Messi គឺជា​មូលហេតុ​ដែល​គ្រូបង្វឹក Pep មិន​អាច​ឈ្នះ Champions League


តាម​ប្រភព​ព័ត៌មាន Soccer Laduma បានឱ្យ​ដឹង​ថា អតីត​ខ្សែប្រយុទ្ធ​ក្លិប Newcastle United និង Blackburn Rovers លោក Alan Shearer ជឿជាក់​ថា Messi គឺជា​មូលហេតុ​ដែល​ធ្វើ​ឱ្យ​គ្រូបង្វឹក Pep Guardiola មិន​អាច​ឈ្នះ​ពាន Champions League បាន ។

លោក Pep តែង​ត្រូវ​បាន​គេ​រិះគន់​ថា មិន​ដែល​បាន​ឈ្នះ​ពាន Champions League តាំងពី​កាន់ Bayern Munich និង Man City ។ លោក​ធ្លាប់​បាន​នាំ​ក្លិប​ឱ្យ​ឈ្នះ​ពីរ​ដង ពេល​កាន់​នៅ​ក្លិប Barcelona ។

អតីត​កីឡាករ Alan Shearer លើក​ឡើង​ប្រាប់ BBC ថា​៖«​ប្រសិនបើ​យើង​មើល​លំដាប់លំដោយ​ការ​ប្រកួត Champions League ប្រសិនបើ​ខាង​លោក Pep ឡើង​ដល់​វគ្គ​ផ្តាច់ព្រ័ត្រ លោក​នឹង​ត្រូវ​ជួប​ជាមួយនឹង Barcelona ហើយ​ខ្ញុំ​គិត​ថា គេ​មិន​អាច​យកឈ្នះ Barca បាន​ទេ ។ វា​នឹង​ជា​ការ​ប្រកួត​គួរ​ឱ្យ​ចាប់អារម្មណ៍ តែបើ​ក្រុម​ណា​ដែល​មាន Messi វា​ជា​ការ​ប្រកួត​កាន់តែ​ល្អ​» ។

គួរ​បញ្ជាក់​ផង​ដែរ​ថា ការ​ប្រកួត​ចុង​ក្រោយ​ដែល​នាំ​លោក Pep ឈ្នះ​វគ្គ​ផ្តាច់ព្រ័ត្រ Champions League គឺ​ពេល​ដែល​គាត់​កាន់​នៅ​ក្លិប Barcelona ដែល​មាន Messi ជួយ​ក្រុម​ឱ្យ​ឈ្នះ Man Utd បាន 3-1 ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ