ក្រុមហ៊ុន​ព្រៃ​សម្បទាន​ថ្លើមពាសមេឃ ជួល​យួន​១២​នាក់ គ្រឿងចក្រ​៦ ចូល​មក​ឈូស​ព្រៃ (​វី​ដេ​អូ​)


ខេត្ត​រតនៈគីរី ៖ ក្រុមហ៊ុន​ដី​សម្បទាន​ឈ្មោះ នុ​ភាព សុ​ភី នាំ​គ្រឿងចក្រ​6​គ្រឿង រួម​ទាំង​ជនជាតិ​វៀតណាម​ចំនួន​12​នាក់ ចូល​ដោយ​ខុសច្បាប់​ឈូស​ដី​ព្រៃ​ក្នុង​តំបន់​កន្ទុយ​នាគ ត្រូវ​បាន​សមត្ថកិច្ច​ប៉ូលិស​ជំនាញ​ចាប់​បាន​នៅ​ថ្ងៃ​ទី​១៦ ខែមេសា ឆ្នាំ​២០១៩ ហើយ​នៅ​វេលា​ម៉ោង​៣​និង​៣០​នាទី​រសៀល​ថ្ងៃ​ទី​១៩ មេ​សា​នេះ សមត្ថកិច្ច​ប៉ូលិស​ជំនាញ​ខាង​អន្តោប្រវេសន៍​បាន​កសាង​សំណុំរឿង​ប​ញ្ជួ​ន​ខ្លួន​ជនជាតិ​វៀតណាម​ទាំង​12​នាក់​ទៅ​តុលាការ​។

យោង​តាម​របាយការណ៍​របស់​សមត្ថកិច្ច​ខាង​ជំនាញ​ឱ្យ​ដឹង​ថា ជនជាតិ​វៀតណាម​12​នាក់ រួម​ទាំង​គ្រឿងចក្រ​6​គ្រឿង​នោះ ចាប់​បាន​នៅ​ចំណុច​ក្រុមហ៊ុន នុ​ភាព​សុ​ភី​តែ​ម្តង ស្ថិត​នៅ​ក្នុងស្រុក​តា​វែង ក្នុង​ដី​ក្រុមហ៊ុន​ខាងលើ ដែល​មាន​ផ្ទៃដី​ជាប់​ស្រុក​អណ្ដូង​មាស និង​ជាប់​ឧទ្យាន​វ​រះ​ជ័យ​។

ចំពោះ​មូលហេតុ​សមត្ថកិច្ច​ចាប់​ជនជាតិ​ខាងលើ​នេះ គឺ​មក​ពី​លួច​ឆ្លង​ដែន​ដោយ​ច្បាប់​តាម​ច្រករបៀង​បង្គោល​ឡាក់​លេខ​១៤ នៅ​ស្រុក​អណ្ដូង​មាស ហើយ​ជនជាតិ​វៀតណាម​ទាំង​12​នាក់​នេះ តាម​ច្បាប់​អាច​ជាប់​ពន្ធនាគារ​ចាប់ពី​6​ខែ​ទៅ​1​ឆ្នាំ ។

សមត្ថកិច្ច​បាន​បន្ត​ទៀត​ថា បើ​យោង​តាម​ការ​ឆ្លើយ​សារភាព​របស់​ជនជាតិ​វៀតណាម​ទាំង​12​នាក់ ពួក​គាត់​ជា​កម្មករ​រកស៊ី​ឈ្នួល​ឈូស​ឆាយដី​ព្រៃ​ឱ្យ​ក្រុមហ៊ុន​នុ​ភាព​សុ​ភី​ទេ ដោយ​មានឈ្មោះ សេក វ​រះ ជនជាតិ​ខ្មែរ ជានា​យក​ក្រុមហ៊ុន​ខាងលើ ។

ព័ត៌មាន​ពិស្តារ​មាន​ផ្សាយ​នៅ កាសែត​កោះសន្តិភាព

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ