«Neymar មិនចង់ចេញពី PSG ទេ» ឪពុករបស់ Neymar
តាមប្រភពព័ត៌មាន Goal បានឱ្យដឹងថា ឪពុករបស់ Neymar ដែលដើរតួធ្វើជាភ្នាក់ងាររបស់កូនផ្ទាល់ផងនោះ បានអះអាងថា Neymar មិនចង់ចាកចេញពី PSG…
តាមប្រភពព័ត៌មាន Goal បានឱ្យដឹងថា ឪពុករបស់ Neymar ដែលដើរតួធ្វើជាភ្នាក់ងាររបស់កូនផ្ទាល់ផងនោះ បានអះអាងថា Neymar មិនចង់ចាកចេញពី PSG ទេ។ ការលើកឡើងនេះបានធ្វើឱ្យ អ្នកគាំទ្រនៅក្នុងប្រទេសបារាំងមានការស្ងប់ចិត្ត ដោយមិនចាំបាច់ខ្លាច Neymar ចាកចេញពីក្លិប។
តាំងពីមានការទិញយក Neymar ដោយក្លិបបារាំង ក្នុងតម្លៃថ្លៃកប់ពពកមក មានការនិយាយតៗគ្នាថា នេះគ្រាន់តែជាជំហានមួយសម្រាប់បោះទៅកាន់គោលដៅធំមួយទៀតប៉ុណ្ណោះ។ គេគិតថា Neymar នឹងត្រឡប់ទៅអេស្ប៉ាញវិញ ដើម្បីលេងឱ្យ Real Madrid។ តែពេលនេះ អ្នកទាំងនោះគឺបិទមាត់ជិតហើយ ដោយសារតែឪពុករបស់ Neymar ផ្ទាល់ប្រាប់ថា Neymar មិនចង់ចេញនោះទេ។
ឪពុករបស់ Neymar ឈ្មោះថា Neymar Santos Sr បានប្រាប់ទៅកាន់សារព័ត៌មាន RMC Sport ថា៖ “កុងត្រានៅ PSG គឺវែងណាស់។ ពួកយើងទើបតែស្ថិតនៅក្នុងរដូវកាលទីពីរប៉ុណ្ណោះជាមួយនឹងក្លិបនេះ ហើយវាមិនទាន់ទាំងចប់ស្រួលបួលផង។ ថ្ងៃនេះ Neymar មិនចង់ចាកចេញពី PSG ទេ ហើយគេចង់នៅបន្តជួយដល់ក្លិបដើម្បីឈ្នះពានផ្សេងៗតទៅមុខទៀត។”
គួរបញ្ជាក់ផងដែរថា Neymar តាំងពីចូលលេងឱ្យក្លិបអ្នកមានបារាំង PSG មក គេបានរកគ្រាប់បាល់ជូនក្លិបចំនួន ៤៨គ្រាប់ ក្នុងការប្រកួត ៥៣ដង៕
ចែករំលែកព័តមាននេះ