បន្ទាយមានជ័យ ៖ លោកអធិការនគរបាលស្រុកព្រះនេត្រព្រះប្រោសរំសុំសេចក្តីសុខលើការធ្វើដំណើរតាមផ្លូវជាតិលេខ៦ ដើម្បីសេចក្តីសុខដល់អ្នកធ្វើចរាចរណ៍តាមដងផ្លូវជាតិលេខ៦ ក្នុងភូមិសាស្ត្រ ស្រុក ព្រះនេត្រព្រះក៏ដូចជា អ្នកធ្វើដំណើរនៅលើកំណាត់ផ្លូវជាតិនេះផងដែរ ។ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរដែលនឹងខិតជិតឈានមកដល់នេះ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបាននិមន្តព្រះសង្ឈចំនួន៥អង្គ សូត្រនិមន្តប្រោះព្រំលើកំណាត់ផ្លូវជាតិក្នុងភូមិសាស្ត្រស្រុកព្រះនេត្រព្រះ ដោយចាប់ពីព្រំប្រទល់ស្រុកក្រឡាញ់ ក្នុងខេត្តសៀមរាប រហូតមកទល់ព្រំប្រទល់ ក្រុងសិរីសោភ័ណ ខេត្តបន្ទាយមានជ័យ ។ លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា ជារៀងរាល់ឆ្នាំនាថ្ងៃជិតបុណ្យចូលឆ្នាំថ្មី លោកតែងតែនិមន្តព្រះសង្ឈ ដើម្បីប្រារព្ធពិធីសូត្រមន្តតាមដងផ្លូវជាតិលេខ៦ ដែលឆ្លងកាត់ ក្នុងភូមិសាស្ត្រ ស្រុកព្រះនេត្រព្រះ ក្នុងគោលបំណង ដើម្បីបណ្តេញចេញឧបទ្រុបចង្រៃដែលកើតមាននាឆ្នាំចាស់ និងចូលឆ្នាំថ្មី សុំមានសិរីសួរស្តី ជ័យមង្គល វិបុលសុខគ្រប់បងប្អូន ដែលបានធ្វើដំណើរនៅលើកំណាត់ផ្លូវជាតិលេខ៦ ពិសេស គឺក្នុងភូមិសាស្ត្រ ស្រុកព្រះនេត្រព្រះ ។
ជាមួយគ្នានោះដែរ លោកអធិការបានសំណូមពរដល់បងប្អូនធ្វើចរាចរណ៍មិនថា នៅតាមដងផ្លូវជាតិលេខ៦នោះទេ គ្រប់ដងផ្លូវទាំងអស់ សូមបើកបរត្រូវមានការប្រុងប្រយ័ត្នខ្ពស់ពេលស្រវឹងមិនត្រូវបើកបរម៉ូតូ ឬឡាន និងបើកបរវ៉ាជែង និងបើកបរលឿនក្នុងទីប្រជុំជនដែលទាំងនេះ បង្កឲ្យមានគ្រោះថ្នាក់ខ្លួនឯង និងអ្នកដទៃ ។ ដើម្បីសុវត្ថិភាពចរាចរណ៍ គឺចាប់ផ្តើមពីយើងទាំងអស់គ្នាចេះគោរពគ្នាអធ្យាស្រ័យគ្នា ទៅវិញទៅមកនោះសេចក្តីសុខនឹងកើតមានដល់លោកអ្នកហើយ ៕
ចែករំលែកព័តមាននេះ