ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា មុននេះបន្តិច អ្នកដាក់មងម្នាក់ប្រទះឃើញសាកសពម្នាក់ត្រូវគេកប់ចោលក្នុងព្រៃមួយកន្លែង ប៉ុន្តែមិនទាន់ស្គាល់អត្តសញ្ញាណ និងដឹងពីមូលហេតុនៅឡើយទេ បង្កឱ្យមានការភ្ញាក់ផ្អើលអ្នកស្រុកនាំគ្នាទៅចោមរោមមើលព្រោងព្រៀត កាលពីម៉ោងជាង11ព្រឹក ថ្ងៃទី14 ខែមេសា ឆ្នាំ2019 ស្ថិតក្នុងភូមិអូរជ្រៅ សង្កាត់និងក្រុងប៉ោយប៉ែត ។
សេចក្តីរាយការណ៍បានឱ្យដឹងទៀតថា សាកសពខាងលើនៅមិនទាន់ស្គាល់អត្ថសញ្ញាណនៅឡើយនោះទេ ថា ជាមនុស្សប្រុស ឬជាស្រី ។
បើតាមសមត្ថកិច្ចបានប្រាប់ឱ្យដឹងថា សាកសពដែលកប់ក្នុងដីគួរឱ្យសង្ស័យនេះ ត្រូវបានគេប្រទះឃើញដោយអ្នកដើរដាក់មងម្នាក់ ហើយសពនេះមានសភាពក្លិនស្អុយរលួយទៅហើយ។ ក្រោយកើតហេតុ សមត្ថកិច្ចជំនាញពាក់ព័ន្ធក្រុងប៉ោយប៉ែតបានចុះដល់កន្លែងកើតហេតុ និងហ៊ុមព័ទ្ធខ្សែសុវត្ថិភាពរង់ចាំជំនាញពីខេត្ត ដើម្បីបើកកាត្រួតពិនិត្យ៕
ចែករំលែកព័តមាននេះ