រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា ចៅសង្កាត់គោករកាបានជិះរថយន្តទៅបុកជាមួយរថយន្តដឹកដីមួយគ្រឿងជាប់ពីក្រោយឡើងខ្ទេចពីមុខ ដែលករណីគ្រោះថ្នាក់ចរាចរណ៍រវាងរថយន្ត និងរថយន្តនេះបានកើតឡើង នៅវេលាម៉ោង១៣និង១៥នាទីថ្ងៃទី២៤ ខែមេសា ឆ្នាំ២០១៩ ត្រង់ចំណុចមុខការដ្ឋានដីតាកៅ…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា ចៅសង្កាត់គោករកាបានជិះរថយន្តទៅបុកជាមួយរថយន្តដឹកដីមួយគ្រឿងជាប់ពីក្រោយឡើងខ្ទេចពីមុខ ដែលករណីគ្រោះថ្នាក់ចរាចរណ៍រវាងរថយន្ត និងរថយន្តនេះបានកើតឡើង នៅវេលាម៉ោង១៣និង១៥នាទីថ្ងៃទី២៤ ខែមេសា ឆ្នាំ២០១៩ ត្រង់ចំណុចមុខការដ្ឋានដីតាកៅ លើមហាវិថីឈ្នះឈ្នះ ភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ ។
សេចក្តីរាយការណ៍បានបន្តថា ករណីខាងលើកើតឡើងរវាងរថយន្តម៉ាក HINO ពណ៌បៃតង ពាក់ស្លាកលេខ ចង្កូតស្តាំ PP-2236 ដឹកដីដែលធ្វើដំណើរលើផ្លូវលំក្នុងគោលបំណងឆ្លងមហាវិថីឈ្នះៗ ក្នុងទិសដៅពីជើងទៅត្បូង អ្នកបើកបរគេចខ្លួនពីកន្លែងកើតហេតុមិនស្គាល់អត្តសញ្ញាណ លុះមកដល់កន្លែងកើតហេតុបានបុកជាមួយរថយន្តមួយគ្រឿងម៉ាក HILANDER ពណ៌ទឹកប្រាក់ ពាក់ស្លាកលេខ ភ្នំពេញ 2Y-2249 ធ្វើដំណើរក្នុងទិសដៅពីកើតទៅលិច បើកបរដោយឈ្មោះ សាំង ស៊ិន (ចៅសង្កាត់គោករកា) ភេទប្រុស អាយុ៥៧ឆ្នាំ ស្នាក់នៅភូមិច្រេស សង្កាត់គោករកា ខណ្ឌព្រែកព្នៅ រាជធានីភ្នំពេញ (របួសធ្ងន់ ) ហើយត្រូវបានរថយន្តសង្គ្រោះដឹកឲ្យទៅមន្ទីរពេទ្យផងដែរ ។
ទាក់ទិនគ្រោះថ្នាក់ខាងលើនេះដោយសារតែរថយន្តរបស់លោកចៅសង្កាត់បានបើកបរក្នុងល្បឿនលឿន ហើយក៏ជ្រុលទៅបុកកន្ទុយរថយន្តដឹកដីខាងលើដោយបុកជាប់ ហើយរថយន្តដឹកដីបានអូសពីចិញ្ចើមផ្លូវខាងស្តាំមកដល់ចិញ្ចើមផ្លូវខាងឆ្វេង។
ក្នុងករណីនេះបណ្តាលអោយរបួសមនុស្សធ្ងន់ម្នាក់ និងរថយន្តខូចខាតធ្ងន់០១គ្រឿង ស្រាល ០១គ្រឿង ។ ចំពោះករណីនេះប្រគល់ជូនជំនាញការិយាល័យនគរបាលចរាចរណ៍ផ្លូវគោករាជធានីភ្នំពេញផងដែរ ៕
ចែករំលែកព័តមាននេះ