រាជធានីភ្នំពេញ ៖ ការប្រកួតអន្តរជាតិនៅលើសង្វៀនអន្តរជាតិរបស់ទូរទស្សន៍អាស៊ីអាគ្នេយ៍ កាលពីថ្ងៃទី៧ ខែមេសា ឆ្នាំ២០១៩ មានការប្រកាសយ៉ាងក្ដែងៗថា កីឡាករ Yorth Banphut ថា ជាជើងខ្លាំងនោះ នៅទីបំផុតបានត្រឹមតែសន្លប់ក្រោមដៃកីឡាករជើងចាស់ ដែលគេប៉ាន់ស្មានថា បាក់កម្លាំង ចាន់ សំអាត ប៉ុណ្ណោះ ដោយធ្វើឱ្យអ្នកគាំទ្រភាគច្រើនសប្បាយចិត្តនឹងកីឡាករកម្ពុជា ។
ការប្រកួតរបស់អ្នកទាំងពីរ គឺជាជំនួបលើកដំបូង តែភាគីខាងកីឡាករថៃបានអះអាងថា ខ្លួននឹងឱ្យកីឡាករថៃមកប្រកួតជាមួយជាថ្មីម្ដងទៀត ដើម្បីចង់ដឹងពីលទ្ធផល ។ អ្នកទស្សនាមិនតិចនោះទេ ភ្ញាក់ផ្អើលនៅពេលដឹងថា កីឡាករថៃគឺជាបោះបង់ការប្រកួតក្នុងទឹកទី៣ ដោយមុនបញ្ចប់ការប្រកួតក្នុងទឹកទី៣ កីឡាករថៃ ដែលគេប្រកាសថា ប្រកួតខ្លាំងនៅថៃ ហើយកម្រចាញ់នៅលើសង្វៀនថៃនោះ ត្រូវកីឡាករកម្ពុជាវ័ធឱ្យរាប់ម្ដងនោះផង ។
ការប្រកួតមួយនេះទាក់ទាញអ្នកគាំទ្រយ៉ាងខ្លាំង ជាពិសេសក្នុងពេលកីឡាករទាំង២បើកឆាកប្រយុទ្ធដាក់គ្នាទៅវិញទៅមកៗ ដោយមិនខ្លាចគ្រោះថ្នាក់ និងមិនខ្លាចបែកមុខបែកមុខមាត់។ ជើងខ្លាំងថៃ មុនពេលការប្រកួតកំណត់បញ្ចប់បានវាយសម្រុកឱ្យកីឡាករកម្ពុជា បិះនឹងបោះបង់ការប្រកួត ប៉ុន្តែនៅទឹកទី២ ការប្រកួតមួយនេះក៏ត្រូវបញ្ចប់ក្រោមសមត្ថភាពកីឡាករកម្ពុជាវាយដោយកំរោល ហើយចុងក្រោយកីឡាករថៃក៏ត្រូវបោះបង់ការប្រកួត។
យ៉ាងណាមិញ លោក ថៃ អ៊ូ អ្នករៀបចំការប្រកួត បានអះអាងថា កៅឡាកររបស់លោក អាចចាញ់បរិយាកាស និងរបបអាហារប៉ុណ្ណោះ ទើបធ្វើឱ្យគេចាញ់ការប្រកួតយ៉ាងអាម៉ាស់ក្នុងទឹកទី៣ ៕
ចែករំលែកព័តមាននេះ