ដឹងតែសប្បាយទៅបានហើយ ប្រណាំងរទេះគោនៅកំពង់ស្ពឺយើងហ្នឹង
- កំពង់ស្ពឺ
ខេត្តកំពង់ស្ពឺ ៖ កាលពីព្រឹកថ្ងៃទី០៧ ខែមេសា ឆ្នាំ២០១៩ លោក សរ សុពុត្រា អភិបាលរងខេត្តតំណាងលោក វ៉ី…
ខេត្តកំពង់ស្ពឺ ៖ កាលពីព្រឹកថ្ងៃទី០៧ ខែមេសា ឆ្នាំ២០១៩ លោក សរ សុពុត្រា អភិបាលរងខេត្តតំណាងលោក វ៉ី…
ខេត្តកំពង់ស្ពឺ ៖ កាលពីព្រឹកថ្ងៃទី០៧ ខែមេសា ឆ្នាំ២០១៩ លោក សរ សុពុត្រា អភិបាលរងខេត្តតំណាងលោក វ៉ី សំណាង អភិបាលនៃគណៈអភិបាលខេត្តកំពង់ស្ពឺ បានចូលរួមក្នុងពិធីប្រណាំងរទេះគោខេត្តកំពង់ស្ពឺ ដើម្បីចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលរៀបចំដោយ មន្ទីរវប្បធម៌ និងវិចិត្រសិល្បៈខេត្ត សហការជាមួយ ស.ស.យ.ក ខេត្តកំពង់ស្ពឺ និងសមាគមប្រណាំងរទេះគោ ដែលប្រារព្ធនៅភូមិក្រាំងស្វាយ ឃុំរលាំងគ្រើល ស្រុកសំរោងទង ។
លោក ស៊ុន មានជ័យ ប្រធានមន្ទីរវប្បធម៌ និងវិចិត្រសិល្បៈខេត្តបានអោយដឹងថា ព្រិត្តការណ៍នេះបង្កើតឡើងក្នុងគោលបំណងបំផុស និងលើកស្ទួយវិស័យវប្បធម៌អោយកាន់តែរីកចម្រើនពីមហាជនទូទៅនៅក្ន្ងខេត្តកំពង់ស្ពឺ ។ ការរៀបចំនូវព្រឹត្តិការណ៍នេះគឺជាការរំលឹកឡើងវិញនូវវប្បធម៌ប្រពៃណីដែលជាមរតកដ៏មានតម្លៃនៃជាតិសាសន៍និងប្រជាពករ្ឋខ្មែរយើងដែលមានពីបុរាណកាលដ៏យូរលង់តរៀងមក ។
សូមបញ្ជាក់ថា ការប្រណាំងរទេះគោនេះមានគោចូលរួមចំនួន២៦នឹម ក្រោយបញ្ចប់ការប្រណាំងលទ្ធផលគោធំជ័យលាភីលេខ១បានទៅលើគោឈ្មោះ អាស្រីមុំ មកពីរាជធានីភ្នំពេញដែលមានម្ចាស់ឈ្មោះ ចឹក សែ, ជ័យលាភីលេខ២បានទៅលើគោឈ្មោះ ពិភពថ្មី ខេត្តកំពង់ស្ពឺដែលមានម្ចាស់ឈ្មោះ អូន ឆើត ជ័យលាភីលេខ៣បានទៅលើគោខេត្តកំពង់ស្ពឺឈ្មោះ អារីករាយ មានម្ចាស់ឈ្មោះ អូន រ៉ា ។
ចំណែកគោតូចជ័យលាភីលេខ១បានទៅលើគោ អាសប្បាយរីករាយ មកពីខេត្តកណ្តាលមានម្ចាស់ឈ្មោះ រឹទ្ឋ, ជ័យលាភីលេខ២បានទៅលើគោឈ្មោះ ស្រីតូច ខេត្តកំពង់ស្ពឺដែលមានម្ចាស់ឈ្មោះ ទង និងជ័យលាភីលេខ៣បានទៅលើគោឈ្មោះ អាសេះ ខេត្តកំពង់ស្ពឺដែលមានម្ចាស់ឈ្មោះ រ័ក្ស ៕
ចែករំលែកព័តមាននេះ