ខេត្តសៀមរាប ៖ តាមសេចក្តីរាយការណ៍បឋមបានឲ្យដឹងថា គិតចាប់ពីព្រលឹមម៉ោង៥ បងប្អូនប្រជាពលរដ្ឋយ៉ាងច្រើនកុះករបានធ្វើដំណើរតាមរថយន្តក្រុង (Bus City) មកកាន់ខេត្តសៀមរាប ដោយឥតគិតថ្លៃ នាព្រឹកថ្ងៃទី១៣ ខែមេសា ឆ្នាំ២០១៩ នេះ រថយន្តក្រុងបានដឹកជញ្ជូនបងប្អូនប្រជាពលរដ្ឋពីភ្នំពេញមកកាន់ខេត្តសៀមរាប តាមរយៈការដឹកជញ្ជូននេះគេសង្កេតឃើញថា មានបងប្អូនប្រជាពលរដ្ឋយ៉ាងច្រើនបានសម្រុកធ្វើដំណើរមកកាន់ខេត្តសៀមរាប ។
សូមបញ្ជាក់ផងដែរថា រថយន្តក្រុង (Bus City)នេះនឹងចេញដំណើរពីភ្នំពេញនៅវេលាម៉ោងប្រាំព្រឹក ហើយរថយន្តនឹងធ្វើការវិលត្រឡប់ទៅរាជធានីភ្នំពេញវិញ នៅម៉ោងប្រមាណ១៤និង៣០នាទីរសៀល ។ រថយន្តនឹងចេញដំណើរពីភ្នំពេញនៅរង្វង់មូលស្ពានជ្រោយចង្វារ និងចេញដំណើរពីសៀមរាបពីទីតាំងបុរីសៀងណាំ ៕
ចែករំលែកព័តមាននេះ