យី​…​យក​ប្រាក់​គេ​អស់​ជិត​១​លាន​ដុល្លារ អង្គុយ​ហូប​ស៊ុប​ជា​មួ​ួ​យ​ប្រពន្ធ​ធ្វើ​មិនដឹង


រាជធានី​ភ្នំពេញ​ ៖ ​ថៅកែ​ឃ្លាំងទិញ​-លក់​រថយន្តដែល​ប្រើ​ល្បិច​លក់​រថយន្ត​ (ជាខ្យល់ ដោយធ្វើនំអត់ម្សៅ) ដោយបាន​ប្រមូលប្រាក់​កក់​​ប្រមាណ​ជិត១​លាន​ដុល្លារ​រត់​បាត់ ត្រូវ​បាន​ប្រជាពលរដ្ឋដែល​ជា​អ្នក​ចាញ់​បោក​​តាម​រក​ឃើញ ហើយ​និង​ប្តឹង​នគរបាល​ការិយាល័យ​ព្រហ្មទណ្ឌ​កំរិត​ស្រាល​នៃ​នាយកដ្ឋាន​ព្រហ្មទណ្ឌ​ក្រសួងមហាផ្ទៃ​អោយ​ឃាត់​ខ្លួនតែម្តង ។

ហេតុការណ៍​នេះ បាន​បង្ក​បង្កភ្ញាក់ផ្អើល​កាលពី​វេលម៉ោងប្រមាណ​១២​និង​៣០​នាទី​ថ្ងៃ​ត្រង់ថ្ងៃ​ទី​២១ ​មេសា ស្ថិតនៅ​ចំណុចហាងស៊ប​មួយកន្លែង (អតីត​អធិដ្ឋាន​នគរបាល​) ក្នុងខណ្ឌទួលគោក តាម​មហា​វិថី​សេនាប្រមុខ​​ មុខ​ទីបញ្ជាការដ្ឋាន​កងរាជអាវុធហត្ថ​លើ​ផ្ទៃ​ប្រទេស ក្នុង​សង្កាត់​បឹង​កក់​ទី​១ ខណ្ឌ​ទួល​គោក​ ។

ជន​ដែល​ប្រើ​ល្បិចបោក​ក្រោម​រូបភាព​លក់​រថយន្ត​ខ្យល់​បង់​រំ​លោះ ប្រមូលប្រាក់កក់​រត់​នោះ​ ឈ្មោះ​សេង សុភ​គ៌ ​អាយុ​៣២​ឆ្នាំ មាន​លំនៅ​ផ្ទះ​៦២៧​ផ្លូវ​បេតុង ភូមិ​ជ្រៃ​កោង សង្កាត់​ចោម​ចៅ​២ ខណ្ឌ​ពោធិ៍​សែន​ជ័យ ។ តាម​ព័ត៌មានឱ្យដឹង​ទៀត​ថា មាន​ប្រជាពលរដ្ឋប្រមាណ​ជិត​១០០​នាក់ ដែល​បាន​ចាញ់បោក​ជន​នោះ ដែល​បាន​ទៅ​ទិញ​រថយន្ត​បង់​រំ​លោះ និង​បាន​កក់​ប្រាក់​ខ្លះ៣​ពាន់ ខ្លះ​៥​ពាន់​ រហូត​ដល់១​ម៉ឺន​ដុល្លាររាប់​ខែ​មក​ហើយ ថៅកែ​គ្មាន​រថយន្ត​ឱ្យ​​ដោយ​ប្រមូលប្រាក់​ជិត​១​លាន​ដុលារ ហើយក៏រត់គេច​បាត់​ ។

តាម​ព័ត៌មាន​អោយ​ដឹង​ថា បន្ទាប់​ពី​រត់គេច​ខ្លួន ប្រជាពលរដ្ឋដែល​ចាញ់បោក​​បាន​លើកគ្ន ទៅ​កាន់​ទីតាំង​ឃ្លាំង​លក់​រថយន្ត​យីហោ សេង ហួត ដែល​ស្ថិត​នៅ​ក្នុងភូមិ​ជ្រៃ​កោង សង្កាត់​ចោម​ចៅ​២ ខណ្ឌ​ពោធិ៍​សែន​ជ័យ រាជធានី​ភ្នំពេញ​បង្ក​អោយ​មានការ​ភ្ញាក់ផ្អើល​កាលពី​វេលា​ម៉ោង​ប្រមាណ​៤​និង​៣០​នាទី​រសៀល​ថ្ងៃ​ទី​២៩ ខែ​មិ​នា ឆ្នាំ​២០១៩​និង​បាន​លើកគ្នា ទៅ​សាលាសង្កាត់​ដើម្បី​អោយ​អាជ្ញាធរ​ជួយ​អន្តរាគមន៍ និង​ប្តឹង នគរបាល​ក្រសួង​មហាផ្ទៃ ​ព្រមទាំង​តាម​រក​ហើយ ប្រទះ​ឃើញជនសង្ស័យឆបោក​នោះ​ ។

តាម​ព័ត៌មាន​បានឱ្យ​ដឹង​ទៀត​ថា លុះ​នៅ​វេលា​ថ្ងៃត្រង់ អ្នក​ចាញ់បោក​ក​៏បាន​តាម​រក​ជន​នោះ​ឃើញ ខណៈ​​ពេល​ដែលជន​នោះ ព្រមទាំង​ស្ត្រី​ជា​ភរិយា​ជិះ​រថយន្តម៉ាក​TUNDRA ​ពណ៌​.ស​ ពាក​់ស្លាក​លេខ​ភ្នំពេញ​២O ២៥៥៧​មួយ​គ្រឿង ទៅ​​ហាងស៊ុប​នៅ​ចំណុច​ខាងលើ​។ តាម​ព័ត៌មាន​​ថា ខណៈ​ពេលប្រជាពលរដ្ឋ ប្រមាណ​ជាង​៣០​នាក់ បាន​ធ្វើការ​បាន​នាំ​គ្នាចុះ​ទៅ​ដល់ហាង​នោះ និង​ទាក់ទង​ហៅ​នគរបាល​ការិយាល័យ ព្រហ្ម ទណ្ឌកំ​រិ​ស្រាល នៃ​នាយកដ្ឋាន​ព្រហ្មទណ្ឌ​ក្រសួងមហាផ្ទៃចុះ​ទៅ​យក​ជនសង្ស័យ ។​

ទោះបីជា​យ៉ាងណា​ នគរបាល​ហាក់ដូចជា​សន្តិភាព ហើយពុំ​បាន​ចាប់​វាយ​ខ្នោះ​នោះ​ទេ ដោយ​អញ្ជើញ​ជន​នោះ​ឱ្យបើករថយន្ត​ដោយ​ខ្លួនឯង ទៅ​កាន់​ក្រសួងមហាផ្ទៃ ។ គួរ​បញ្ជាក់​ថា នេះ​ជា​ល្បិច​បោក​ថ្មី ដែល​ថៅកែ រថយន្ត​ធ្វើ​នំ​អត់​ម្សៅ បាន​ជួល​រថយន្ត​គេ​មក​ដាក់​តាំង​ក្នុង​ឃ្លាំង ជា​ការ​បញ្ឆោត​និង​បោកប្រាស់​ដើម្បី​ឲ្យ​អ្នកទិញ​ទុកចិត្ត យក​លុយ​ទៅ​កក់​ប៉ុណ្ណោះ​។

តាម អ្នក​ដែល​ចាញ់បោក​គេ បានអោយ​ដឹង​ថា មាន​អ្នក​រង​គ្រោះ ប្រមាណ​ជិត​១០០​នាក់ ដែល​បាន​ចាញ់បោក នាំ​គ្នា​ទៅ​ទិញ​រថយន្ត​បង់​រំ​លោះ ដោយ​អស់ប្រាក់​ម្នាក់​ខ្លះ ៣​ពាន់​ដុល្លារ ,៥​ពាន់​ដុល្លារ​និង​ខ្លះ​ទៀត​រហូត​ដល​១​ម៉ឺន​ដុល្លារ ទៅ​តាម​ប្រភេទ​រួម​មាន​រថយន្ត​ហា​យ​ឡេ​ន​ឌ័​រ ឡិច​ស៊ី​ស​៣៣០ និង​៣៥០ តែ​កក់​លុយ​ខ្លះ​ប្រមាណ​ជាង​១​ខែ ខ្លះ​រហូត​ដល់​៣​ខែ មិន​ទាន់​បាន​រថយន្ត​នោះ​ទេ ដោយ​ម្ចាស់ បាន​ប្រើ​ល្បិច ពន្យា​ពេល​រហូត ។​

ដោយឡែក ​អ្នកខ្លះ​ទៀត​ប្រគល់​លុយ​គ្រប់​បាន​រថយន្ត​យក​ទៅ​ជិះ​រយៈពេល​ខ្លី​ហើយ​ត្រូវ​បាន​ថៅកែ​ឃ្លាំង​នេះ​យក​រថយន្ត​ត្រឡប់​ទៅ​វិញ​ដោយ​កុហក​ថា​រថយន្ត​ដាច់​ប្រព័ន្ធ​តាមដាន​GPS ហើយ​ក្រុមហ៊ុន​ត្រូវ​យក​ទៅ​វិញ​ដើម្បី​ត​ភ្ជាប់​ប្រព័ន្ធ​តាមដាន​GPS​ឲ្យ​បាន​ត្រឹមត្រូវ​ឡើង​វិញ​ហើយក៍​ទៅ​បាត់​រហូត​ទាក់ទង​លែង​ចូល​ទើប​​ដឹង​ថា ឃ្លាំង​លក់​រថយន្ត​នោះ​បោក​ប្រាក់​ពុំ​មាន​រថយន្ត​លក់​នោះ​ទេ គឺ​ជួល​រថយន្ត​គេ​មក​ដាក់​តាំង​ប្រមូល​​​លុយ​កក់​ប្រមាណ​ជិត​១​លាន​ដុល្លារ រត់គេច​បាត់​ស្រមោល​ តែ​គេច​មិន​ផុត​ពី​សំណាញ់​ច្បាប់​ឡើយ​៕

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

០៨:៥០ | ក្នុងស្រុក

តើ​នឹង​មាន​អ្វី​កើតឡើង នៅ​ពេល​តារា​សម្តែង​ភាពយន្ត​ដ៏​ល្បី ទេព រិ​ន​ដា​រ៉ូ និង​តារា​ល្បី​ក្នុង​បណ្តាញ​សង្គម ហេង វិសាល ប្រឈម​មុខ​នឹង​សត្វព្រៃ​នៅ​ខេត្តបាត់ដំបង?

ការស្ទង់មតិគេហទំព័រថ្មី




សូម​អរគុណ