រាជធានីភ្នំពេញ ៖ បុរសជាជនអនាថាម្នាក់នឹងជាអ្នកប្រមឹកស្រាផឹករហូតដល់ក្អួតចេញឈាមតាមមាត់បង្កឱ្យប្រជាពលរដ្ឋ និងសមត្ថកិច្ចមូលដ្ឋានស្មានតែស្លាប់ ហើយហៅរថយន្តសាមុយមកដឹក បង្កឱ្យមានការភ្ញាក់ផ្អើលកាលពីម៉ោង12អធ្រាត្រឈានចូលថ្ងៃទី១៩ ខែមេសា ឆ្នាំ២០១៩ តាមបណ្តោយផ្លូវកម្ពុជាក្រោម ស្ថិតក្នុងសង្កាត់ផ្សារថ្មី២…
រាជធានីភ្នំពេញ ៖ បុរសជាជនអនាថាម្នាក់នឹងជាអ្នកប្រមឹកស្រាផឹករហូតដល់ក្អួតចេញឈាមតាមមាត់បង្កឱ្យប្រជាពលរដ្ឋ និងសមត្ថកិច្ចមូលដ្ឋានស្មានតែស្លាប់ ហើយហៅរថយន្តសាមុយមកដឹក បង្កឱ្យមានការភ្ញាក់ផ្អើលកាលពីម៉ោង12អធ្រាត្រឈានចូលថ្ងៃទី១៩ ខែមេសា ឆ្នាំ២០១៩ តាមបណ្តោយផ្លូវកម្ពុជាក្រោម ស្ថិតក្នុងសង្កាត់ផ្សារថ្មី២ ខណ្ឌដូនពេញ ។
សមត្ថកិច្ចក៏បានឱ្យដឹងដែរថា ជនរងគ្រោះមានឈ្មោះ អុក ភេទប្រុស អាយុជាង៣០ឆ្នាំ មានស្រុកកំណើតនៅខេត្តព្រៃវែង ។
តាមប្រភពពីសាក្សីឃើញហេតុការណ៍បានឱ្យដឹងថា មុនកើតហេតុ ជនរងគ្រោះ គាត់ជាជនអនាថាគ្មានផ្ទះសំបែង និងផឹកស្រាជារៀងរាល់ថ្ងៃ ហើយដើរដេកគ្រប់តែទីកន្លែង លុះពេល កើតហេតុ មានប្រជាពលរដ្ឋគាត់ប្រទះឃើញជនរងគ្រោះកំពុងតែក្អួចចេញឈាមមកតាមមាត់ ហើយដេកសន្លប់ស្តូកស្តឹងនៅនឹងកន្លែងកើតហេតុ ។
ពេលភ្លាមៗនោះដែលគាត់ និងប្រជាពលរដ្ឋនៅក្នុងម្តុំឌឿមហែមនោះ បានដាស់គាត់ដែរ ប៉ុន្តែគាត់អត់ដឹងខ្លួន ទើបគាត់រាយការណ៍ទៅប្រាប់សមត្ថកិច្ចថា ប្រទះឃើញបុរសម្នាក់ដេកស្លាប់ ហើយមួយសន្ទុះក្រោយមកក៏មានសមត្ថកិច្ចមូលដ្ឋានប៉ុស្តិ៍ផ្សារថ្មី២ ចុះមកអន្តរាគមន៍ហៅរថយន្តសង្គ្រោះរបស់មន្ទីរពេទ្យកាល់ម៉ែតមក ដើម្បីដឹកយកជនរងគ្រោះយកទៅព្យាបាល ប៉ុន្តែជនរងគ្រោះដឹងខ្លួនក៏និយាយថា អត់ទៅណានោះទេ ។
ក្រោយពេលកើតហេតុ រថយន្តសាមុយរបស់មន្ទីរពេទ្យកាលម៉ែតបានត្រឡប់ទៅបាត់ហើយ ចំណែកជនរងគ្រោះក៏ដើរចេញទៅបាត់ទៅ ៕
ចែករំលែកព័តមាននេះ