ខេត្តរតនគិរី ៖ ជនសង្ស័យពីរនាក់ត្រូវបានកម្លាំងនគរបាលអធិការដ្ឋានក្រុងបានលុង ធ្វើការឃាត់ខ្លួនពីបទពាក់ព័ន្ធករណីប្រើប្រាស់អាវុធខុសច្បាប់ និងជិះម៉ូតូគ្រវីដាវសាម៉ូរៃតាមផ្លូវសាធារណៈ បង្កការរំខានដល់អ្នកភូមិ ។ ការឃាត់ខ្លួនជនសង្ស័យនេះសមត្ថកិច្ចធ្វើឡើងនៅម៉ោង ៥និង៣០នាទីល្ងាច ថ្ងៃទី១៥ ខែមេសា ឆ្នាំ២០១៩ ស្ថិតនៅក្នុងសង្កាត់ឡាបាសៀក ក្រុងបានលុង ខេត្តរតនគិរី។
ប្រភពពីសមត្ថកិច្ចបានឱ្យដឹងថា ជនសង្ស័យខាងលើ ១-ឈ្មោះ ចាន់ឌី រៀម ភេទប្រុស អាយុ២០ឆ្នាំ ជនជាតិទំពួន មុខរបរមិនពិតប្រាកដមានផ្ទុកសារធាតុញៀនក្នុងខ្លួន និង២-ឈ្មោះ ចៀល ឡើត ភេទប្រុស អាយុ២០ឆ្នាំ ជនជាតិទំពួន មុខរបរមិនពិតប្រាកដ មានផ្ទុកសារធាតុញៀនក្នុងខ្លួន ។
ប្រភពពីសមត្ថកិច្ចបានឱ្យដឹងថា ជនសង្ស័យឃាត់ខ្លួនបានចំនួន២នាក់ខាងលើនោះ គឺពាក់ព័ន្ធករណីប្រើប្រាស់អាវុធដោយខុសច្បាប់ និងជិះម៉ូតូគ្រវីដាវសាម៉ូរៃតាមផ្លូវសាធារណៈបង្កការំខានដល់សុវត្ថភាព សន្តិសុខដល់ប្រជាពលរដ្ឋ ព្រមទាំងភ្ញៀវទេសចរណ៍ជាតិ និងអន្តរជាតិ។ ហើយក្រោយពីធ្វើការឃាត់ខ្លួនជនសង្ស័យ ត្រូវបានឃុំបណ្តោះអាសន្ននៅអធិការដ្ឋាននគរបាលក្រុងបានលុង និងធ្វើការស្រាវជ្រាវបន្ត ដើម្បីចាត់ការតាមនីតិវិធីច្បាប់ផងដែរ ៕
ចែករំលែកព័តមាននេះ