រាជធានីភ្នំពេញ ៖ ជាថ្មីម្តងទៀតសម្តេចតេជោ ហ៊ុន សែន នាយករដ្ឋមន្ត្រីបានអំពាវនាវដលើអាជ្ញាធរ និងសមត្ថកិច្ចទងក្នុងរាជធានី និងបណ្តាខេត្តជួយសម្រួលសណ្តាប់ធ្នាប់ចរាចរណ៍ជួយប្រជាពលរដ្ឋធ្វើដំណើរកុំឲ្យកកស្ទះចរាចរណ៍នៅចូលឆ្នាំដែលនឹងឈានមកដល់ស្អែកនេះ ។
សម្តេចតេជោ ហ៊ុន សែន បានលើកឡើងយ៉ាងដូច្នេះថា«ថ្ងៃចូលឆ្នាំថ្មី គឺនឹងមកដល់នៅថ្ងៃអាទិត្យទី១៤ មេសា ស្អែកនេះហើយ» ។ សម្តេចបន្តថា ដោយសារថ្ងៃនេះជាថ្ងៃចុងក្រោយនៃការសម្រាកពីការងារ ហើយម្នាក់ៗត្រូវរូតរះធ្វើដំណើរទៅកាន់ភូមិកំណើត ដើម្បីជួបជុំក្រុមគ្រួសារសាច់សារលោហិតជាទីស្រឡាញ់ ដូច្នេះអាចនឹងមានការកកស្ទះចរាចរណ៍នៅតាមផ្លូវមួយចំនួន ។
សម្តេចបញ្ជាក់ថា ពិតណាស់ គឺគ្រប់គ្នាប្រញាប់រៀងៗខ្លួន មិនថា ឡាន ឬម៉ូតូទេ ។ ហើយក្នុងប៉ុន្មនាថ្ងៃនេះក៏មានគ្រោះថ្នាក់ចរាចរណ៍កើតឡើងជាច្រើនដែរដែលបានបណ្តាលអោយមានអ្នកស្លាប់ និងរបួសមួយចំនួនទៀតផង ដោយសារការបើកបរមិនគោរពច្បាប់បើកវ៉ាប្រជែងយកលឿនរៀងៗខ្លួនដែលបន្សល់ទុកនូវការឈឺចាប់ និងសោកស្តាយអស់មួយជីវិត ។
សូមរៀបចំសណ្តាប់ធ្នាប់ចរាចរណ៍ឲ្យបានល្អ និងពង្រឹងសន្តិសុខសុវត្ថិភាពជូនពលរដ្ឋ និងភ្ញៀវទេសចរណ៍ឲ្យបានល្អ នៅក្នុងឱកាសបុណ្យចូលឆ្នាំថ្មីនេះ ។ សូមជូនពរបងប្អូនជនរួមជាតិ កូនក្មួយ និងចៅៗធ្វើដំណើរសុខសប្បាយទៅកាន់ស្រុកកំណើត ។ សូមប្រើប្រាស់ឡានក្រុងមិនគិតថ្លៃ ដើម្បីសុវត្ថិភាពផង និងបានសន្សំសំចៃប្រាក់កាសខ្លះផង នៅក្នុងឱកាសនៃបុណ្យចូលឆ្នាំថ្មីនេះ៕
ចែករំលែកព័តមាននេះ