រាជធានីភ្នំពេញ ៖ ការព្យាករណ៍ប្រមូលចំណូលប្រចាំឆ្នាំ ២០២៦ ។ ផ្អែកតាមការអនុវត្តលក់សំបុត្ររបស់គ្រឹះស្ថានអង្គរក្នុងឆ្នាំ ២០២៥ គ្រឹះស្ថានអង្គរគ្រោងភ្ញៀវទេសចរអន្តរជាតិ ទិញសំបុត្រចូលទស្សនារមណីយដ្ឋានអង្គរក្នុងឆ្នាំ ២០២៦…
រាជធានីភ្នំពេញ ៖ ការព្យាករណ៍ប្រមូលចំណូលប្រចាំឆ្នាំ ២០២៦ ។ ផ្អែកតាមការអនុវត្តលក់សំបុត្ររបស់គ្រឹះស្ថានអង្គរក្នុងឆ្នាំ ២០២៥ គ្រឹះស្ថានអង្គរគ្រោងភ្ញៀវទេសចរអន្តរជាតិ ទិញសំបុត្រចូលទស្សនារមណីយដ្ឋានអង្គរក្នុងឆ្នាំ ២០២៦ ចំនួន ១,៣ លាននាក់ ដែលក្នុងនោះសំបុត្ររយៈពេលមួយថ្ងៃមានចំនួន ៦២% សំបុត្របីថ្ងៃមានចំនួន ៣៦,៣% និងប្រាំពីរថ្ងៃ មានចំនួន ១,៦% គិតជាចំណូលរួមមានចំនួន ៦០ ៦៩៩ ៤៨៨ ដុល្លារ ។ នេះបើយោងតាមរបាយការណ៍សន្និបាតបូកសរុបលទ្ធផលការងារឆ្នាំ ២០២៥ និងលើកទិសដៅការងារឆ្នាំ ២០២៦ របស់ក្រសួងទេសចរណ៍ ដែលបានចេញផ្សាយកាលពីថ្ងៃទី ២ ខែកុម្ភៈ ឆ្នាំ ២០២៦ ។
របាយការណ៍ដដែលឱ្យដឹងទៀតថា ក្នុងនោះប្រាសាទកោះកេរ មានភ្ញៀវទេសចរអន្តរជាតិ ចំនួន ៣៥ ០០០ នាក់ នឹងទទួលបានចំណូលចំនួន ៥២៥ ០០០ ដុល្លារ ។ ប្រាសាទបេងមាលា មានភ្ញៀវទេសចរ អន្តរជាតិចំនួន ៤០ ០០០ នាក់ នឹងទទួលបានចំណូលចំនួន ៤០០ ០០០ ដុល្លារ និង តំបន់ទេសចរចុងឃ្លៀស នឹងអាចទទួលបានចំណូលចំនួន ១ ១០០ ០០០ ដុល្លារ ។
ដោយឡែកការប្រមូលចំណូលប្រចាំឆ្នាំ ២០២៥ កន្លងមកនេះ គ្រឹះស្ថានអង្គរ បានលក់សំបុត្រជូនភ្ញៀវទេសចរអន្តរជាតិចូលទស្សនារមណីយដ្ឋានអង្គរបានចំនួន ៩៥៥ ១៣១ នាក់ ទទួលបានចំណូលចំនួន ៤៤ ៧១១ ៦៥៧ ដុល្លារ ។ សំបុត្ររយៈពេលវែង ចំនួន ៣១៦ នាក់ ទទួលបានចំណូលចំនួន ៤៩ ៤០០ ដុល្លារ ។ លក់សំបុត្រកោះកេរ ចំនួន ២០ ២៦៥ នាក់ ទទួលបានចំណូលចំនួន ៣០៣ ៩៧៥ ដុល្លារ ។ សំបុត្របេងមាលា ចំនួន ១៦ ៥៨៥ នាក់ ទទួលបានចំណូលចំនួន ១៦៥ ៨៥០ ដុល្លារ ។ សំបុត្រក្បាលស្ពាន ចំនួន ១ ៥៩៩ នាក់ ទទួលបានចំណូលចំនួន ៧ ៩៩៥ ដុល្លារ និងលក់សំបុត្រទូកចុងឃ្លៀស ទទួលបានចំណូលចំនួន ១ ២៥២ ៤៧៥ ដុល្លារ ៕
ចែករំលែកព័តមាននេះ