។
ទើបលោកមិនអាចបន្តលេងនៅក្រុមបឹងកេតស្រុកខ្មែរ ហើយសម្រេចចិត្តទៅលេងឱ្យក្រុមម៉ាឡេស៊ី ដែលធ្វើឱ្យម្នាក់ៗយល់ថា ក្រោយបរាជ័យក្នុងការទទួលបានប្រជាប្រិយភាពដូចក្ដីរំពឹងពីក្រុមដំបូងរបស់ម៉ាឡេស៊ី លោកចាប់ផ្ដើមមានការឈានឡើងជាថ្មីសម្រាប់ឆ្នាំ២០១៩ នេះ ។ ខ្សែប្រយុទ្ធ ចាន់ វឌ្ឍនាកា នៅតែត្រូវគេចាត់ទុកថា ជាកីឡាករឆ្នើមរបស់ក្លិបបាល់ទាត់បឹងកេត បើទោះជារូបគេសម្រេចចាកចេញដើម្បីសម្រេចបំណងទៅលេងនៅលីគកំពូលម៉ាឡេស៊ី ជាលីកទី២ក្នុងឆ្នាំ២០១៩ នេះ។
ចាន់ វឌ្ឍនាកា ធ្លាប់បានទទួលការខកចិត្តម្តងហើយសម្រាប់ការចេញទៅលេងនៅក្លិប Pahang កាលពីដើមឆ្នាំ២០១៨ បន្ទាប់ពី ក្លិបលេងនៅលីគកំពូលម៉ាឡេស៊ីមួយនេះបានសម្រេចបញ្ចប់កុងត្រាជាមួយរូបគេត្រឹមពាក់កណ្តាលរដូវកាលនោះ អ៊ីចឹងហើយទើបម្នាក់ៗបង្ហាញការអបអរសាទរនៅពេលដែលកីឡាករដែលមានដើមកំណើតនៅខេត្តកំពតរូបនេះនៅតែមានទីផ្សារនៅលើទឹកដីម៉ាឡេស៊ីតាមរយៈការទៅរួមរស់ជាមួយក្លិប PKNS FC ដែលជាក្លិបទើបទទួលបានចំណាត់ថ្នាក់លេខ៣ក្នុងការប្រកួតលីគកំពូលម៉ាឡេស៊ី កាលពី ឆ្នាំ២០១៨។
លោក បែ មករា អ្នកចាត់ការទូទៅក្លិបបឹងកេត ទទួលស្គាល់ថា ចាន់ វឌ្ឍនាកា ពិតជាបានបញ្ចប់កុងត្រាជាមួយក្លិបបឹងកេតមុនពេលសម្រេចចិត្តលេងឱ្យលីគកំពូលរបស់ម៉ាឡេស៊ីជាលើកទី២ ដោយលោកបានទាំងអះអាងថា ការសម្រេចចិត្តនេះគឺជាការសម្រេចចិត្តដ៏ត្រឹមត្រូវមួយដែលលោកក៏ដូចជាក្រុមការងារ គឺមានតែជួយជ្រោមជ្រែងដើម្បីបំពេញបំណង។ លោកថា ចាន់ វឌ្ឍនាកា បានសាងស្នាដៃជាច្រើនឱ្យក្រុមកម្ពុជា ជាពិសេសក្នុងពេល កម្ពុជាប្រកួតជាមួយក្រុមជម្រើសជាតិសិង្ហបុរី កន្លងទៅ។
លោកបង្ហាញការសោកស្តាយសម្រាប់ការចាកចេញរបស់ចាន់ វឌ្ឍនាកា ដោយ បានថ្លែងប្រាប់អ្នកសារព័ត៌មានក្នុងស្រុកថា៖«គាត់ហាក់ដូចជាកីឡាករឆ្នើមប្រចាំក្លិប ធ្លាប់ នៅជាមួយយើងយូរ និងបានជួយសាងភាពល្បីល្បាញនៅក្នុងក្លិប អ៊ីចឹងជាការធម្មតាទេការបាត់បង់កីឡាករឆ្នើមលំដាប់លេខ១ ក្នុងស្រុក គឺយើងមានការសោកស្តាយខ្លាំង ប៉ុន្តែដើម្បី អនាគតកីឡាករ និងដើម្បីបើកផ្លូវឲ្យកីឡាករខ្មែរយើងផ្សេងៗទៀតបានទៅលេងនៅក្រៅប្រទេសយើងត្រូវតែធ្វើការលះបង់»។
យ៉ាងណាក៏ដោយអ្នកចាត់ការទូទៅ ដែល ធ្លាប់មានបទពិសោធទៅដឹកនាំក្រុមនៅប្រទេស ថៃ លោក បែ មករា នៅតែ មានការគាំទ្រទៅលើការសម្រេចចិត្តរបស់ខ្សែប្រយុទ្ធក្រុមជម្រើសជាតិកម្ពុជា ចាន់ វឌ្ឍនាកា ក្នុងការទៅ ប្រកបអាជីពនៅលីគកំពូលម៉ាឡេស៊ី ដោយលោកគិតថា វឌ្ឍនាកា នឹងមានអនាគតជាងការលេងនៅក្នុងស្រុក ។ លោក បែ មករា បានបញ្ជាក់ថា សមត្ថភាពរបស់ ចាន់ វឌ្ឍនាកា គួរតែទៅលេងនៅលីគដែលល្អជាងនៅកម្ពុជា ហើយជាធម្មតាទាំងលោក និងក្លិបជឿជាក់ទាំងស្រុងថា ចាន់ វឌ្ឍនាកា នឹងមានប្រជាប្រិយភាពកាន់តែខ្លាំងជាមួយនឹងក្លិបថ្មី ដែលគេសម្រេចចិត្តលេងឱ្យក្នុងឆ្នាំ២០១៩នេះ។
ការចាកចេញរបស់លោក ងាកទៅក្លិបបឹង កេតឯណោះវិញ ក៏បានសរសេរបង្ហោះនៅ លើផេកហ្វេសប៊ុករបស់ខ្លួនដោយជូនពរដល់ ចាន់ វឌ្ឍនាកា ឲ្យទទួលបានជោគជ័យ សម្រាប់ការផ្ទេរទៅលេងនៅក្លិបថ្មី PKNS FC របស់ម៉ាឡេស៊ី នារដូវកាលថ្មីនេះផងដែរ ។
ការចាកចេញរបស់លោក គឺស្របគ្នានឹងក្លិបបឹង កេត ក៏បាននាំចូលកីឡាករបរទេសល្អៗ ដើម្បី ត្រៀមការប្រកួតលីគកំពូលកម្ពុជា ឆ្នាំ២០១៩ នេះ ដ្បិតថាគ្មានវត្តមានកីឡាករល្អ គឺចាន់ វឌ្ឍនាកា។ ទាក់ទងនឹងបញ្ហានេះ លោក បែ មករា បាន បង្ហើបថា គិតមកដល់ពេលនេះ ក្លិបបឹងកេត បាននាំយកកីឡាករបរទេសគ្រប់៥នាក់ សម្រាប់ត្រៀមរដូវកាលថ្មីនេះរួចរាល់ហើយ ហើយការត្រៀមខ្លួនលើកនេះសង្ឃឹមថា យើង នឹងអាចធ្វើបានល្អជាងមុន ៕
ចែករំលែកព័តមាននេះ