រាជធានីភ្នំពេញ ៖ អតីមន្ត្រីជាន់ខ្ពស់គណបក្សសង្គ្រោះជាតិបានសម្តែងការសោកស្តាយ ចំពោះមហាបាតុកម្មដែលរៀបចំដោយក្រុមប្រឆាំងនៅប្រទេសកូរ៉េខាងត្បូងដែលដឹកនាំដោយលោកសម រង្ស៊ី អតីតប្រធានគណបក្សសង្គ្រោះជាតិកន្លងមកនេះ ។
លោកអ៊ូ ច័ន្ទរ័ត្ន អតីតមន្ត្រីជាន់ខ្ពស់គណបក្សប្រឆាំង ហើយទើបតែទទួលបានសិទ្ធិធ្វើ នយោបាយកាលពេលកន្លងមកនេះបាននិយាយនៅថ្ងៃទី២០ មេសា លោកសម្រេចចិត្តមិនចូលរួមវេទិការរបស់អង្គការ Asia Human Rights Peace forum នៅប្រទេសកូរ៉េនោះទេ។ បន្ទាប់ពីខំធ្វើដំណើរទៅដល់ប្រទេសកូរ៉េដើមចូលរួមវេទិការដោយមានការចូលរួមពីលោកសម រង្ស៊ី អតីតប្រធានគណបក្សសង្គ្រោះជាតិ និងក្រុមលោកសម រង្ស៊ី លោកអ៊ូ ច័ន្ទរ័ត្ន បានបញ្ជាក់ថា«ខ្ញុំបានសម្រេចចិត្តមិនចូលរួមវេទិការអ្នកប្រជាធិបតេយ្យដែលរៀបចំដោយអង្គការ Asia Human Rights Peace Forum នៅនាទីចុងក្រោយ ដោយមិនចង់ឲ្យមានការប៉ះពាល់ដល់ដំណើរការអង្គវេទិការ និងសតិអារម្មណ៍របស់អ្នកបដិសេធវត្តមានរបស់ខ្ញុំ ។
ប៉ុន្តែខ្ញុំនៅតែរំពឹង និងមានសុទិដ្ឋិនិយមថា នឹងមានផលវិជ្ជមានពីកម្មវិធីក្នុងការដោះស្រាយ បញ្ហាជាតិ» ។ លោកបន្ថែមខ្ញុំមានការសោកស្តាយចំពោះថ្នាក់ដឹកនាំ និងសកម្មជនរបស់បក្សប្រឆាំងពីវត្តមានរបស់ខ្ញុំក្នុងវេទិការនឹងក្នុងការចូលរូម ។ យើងឃើញថា មានប្រតិកម្មពីលោកស្រី មួរ សុខ ហួអតីតអនុប្រធានគណបក្សប្រឆាំងលោកស ច័ន្ទដេត និងសកម្មជនជាច្រើនទៀត ។ ជាមួយគ្នានោះដែរលោកអ៊ូ ច័ន្ទរ័ត្ន ក៏បានអះអាងថា មូលហេតុដែលលោកសម្រេច ចិត្តមិនចូលរួមវេទិការដោយសារតែលោកមិនចង់ឲ្យខ្មែរបាក់មុខនៅបរទេស ហើយដោយ សារតែលោកមើលឃើញថា អ្នកគាំទ្រលោកសម រុង្ស៊ី បានប្រើសារប្រមាថធ្ងន់ៗមកលើរូបលោក ។
លោកក៏បានហៅទង្វើរបស់ក្រុមប្រឆាំងផ្កាប់មុខនេះជាទង្វើមិនសមទាល់តែសោះ ក្នុងនាមលោកជាអ្នកប្រជាធិបតេយ្យ ។ ជាងនេះសោកស្តាយចំពោះថ្នាក់ដឹកនាំរបស់គណបក្សប្រឆាំងដែលមិនបានប្រាប់ដល់សកម្មជនខ្លួន ។ ចំពោះការចោទប្រកាន់របស់ក្រុមប្រឆាំងនៅក្រៅប្រទេសពីមូលហេតុដែលលោកសុំសិទ្ធិធ្វើនយោបាយវិញត្រូវលោកអ៊ូ ច័ន្ទរ័ត្ន អះអាងជាការលាបពណ៌មកលើរូបលោក នឹងតែប៉ុ ណ្ណោះ ។ លោកបញ្ជាក់ថា«ការចោទប្រកាន់លាបពណ៌បែបនេះខ្ញុំជឿងថា ជាការគិតខុស ព្រោះពេលកន្លងមកនេះមានមន្ត្រីនៅក្នុងបក្សមានការលក់ខ្លួន ហើយក៏មានអ្នកខ្លះ លិបលចូលជាមួយបក្សផ្សេងទៀត ។
ដូច្នេះការដែលខ្ញុំមកចូលរួមវេទិការនៅកូរ៉េនេះ គឺចង់បង្ហាញថាខ្ញុំ មិនលក់ខ្លួនដូចគេគិត និងលាបពណ៌នោះទេ» ។ លោកសុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងថា ក្រុមបាតុកម្មបានស្រែករំដោះប្រជាធិបតេយ្យកម្ពុជា នៅប្រទេសកូរ៉េជាការចម្លែកណាស់ ដែលចង់រំដោះរបស់ដែលហៅថា លទ្ធិប្រជាធិបតេយ្យកម្ពុជាបែរជាទៅធ្វើនៅប្រទេសកូរ៉េខាងត្បូង ដែលមានចម្ងាយប្រមាណ៨០០០គីឡូម៉ែត្រពីកម្ពុជាទៅវិញ ។ លោកបន្តថា មេខ្យល់ដែលទៅពីគ្រប់ប្រទេសនៅលើពិភពលោកមានដ៏ច្រើនលើសលុបហួសពីការស្មានប្រហែលជាដល់ទៅជាង៦០នាក់ឯណោះ ។
នៅក្នុងពិធីមហាបាតុកម្មដែលមានមនុស្សចូលរួមប្រមាណរយនាក់ប៉ុណ្ណោះ ពួកគេឃោសនាថាដល់ទៅរាប់រយរាប់ពាន់នាក់នោះបានប្រព្រឹត្តទៅយ៉ាងសោះកក្រោះ ទោះបីមានវត្តមានមេឧទ្ទាមក្រៅច្បាប់ក៏ដោយ ។ ថ្លែងក្នុងមហាបាតុកម្មភ្លើងទៀន គាំទ្រគណបក្សសង្គ្រោះជាតិ នៅទីក្រុងក្វាងយូ (Gwangju) ប្រទេសកូរ៉េខាងត្បូង កាលពីថ្ងៃទី២០ ខែមេសា លោកសម រង្ស៊ី បានលើកឡើងថា កាធ្វើបាតុកម្មនេះ ដើម្បីទាមទារឲ្យប្រទេសកម្ពុជាប្រកាន់លិទ្ធប្រជាធិបតេយ្យពិតប្រាកដ និងចង់ឲ្យមានការផ្លាស់ប្តូរនៅកម្ពុជា ។ អតីតមេបក្សប្រឆាំងក៏បានអះអាងជាថ្មីលោកនឹងមកប្រទេសកម្ពុជាឆាប់ៗនេះដោយមានការចូលរួមពីពលករកម្ពុជាមកពីកូរ៉េ និងប្រទេសថៃ ៕
ចែករំលែកព័តមាននេះ