ធ្វើ​សកម្មភាព​ហើយ នាំ​គ្នា​មក​សំងំ​ក្នុងផ្ទះ​សំណាក់ ត្រឹម​៥​ម៉ោងជាង​អស់លក្ខណ៍


រាជធានី​ភ្នំពេញ ៖ ជនសង្ស័យ​វាយ​ប្លន់​ចំនួន​៤​នាក់​ក្នុង​ចំណោម​បក្សពួក​៥​នាក់ ត្រូវ​បាន​កម្លាំង​នគរបាល​ខណ្ឌ​ឬ​ស្សី​កែវ សហការ​ជាមួយ​កម្លាំង​នគរបាល​ប៉ុស្តិ៍​ទួល​សង្កែ​១ ឃាត់ខ្លួន​ជនសង្ស័យ​នៅ​ក្នុងផ្ទះ​សំណាក់ «​មហាលាភ​» បន្ទាប់​ពី​ពួក​គេ​ធ្វើ​សកម្មភាព​ស្ទាក់​វាយ​ប្លន់​ម៉ូតូ​មួយ​គ្រឿង​បាន​សម្រេច កាលពី​យប់​រួច​យក​ម៉ូតូ​ទៅ​លាក់​ទុក ហើយ​មក​សំងំ​លាក់ខ្លួន​ក្នុងផ្ទះ​សំណាក់​។ ការ​ព័ទ្ធ​ចាប់​ក្រុម​ចោរប្លន់​នេះ​បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​១០​និង​៣០​នាទី​ព្រឹក ថ្ងៃ​ទី​១៦ ខែមេសា ឆ្នាំ​២០១៩ នៅ​ចំណុច​ផ្ទះសំណាក់ «​មហាលាភ​» នៅ​តាម​ផ្លូវ​លេខ​២៧៣ ក្រុម​១ ស្ថិត​ក្នុងភូមិ​បាក់​ទូក សង្កាត់​ទួល​សង្កែ​១ ខណ្ឌ​ឬ​ស្សី​កែវ​។

តាម​នគរបាល​បានឱ្យ​ដឹង​ថា ជនសង្ស័យ​ដែល​ត្រូវ​ឃាត់ខ្លួន ១-​ឈ្មោះ​ចាន់ ស​ម្ភ​ស្ស ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​ជួល ក្នុង​សង្កាត់​ចោម​ចៅ ខណ្ឌ​ពោធិ៍​សែន​ជ័យ​, ២-​ឈ្មោះ​គ្រឿន ធា​រ៉ូ​ត ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​គ្មាន​លេខ ផ្លូវ​បេតុង ភូមិ​២ សង្កាត់​ជ្រោយចង្វារ ខណ្ឌ​ជ្រោយចង្វារ​, ៣-​ឈ្មោះ​សៅ មក​រា ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​ជួល ផ្លូវ​បេតុង ភូមិ​២ សង្កាត់​ជ្រោយចង្វារ ។

និង​៤-​ឈ្មោះ​ម៉ាត់ ម៉ា​ន​ស៊ូ​ត ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​គ្មាន​លេខ ផ្លូវ​បេតុង ភូមិ​២ សង្កាត់​ជ្រោយចង្វារ​។ ចំណែក​ម្ចាស់​ម៉ូតូ​ឈ្មោះ​គង់ សារី ភេទ​ប្រុស អាយុ​២១​ឆ្នាំ មាន​មុ​របរ​ជាងសំណង់ ស្នាក់​បន្ទប់​ជួល ភូមិ​ផ្សារ​លិច សង្កាត់​ព្រែក​ព្នៅ ខណ្ឌ​ព្រែក​ព្នៅ ហើយ​ម៉ូតូ​ដែល​ក្រុម​ជនសង្ស័យ​ប្លន់​ម៉ាក​ហុងដា​ឌ្រី​ម C125​ពណ៌​ខ្មៅ ពាក់​ស្លាក​លេខ​ភ្នំពេញ 1HF-1348 ត្រូវ​បាន​ដកហូត​ប្រគល់​ឱ្យ​ម្ចាស់​វិញ​។

តាម​នគរបាល​ខណ្ឌ​ឬ​ស្សី​កែវ​បាន​ឲ្យ​ដឹ​ថា ជនសង្ស័យ​ត្រូវ​បាន​កម្លាំង​នគរបាល​ឃាត់ខ្លួន បន្ទាប់​ពី​ធ្វើ​សកម្មភាព​វាយ​ប្លន់​យក​ម៉ូតូ​មួយ​គ្រឿង កាលពី​ម៉ោង​១​និង​៣០​នាទី​យប់​ឈាន​​ចូល​ថ្ងៃ​ទី​១៦ មេ​សា នៅ​ចំណុច​ផ្លូវ​បេតុង ភូមិ​ទួល​សំពៅ សង្កាត់​ទួល​សង្កែ​១ ។ នៅ​មុន​ពេល​កើតហេតុ ជន​រង​គ្រោះ​ជិះ​ម៉ូតូ​តែ​ម្នាក់ឯង​ធ្វើ​ដំណើរ​តាម​ផ្លូវ​លេខ​៧០ ពី​កើត​ទៅ​លិច លុះ​ក​ដល់​កន្លែង​កើតហេតុ​ស្រាប់តែ​ជនសង្ស័យ​មាន​គ្នា​៥​នាក់​ជិះ​ម៉ូតូ​៣​គ្រឿង​មក​កៀរ ស្ទាក់ផ្លូវ វាយ​ទៅ​លើ​ជន​រង​គ្រោះ​ប្លន់​យក​ម៉ូតូ​បាន​សម្រេច ហើយ​គេចខ្លួន​បាត់​។

តាម​នគរបាល​ឱ្យ​ដឹង​ទៀត បន្ទាប់​ពី​ត្រូវ​ក្រុម​ប្លន់​ហើយ រហូត​ដល់​ដល់​ម៉ោង​ប្រមាណ​៧​ព្រឹក ម្ចាស់​ម៉ូតូ​ក៏​បាន​ទៅ​ដាក់​ពាក្យបណ្តឹង​នៅ​ប៉ុស្តិ៍ ទួល​សង្កែ​១ ហើយ​ត្រូវ​បាន​កម្លាំង​នគរ​បាល​ខណ្ឌ​ឬ​ស្សី​កែវ​ធ្វើការ​ស្រាវ​ឈាន​ទៅ​ឆែកឆេរ​បន្ទប់​ផ្ទះសំណាក់ «​មហាលាភ​» ឃាត់ខ្លួន​បាន​ជនសង្ស័យ​៤​នាក់​ដែល​កំពុង​តែ​សំងំ​លាក់ខ្លួន​។

បន្ទាប់​ពី​ឃាត់ខ្លួន​សមត្ថកិច្ច​ក៏​ឈាន​ទៅ​សហការ​ជាមួយ​នគរបាល​ប៉ុស្តិ៍​ជ្រោយចង្វារ​ដក​ហូត​បាន​ម៉ូតូ​របស់​ជន​រង​គ្រោះ​ដែល​ត្រូវ​ជនសង្ស័យ​ប្លន់​បាន​យក​ទៅ​លាក់​ទុក​ក្នុង​ដី​ឡូ​តិ៍​មួយ​កន្លែង​ក្នុងភូមិ​ទី​២ សង្កាត់​ជ្រោយចង្វារ ខណ្ឌ​ជ្រោយចង្វារ ។ ក្រោយមក​ជនសង្ស័យ​ត្រូវ​កម្លាំង​នគរបាល​បញ្ជូន​ទៅ​កាន់​អធិការដ្ឋាន​ខណ្ឌ​ឬ​ស្សី​កែវ ដើម្បី​កសាង​សំណុំរឿង​ចាត់ការ​តាម​ច្បាប់​៕

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ