ប្រជាជន​ខ្មែរ​ជាង​២​សែន​កើត​ជំងឺលើសឈាម


មន្ត្រីជាន់ខ្ពស់​ក្រសួងសុខាភិបាល​មួយ​រូប​បាន​និយាយ​នៅ​ថ្ងៃនេះ​ថា ជំងឺ​ឡើង​សម្ពាធ​ឈាម​ដែល​យើង​ច្រើន​ហៅ​កាត់​ថា លើសឈាម គឺជា​ជំងឺ​ដ៏​គំរាមកំហែង​មួយ​សម្រាប់​ប្រជាជន​កម្ពុជា ហើយ​មាន​ប្រជាពលរដ្ឋ​ចំនួន​រហូត​ដល់​ជាង​២,២​សែន​នាក់​បាន​កើត​មាន​ជំងឺ​លើស​សម្ពាធ​ឈាម​នៅ​ឆ្នាំ​២០១៨​។

មន្ត្រី​រូប​នេះ​បាន​និយាយ​ថា នៅ​ក្នុង​ឯកសា​បូក​សរុប​ការងារ​របស់​ក្រសួងសុខាភិបាល​ដែល​លោក​បានឃើញ​នោះ​បង្ហាញ​ថា ករណី​ពិគ្រោះ​ជំងឺ​ឡើង​សម្ពាធ​ឈាម​កាលពី​ឆ្នាំ​២០១៨ មាន​ចំនួន​២២៣ ៣៦១​នាក់​។ ក្នុង​ចំណោម​នោះ​ស្ត្រី​មាន​ចំនួន​ច្រើន​ជាង​បុរស ដោយ​ស្ត្រី​មាន​ចំនួន ១៤០ ៥៧៣​នាក់​។

របាយការណ៍​នោះ​ក៏​បាន​បង្ហាញ​ថា មនុស្ស​ជាង​១២០​នាក់​បាន​ស្លាប់​ដោយសារ​ជំងឺ​ឡើង​សម្ពាធ​ឈាម​។ ចំនួន​អ្នក​កើត​ជំងឺ​ឡើង​សម្ពាធ​ឈាម​អាច​មាន​ច្រើន​ជាង​នេះ ខណៈ​ដែល​មាន​ប្រជាជន​កម្ពុជា​ជា​ច្រើន​ទៅ​ពិនិត្យ​ជំងឺ​នៅ​តាម​មន្ទីរពេទ្យ ឬ​គ្លីនិក​ឯកជន​។ មន្ត្រីជាន់ខ្ពស់​រូប​នោះ​ក៏​ឱ្យ​ដឹងផង​ដែរ​ថា អ្នកមាន​ជំងឺ​បេះដូង​សរសៃឈាម​ដែល​បាន​មក​ពិគ្រោះ​ជំងឺ​មាន​ចំនួន​សរុប ២៧០២៩​នាក់​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ