គ្រូ Man Utd គ្រវីក្បាលដូចគោស្រាំងទិចរឿងចាត់ការ Messi
តាមប្រភពព័ត៌មាន Soccer Laduma បានឱ្យដឹងថា គ្រូបង្វឹកក្រុម Manchester United លោក Ole Gunnar…
តាមប្រភពព័ត៌មាន Soccer Laduma បានឱ្យដឹងថា គ្រូបង្វឹកក្រុម Manchester United លោក Ole Gunnar…
តាមប្រភពព័ត៌មាន Soccer Laduma បានឱ្យដឹងថា គ្រូបង្វឹកក្រុម Manchester United លោក Ole Gunnar Solskjaer បានទទួលស្គាល់ថា កីឡាករជើងខ្លាំងប្រចាំក្លិប Barcelona ជនជាតិអាហ្សង់ទីន Lionel Messi គឺជាការគម្រាមកំហែងដល់ក្រុមរបស់លោកដោយនិយាយថា៖«គេអាចនឹងពិបាកយកឈ្នះ តែមិនមែនមិនអាចយកឈ្នះបានទេ»។
នៅមុនពេលការប្រកួតដណ្តើមពាន Champions League រវាង Barcelona និង Manchester United លោក Ole បានប្រាប់ថា ម្ចាស់ពាន Ballon d’Or ចំនួន៥ដង និងក្លិប Barca ទាំងមូលគឺពិតជាមិនមែនរឿងងាយស្រួលសម្រាប់ Man Utd ក្នុងការយកឈ្នះឡើយ ។
លោកប្រាប់សារព័ត៌មាន Marca ថា ៖«Messi គឺជាកីឡាករអស្ចារ្យម្នាក់ ហើយគេអាចជាប់នៅក្នុងប្រវត្តិសាស្ត្រថាជាកីឡាករម្នាក់ក្នុងចំណោមកីឡាករខ្លាំងផ្តាច់គេលើលោក ។ គេនឹងពិបាកឱ្យយើងយកឈ្នះណាស់ តែវាមិនមែនជារឿងមិនអាច១០០%នោះទេ ។ មិនត្រឹមតែប៉ុណ្ណោះ Barcelona នៅមានកីឡាករខ្លាំងៗផ្សេងទៀតដូចជា Suarez, Coutinho និង Vidal ជាដើម ដែលសុទ្ធតែជាកីឡាករល្អៗ» ។
លោកបានបន្តថា ៖«Lionel Messi និង Luis Suarez នឹងធ្វើឱ្យខ្សែការពាររបស់យើងបះសក់មិនខាន ។ កីឡាកររបស់យើង Paul Pogba កំពុងតែរង់ចាំចូលប្រកួតឱ្យលឿនៗ ។ គេពិតជាលេងបានល្អណាស់ ហើយខ្ញុំគឺប្រាកដណាស់នឹងដាក់គេឱ្យលេងបន្តនៅរដូវកាលក្រោយទៀត» ៕
ចែករំលែកព័តមាននេះ