កក្រើក​សង្ក្រាន្ត​ព្រៃវែង​ម៉​ង​! រវាង​កីឡាករ​ជើង​ខ្លាំង​កម្ពុជា និង​កីឡា​ករ​បរទេស​ខ្លាំង​ៗ​មក​ពី​៥​ប្រទេស


កាលពី​យប់​ថ្ងៃ​ទី​១៥ មេ​សា ដែល​ជា​ថ្ងៃ​ចូល​ឆ្នាំ​ទី​២ សង្ក្រាន្ត​ព្រៃវែង​បាន​រៀបចំ​ព្រឹត្តិការណ៍​ប្រដាល់​គុន​ខ្មែរ ឬ​ហៅ​ថា Khmer Fight ដោយ​យក​កីឡាករ​បរទេស​ខ្លាំង​ៗ​មក​ប្រកួត​ជាមួយ​កីឡាករ​យ៉ាង​កក្រើក​សង្ក្រាន្ត​ព្រៃវែង​។ ព្រឹត្តិការណ៍​នេះ ត្រូវ​បាន​បញ្ចប់​យ៉ាង​ជោគ​ជ័យ ដោយ​កីឡាករ​ខ្មែរ បើ​ទោះជា​ឈ្នះ​បរទេស​ភាគច្រើន ប៉ុន្តែ​គេ​មិនឃើញ​កីឡាករ​ណា​ម្នាក់​ដែល​ឈ្នះ​ដោយ​មិន​មាន​របួស ឬ​វេទនា​នោះ​ទេ​។

កីឡាករ​បរទេស​ខ្លាំង​ៗ៦​រូប​មក​ពី​៥​ប្រទេស បាន​ជួយ​អោយ​សង្ក្រាន្ត​មួយ​នេះ មិន​ត្រឹមតែ​ទាក់ទាញ​ខ្លាំង​ក្នុងស្រុក​ប៉ុណ្ណោះ​ទេ សូ​ម្បី​តែ​នៅ​ក្រៅ​ស្រុក​ក៏​តាម​ដាម​ព្រឹត្តិការណ៍​នេះ​មិន​អន់​ដែរ តាម​រយៈ​ការ Comment ពេល​ផ្សាយ​ផ្ទាល់​លើ​ផេ​ក​។

ខុស​ពី​ព្រឹត្តិការណ៍​សង្ក្រាន្ត​ទាំងអស់​ដែល​បាន​ធ្វើ​ឡើង​នៅ​កម្ពុជា ក្នុង​អំឡុង​បុណ្យចូលឆ្នាំ​នេះ សង្ក្រាន្ត​ព្រៃវែង និង​ប៉ុស្តិ៍​លេខ​៥ ហា៑ន​ចាប់ដៃ​គ្នា​រៀបចំ​ព្រឹត្តិការណ៍ Khmer Fight ដោយ​​មាន​កីឡាករ​កម្ពុជា និង​បរទេស មក​ប្រកួត​គ្នា​យ៉ាង​កក្រើក​កាលពី​យប់​ថ្ងៃ​ទី​១៥ មេ​សា ដែក​ជា​ថ្ងៃ​ចូល​ឆ្នាំ​ទី​២​។

កញ្ចក់​ទូរទស្សន៍​ប៉ុស្តិ៍​លេខ​៥ ទាំង​ផេ​ក និង​ផេ​ក​របស់​អន្តរជាតិ​ផង ត្រូវ​គេ​ឃើញ​បន្ត​ផ្ទាល់​ពី​ព្រឹត្តិការណ៍​នេះ ទើប​ធ្វើ​អោយ​សង្ក្រាន្ត​ព្រៃវែង កកកុញ​ដោយ​មនុស្ស ហើយ​ក្នុង​ចំណោម​សង្ក្រាន្ត​ដែល​បាន​ធ្វើ​ឡើង សង្ក្រាន្ត​នេះ​សុះសាយ​ជាងគេ​ក្នុង​ក្រសែភ្នែក​អន្តរជាតិ​ខុស​ពី​សង្ក្រាន្ត​ខេត្ត​ផ្សេង​។

កីឡាករ​ឡុ​ង សំណាង កីឡាករ វ៉ា​ន់ វឿ​ន កីឡាករ ផល សោ​ភ័​ណ្ឌ កីឡាករ ឡៅ ច​ន្ទ្រា កីឡា​ករ រឿង សោ​ភ័​ណ្ឌ និង​កីឡាករ ឃុន ឌី​ម៉ា ដែល​សុទ្ធតែ​ជា​កីឡាករ​ល្បី​ៗ ត្រូវ​គេ​ឃើញ​ដាក់​អោយ​ប្រកួត​ជាមួយ​កីឡាករ​ថៃ អ៊ី​តា​លី អូ​ទ្រី​ស បារាំង និង​ឡាវ​ជាដើម ដែល​សុទ្ធតែ​ខ្លាំង ដែល​នាំ​អោយ​ព្រឹត្តិការណ៍​នេះ​កញ្ជ្រោល​ពេញ​សូ​ម្បី​តែ​ក្នុង​ពិភព​ប្រដាល់​ក្នុងស្រុក​។

លោក សេង ក​ដិ​កា អ្នក​រៀបចំ​ព្រឹត្តិការណ៍​បាន​អះអាង​ថា គឺជា​មោទនភាព​ណាស់ ដែល​កន្លង​មក​កម្ពុជា​ធ្លាប់តែ​បញ្ជូន​កីឡាករ​អោយទៅ​ប្រកួត​ព្រឹត្តិការណ៍ Thai Fight ដែល​កីឡាករ​ទាំងអស់​ត្រូវ​ប្រកួត​អោយ​ត្រូវ​នឹង​លក្ខខណ្ឌ​របស់​ភាគី​ថៃ ស្រាប់តែ​ក្នុង​ពេល​នេះ​កម្ពុជា មាន​លទ្ធផល​រៀបចំ​ការ​ប្រកួត Khmer Fight ដើម្បី​អោយ​កីឡាករ​បរទេស​មក​ប្រកួត​តាម​លក្ខន្តិកៈ​របស់​គណៈកម្មការ​របស់​កម្ពុជា​វិញ​។

នេះ​ជា​លើក​ទី​២​ហើយ ដែល​កម្ពុជា​រៀបចំ​ការ​ប្រកួត​មួយ​នេះ ដោយ​លើក​ទី​២ រៀបចំ​ក្នុង​ព្រឹត្តិកា​រ៍បើក​សម្ពោធ​វិមាន​ឈ្នះ​ៗ និង​លើក​ទី​២​នេះ នៅ​ក្នុង​ព្រឹត្តិការណ៍​សង្ក្រាន្ត​នៅ​ព្រៃ​វែង ដោយ​ធ្វើ​តែ​មួយ​ថ្ងៃ​ប៉ុណ្ណោះ គឺ​ថ្ងៃ​ចូល​ឆ្នាំ​ទី​២ ថ្ងៃ​ទី​១៥ មេ​សា ចំណែក​ថ្ងៃ​ទី​១៤ គ្រាន់តែ​ជា​ការ​ប្រកួត​រវាង​កីឡាករ​ក្នុងស្រុក និង​ក្នុងស្រុក​ប៉ុណ្ណោះ​៕

Facebook Google Twitter Email

កីឡាជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ