តាម​ប្រភព​ព័ត៌មាន Goal បានឱ្យ​ដឹង​ថា Cristiano Ronaldo មាន​សុខភាព​រាង​កាយ​ល្អ​មក​វិញ សម្រាប់​ការ​ប្រកួត​ជាមួយនឹង​ក្លិប Ajax ក្នុង​ការ​ប្រកួត Champions League ។

លោក Massimiliano Allergri បាន​បញ្ជាក់​ថា កីឡាករ​វ័យ​៣៤​ឆ្នាំ បានជា​សះស្បើយ​ពីរ​បួស​ភ្លៅ ក្រោយ​ពី​ប៉ះទង្គិច​ក្នុង​ការ​ប្រកួត​ឱ្យ​ក្រុម​ជម្រើសជាតិ​ព័រ​ទុ​យ​ហ្កា​ល់​កាលពី​ខែ​មុន ។ តាំងពី​របួស​នោះ​មក Ronaldo មិន​បាន​ចូល​លេង​ឱ្យ Serie A ចាប់តាំងពី​ជួយ​ឱ្យ​ឈ្នះ Atletico Madrid 3-0 កាលពី​ថ្ងៃ​ទី​១២ មីនា ។ ជា​លទ្ធផល Ronaldo ខក​ជើង​មិន​បាន​ទៅ​ប្រកួត​ជាមួយនឹង Genoa, Empoli, Cagliari និង AC Milan ។

លោក Allegri ប្រាប់​ក្នុង​សន្និសីទកាសែត​ថា ៖«Cristiano បាន​ហ្វឹកហាត់​ជាមួយ​ក្រុម​ហើយ ។ គេ​នឹង​ចាប់ផ្តើម​នៅ​យប់​ថ្ងៃស្អែក​» ។

គួរ​បញ្ជាក់​ផង​ដែរ​ថា Ronaldo បាន​រក​គ្រាប់​បាន​១៩​គ្រាប់ ក្នុង​ការ​ប្រកួត League សម្រាប់ Juventus ក្នុង​ចំណោម​២៦​ប្រកួត ជាមួយនឹង​គ្រាប់​បាល់​៤​គ្រាប់​ទៀត​ពេល​ប្រកួត Champions League ៧​ប្រកួត ៕