ADផ្ទាំងផ្សព្វផ្សាយពាណិជ្ជកម្ម

Picture

ដឹង​អត់​! សង្ក្រាន្ត​ក្នុង​ខេត្ត​បៃ​លិ​ន​មាន​អ្វី​ប្លែក​ខុស​ពី​ឆ្នាំ​មុន

4 ឆ្នាំ មុន
  • ប៉ៃលិន

ខេត្ត​ប៉ៃលិន ៖ គេ​សង្កេត​ឃើញ​ថា រដូវ​បុណ្យចូលឆ្នាំ​ថ្មី​ប្រពៃណី​ជាតិខ្មែរ បាន​ឈាន​ចូល​មក​ដល់​នៅ​ក្នុង​ខេត្ត​ប៉ៃលិន​នៅ​ឆ្នាំ​នេះ មាន​លក្ខណ​:​ខុស​ប្លែក​ពី​ឆ្នាំ​មុន​ៗ ដោយ​អាជ្ញាធរ​ខេត្ត​ចាប់ផ្តើម​រៀបចំ​តុបតែង​ជា​លក្ខណ​:​ទាក់ទាញ ដោយ​ធ្វើ​សង្ក្រាន្ត រហូត​ដល់​២​កន្លែង ដើម្បី​ទាញអារម្មណ៍​ភ្ញៀវ​ទេសចរណ៍​ឱ្យ​ចូល​ទៅ​លេង​កំសាន្ត​កាន់តែ​ច្រើន​ឡើង​ថែម​ទៀត…

ខេត្ត​ប៉ៃលិន ៖ គេ​សង្កេត​ឃើញ​ថា រដូវ​បុណ្យចូលឆ្នាំ​ថ្មី​ប្រពៃណី​ជាតិខ្មែរ បាន​ឈាន​ចូល​មក​ដល់​នៅ​ក្នុង​ខេត្ត​ប៉ៃលិន​នៅ​ឆ្នាំ​នេះ មាន​លក្ខណ​:​ខុស​ប្លែក​ពី​ឆ្នាំ​មុន​ៗ ដោយ​អាជ្ញាធរ​ខេត្ត​ចាប់ផ្តើម​រៀបចំ​តុបតែង​ជា​លក្ខណ​:​ទាក់ទាញ ដោយ​ធ្វើ​សង្ក្រាន្ត រហូត​ដល់​២​កន្លែង ដើម្បី​ទាញអារម្មណ៍​ភ្ញៀវ​ទេសចរណ៍​ឱ្យ​ចូល​ទៅ​លេង​កំសាន្ត​កាន់តែ​ច្រើន​ឡើង​ថែម​ទៀត ។

ប្រភព​ព័ត៌មាន​បានឱ្យ​ដឹង​ថា ជា​រៀង​រាល់​ឆ្នាំ អាជ្ញាធរ​មិន​ធ្លាប់​រៀបចំ​ធ្វើ​សង្ក្រាន្ត​នោះ​ទេ ដោយ​ពលរដ្ឋ​គ្រាន់តែ​ដើរ​លេង​កំសាន្ត​តាម​វត្ត និង​តាម​រមណីយដ្ឋាន​ប៉ុណ្ណោះ ប៉ុន្តែ​នៅ​ឆ្នាំ​២០១៩​នេះ ពិតជា​មាន​លក្ខណ​:​ពិសេស​ដោយ​អាជ្ញាធរ​បាន​រៀបចំ​ធ្វើ​សង្ក្រាន្ត​រហូត​ដល់​២​កន្លែង គឺ​ទី​១-​ស្ថិត​នៅ​ក្នុងភូមិ​អូរ​ច្រា សង្កាត់​ទួល​ល្វា ក្រុងប៉ៃលិន និង​២-​ស្ថិត​នៅ​សួន​កុមារ​ទល់មុខ​នឹង​សាលាខេត្ត ក្នុងភូមិ​ប៉ា​ហ៊ី​ត្បូង សង្កាត់​ប៉ៃលិន ក្រុងប៉ៃលិន ដើម្បី​ទាក់​ទាញ​ភ្ញៀវ​ទេសចរណ៍​ជាតិ និង​អន្តរជាតិ​ឱ្យ​ចូល​ទៅ​លេង​កំសាន្ត​កាន់តែ​ច្រើន​កុះករ ។

ការ​រៀបចំ​ធ្វើ​សង្ក្រាន្ត​នេះ ក៏​មាន​លក្ខណ​:​ពិសេស​មួយទៀត​ដែរ ដោយ​ធ្វើការ​តាំងពិព័រណ៍​លក់ទំនិញ​ឱ្យ​ប្រជាពលរដ្ឋ​ដែល​ធ្វើ​ដំណើរ​ទៅ​កំសាន្ត​ចូល​ទិញ​របស់របរ នំចំណី មាន​ច្រើន​ហូរហែ​ផង​ដែរ ។

ប្រភព​បន្ត​ទៀត​ថា នៅ​ឆ្នាំ​២០១៩​នេះ ទាំង​ភ្ញៀវ​ជាតិ និង​អន្តរជាតិ ហាក់ដូចជា​មាន​អារម្មណ៍​សប្បាយ​រីករាយ​ខុស​ប្លែក​ពី​ឆ្នាំ​មុន​ៗ ។ ចំណែក​លោក លឹ​ម វាសនា ប្រធាន​មន្ទីរ​ទេសចរណ៍​ខេត្ត បានឱ្យ​ដឹង​ថា ភ្ញៀវ​ទេសចរណ៍​ដែល​ចូល​ទៅ​កម្សាន្ត​នៅ​ក្នុង​ខេត្ត​ប៉ៃលិន នា​ឱកាស​បុណ្យចូលឆ្នាំ​ថ្មី​ប្រពៃណី​ជាតិខ្មែរ​រយ​:​ពេល​៣​ថ្ងៃ គឺ​ចាប់ពី​ថ្ងៃ​ទី​១៤-១៦ មេ​សា​នេះ មាន​ចំនួន​៨១,៧៨១​នាក់ បើ​ប្រៀបធៀប​នឹង​ឆ្នាំ​២០១៨ គឺ​មាន​ចំនួន​៦៧,៧៨២​នាក់​កើនឡើង​២០.៦៥% ។ លោក​បន្ត​ថា ចំនួន​ភ្ញៀវ​ទេសចរ​អន្តរជាតិ​សរុប​ចំនួន​៣៤៨​នាក់ បើ​ប្រៀបធៀប​នឹង​ឆ្នាំ​២០១៨ គឺ​មាន​ចំនួន​២០៨​នាក់ កើនឡើង ៦៨.១១% ។

លោក​បញ្ជាក់​ថា សរុប​ភ្ញៀវ​ទេសចរ​ជាតិ និង​អន្តរជាតិ​មាន​ចំនួន​៨២,១២៩​នាក់ បើ​ប្រៀប​ធៀប​នឹង​ឆ្នាំ​២០១៨​មាន​ចំនួន​៦៧,៩៨៩​នាក់ ឃើញ​ថា ឆ្នាំ​នេះ​កើនឡើង​២០.៧៩%។ លោក​សង្ឃឹមថា នៅ​ឆ្នាំ​ក្រោយ​ៗ​ទៀត ភ្ញៀវ​ទេសចរ​ជាតិ និង​អន្តរជាតិ​កាន់តែ​ច្រើន​នឹង​មក​លេង​កម្សាន្ត​នៅ​ក្នុង​ខេត្ត​ប៉ៃលិន ។

សូម​បញ្ជាក់​ថា នៅ​ក្នុង​ឱកាស​បុណ្យចូលឆ្នាំ​ថ្មី​ប្រពៃណី​ជាតិ​នេះ ក្រៅពី​ការ​ធ្វើ​សង្ក្រាន្ត​ប៉ៃលិន​ឆ្នាំ​ថ្មី​ចំនួន​២​កន្លែង អាជ្ញាធរ​ខេត្ត​ក៏​នៅ​មាន​រៀបចំ​តំបន់​ទេសចរណ៍​សំខាន់​ៗ​មួយ​ចំនួន​ទៀត គឺ​រមណីយដ្ឋាន​ធម្មជាតិ​ចំនួន​៣​កន្លែង រមណីយដ្ឋាន​កែ​ច្នៃ​ចំនួន​២​កន្លែង កីឡា​ទេសចរណ៍​ចំនួន​១៦​កន្លែង សណ្ឋាគារ​ចំនួន​១១​កន្លែង ផ្ទះសំណាក់​ចំនួន​១៩​កន្លែង និង​អាហារ​ដ្ឋា​ន​ចំនួន​៥៩​កន្លែង ក្នុង​ការ​រៀបចំ​ទទួល​ស្វាគមន៍​ភ្ញៀវ​ទេសចរណ៍​ជាតិ និង​អន្តរជាតិ ដែល​ធ្វើ​ដំណើរ​មក​កំសាន្ត​សប្បាយ​ក្នុង​ខេត្ត​ប៉ៃលិន ៕

អត្ថបទសរសេរ ដោយ

កែសម្រួលដោយ