អ្នកនាំពាក្យរាជរដ្ឋាភិបាល ៖ ប្រជាពលរដ្ឋខ្មែរគ្រប់មជ្ឈ ដ្ឋានបាននិងកំពុងតាមដានយ៉ាងយកចិត្តទុកដាក់ចំពោះដំណើរការ និងនីតិវិធីក្នុងការដោះស្រាយបញ្ហាព្រំដែនកម្ពុជា-ថៃ
- ភ្នំពេញ
រាជធានីភ្នំពេញ ៖ ប្រជាពលរដ្ឋខ្មែរគ្រប់មជ្ឈដ្ឋាន និងគ្រប់ទិសទី បាននិងកំពុងតាមដានយ៉ាងយកចិត្តទុកដាក់ចំពោះដំណើរការ និងនីតិវិធីក្នុងការដោះស្រាយបញ្ហានេះ ប្រកបដោយទំនុកចិត្តខ្ពស់ថា យុត្តិធម៌នឹងទទួលបានរវាងភាគីទាំងពីរក្រោមកិច្ចសម្របសម្រួល និងផ្សះផ្សារពីអ្នកជំនាញអន្តរជាតិ និងស្របតាមច្បាប់អន្តរជាតិ។ នេះបើតាមអ្នកនាំពាក្យរាជរដ្ឋាភិបាល។
ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានលើកឡើងក្នុងសន្និសីទសារព័ត៌មាន នាព្រឹកថ្ងៃទី០៦ ខែ
មិថុនា ឆ្នាំ២០២៦ ថា កម្លាំងមហាសាមគ្គីជាតិខ្មែរដ៏រឹងមាំ បាននិងកំពុងបង្ហាញឡើងកាន់តែខ្លាំងក្នុងការគាំទ្រការសម្រេចចិត្តរបស់រាជរដ្ឋាភិបាល ក្នុងការចាប់ផ្តើមប្រើប្រាស់យន្តការផ្សះផ្សារដោយបង្ខំ (Compulsory Conciliation) ក្រោមអនុសញ្ញាអង្គការសហប្រជាជាតិ UNCLOS ដើម្បីដោះស្រាយវិវាទទាមទារដែនសមុទ្រត្រួតស៊ីគ្នាជាមួយប្រទេសថៃ ។
ឯកឧត្តមបានបញ្ជាក់ថា «ប្រជាពលរដ្ឋខ្មែរគ្រប់មជ្ឈដ្ឋាន និងគ្រប់ទិសទី បាននិងកំពុងតាមដានយ៉ាងយកចិត្តទុកដាក់ចំពោះដំណើរការ និងនីតិវិធីក្នុងការដោះស្រាយបញ្ហានេះប្រកបដោយទំនុកចិត្តខ្ពស់ថា យុត្តិធម៌នឹងទទួលបាន រវាងភាគីទាំងពីរក្រោមកិច្ចសម្របសម្រួល និងផ្សះផ្សារពីអ្នកជំនាញអន្តរជាតិ និងស្របតាមច្បាប់អន្តរ
ជាតិ។ ជំហរដោះស្រាយបញ្ហាដោយសន្តិវិធី និងឈរលើច្បាប់អន្តរជាតិរបស់កម្ពុជា ក៏តែងតែទទួលបានការស្វាគមន៍ និងគាំទ្រពីសហគមន៍អន្តរជាតិជារៀងរហូតមក» ។
អ្នកនាំពាក្យបានលើកឡើងថា សម្តេចមហាបវរធិបតីនាយករដ្ឋមន្ត្រី បានអំពាវនាវឱ្យបងប្អូនជនរួមជាតិទាំងអស់បន្តរក្សាសាមគ្គីភាពជាធ្លុងមួយប្រកបដោយទំនុកចិត្តខ្ពស់ និងភាពរឹងមាំ ពីព្រោះការការពារអធិបតេយ្យភាពជាតិ គឺជាកាតព្វកិច្ចរបស់ជាតិយើងទាំងមូល ៕
ចែករំលែកព័តមាននេះ