គង់ សំបូរ ថា ផ្ដួល ភិន សុទី គឺជារឿងដ៏លំបាក
- ភ្នំពេញ
រាជធានីភ្នំពេញ ៖ ការប្រកួតមិត្តភាពរវាងកីឡាករ គង់ សំបូរ មកពីក្លិបអាណាចក្រប្រយុទ្ធ ខេត្តសៀមរាប និងកីឡាករ ភិន សុទី…
រាជធានីភ្នំពេញ ៖ ការប្រកួតមិត្តភាពរវាងកីឡាករ គង់ សំបូរ មកពីក្លិបអាណាចក្រប្រយុទ្ធ ខេត្តសៀមរាប និងកីឡាករ ភិន សុទី…
រាជធានីភ្នំពេញ ៖ ការប្រកួតមិត្តភាពរវាងកីឡាករ គង់ សំបូរ មកពីក្លិបអាណាចក្រប្រយុទ្ធ ខេត្តសៀមរាប និងកីឡាករ ភិន សុទី មកពីក្លិបកងទ័ពទឹក នៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃទី២១ មេសា ២០១៩ ។
កីឡាករបង្គោលក្រហម គង់ សំបូរ ដែលត្រូវគេស្គាល់ថា ជាម្ចាស់ជើងឯកមួយរូបកាលពីប៉ុន្មានឆ្នាំ បានទទួលជ័យជម្នះគួរជាទីមោទនៈ ប៉ុន្តែកីឡាកររូបនេះបែរជាសារភាពថា ជ័យជម្នះដែលខ្លួនទទួលបាន គឺជារឿងលំបាកបំផុត ដ្បិតតែអាចវាយឱ្យគូប្រកួតបោះបង់ការប្រកួតក្នុងទឹកទី៣។
មួយគូនេះ ត្រូវគេកត់សម្គាល់ថា មានការចាប់អារម្មណ៍យ៉ាងខ្លាំង ដោយសារតែកីឡាករទាំង២វាយគ្នាផាំងទៅផាំងមក គឺមិនខុសពីគូប្រកួតស៊ីសាច់ហុតឈាមនោះឡើយ ទម្រាំតែអាចរកឃើញចាញ់ឈ្នះ។
អ្នកគាំទ្រការប្រកួតមួយគូនេះ បង្ហាញការពេញចិត្តពេញថ្លើមយ៉ាងខ្លាំងនៅពេលកីឡាករបង្គោលក្រហម និងបង្គោលខៀវ ចាប់ផ្ដើមវាយសម្រុកទៅវិញទៅមក ដោយកីឡាករម្នាក់ៗស្ទុះវាយដោយមិនខ្លាចគ្រោះថ្នាក់ហើយ ធ្វើឱ្យអ្នកទស្សនាបុកពោះជំនួសមុនពេលលទ្ធផលត្រូវបានប្រកាស។
ក្នុងទឹកទី១ និងទី២ កីឡាក ភិន សុទី ត្រូវគេឃើញវាយចេញបានល្អ ហើយក៏ទំនងមិនគួនឹងចាញ់ការប្រកួតនោះដែរ ជាពិសេសនៅពេលគេវ័ធបានល្អទៅកាន់កីឡាករ គង់ សំបូរ ដែលជាជើងខ្លាំងម្នាក់ ។
ប៉ុន្តែឈានដល់ទឹកទី៣ កីឡាករ គង់ សំបូរ បែរជាប្រើបច្ចេកទេសវាយសម្រុកយ៉ាងចាស់ដៃ ធ្វើឱ្យបង្គោលខៀវ ភិន សុទី ត្រូវរាប់ដល់ទៅ៣ដងក្នុងមួយទឹក បណ្ដាលឱ្យលោកអាជ្ញាកណ្ដាលសម្រេចមិនឱ្យប្រកួតបន្ត ដោយសារតែភ្លៅទាំងសងខាងរបស់ ភិន សុទី ត្រូវបានទាត់ឡើងហើម និងមើលទៅមានរបួសធ្ងន់ទៅហើយ។
កីឡាករ គង់ សំបូរ សប្បាយចិត្តយ៉ាងខ្លាំង ក្រោយពេលប្រកាសថា ឈ្នះក្នុងទឹកទី៣ ក្នុងពេលដែលកីឡាកររូបនេះ ក៏សារភាពថា ពិបាកវាយផ្ដួលកីឡាករបង្គោលខៀវ ភិន សុទី មុនទទួលជ័យជម្នះផងដែរ។
គង់ សំបូរ និយាយថា កីឡាករ ភិន សុទី ដ្បិតថាថ្មី ហើយមានប្រវត្តិឡើងរេញបានតិចជាងខ្លួន ប៉ុន្តែក្បាច់វ័ធកែង និងទាត់លើខ្លាំងមិនធម្មតា ដោយលោកថា ត្រូវស៊ូដោយប្រកួតយ៉ាងលំបាក ទើបមានឱកាសនៅក្នុងពេលនោះ។ លោកអះអាងដោយប្រយោលថា បើការប្រកួតនេះ ជួបគ្នាជាលើកទី២ ក៏មិនប្រាកដថា នឹងឈ្នះបែបនេះនោះដែរ ដោយសារកីឡាករ ភិន សុទី លោកទទួលស្គាល់ថា គឺខ្លាំង៕
ចែករំលែកព័តមាននេះ