ខេត្តកំពង់ធំ ៖ បុរសម្នាក់បានត្រូវភ្លើងឆាបឆេះខ្លួនរងរបួសធ្ងន់ដោយសារជក់បារី នៅពេលចាក់ផ្ទេរសាំងចូលប៊ីដុង កាលពីព្រឹកថ្ងៃទី៧ ខែមេសាកន្លងទៅ នៅកសិដ្ឋានមួយកន្លែងក្នុងក្រុមហ៊ុនភឿកវ៉ាកំពង់ធំអភិវឌ្ឍន៍កៅស៊ូ ស្ថិតក្នុងភូមិបឹងល្វា ឃុំបឹងល្វា ស្រុកសន្ទុក…
ខេត្តកំពង់ធំ ៖ បុរសម្នាក់បានត្រូវភ្លើងឆាបឆេះខ្លួនរងរបួសធ្ងន់ដោយសារជក់បារី នៅពេលចាក់ផ្ទេរសាំងចូលប៊ីដុង កាលពីព្រឹកថ្ងៃទី៧ ខែមេសាកន្លងទៅ នៅកសិដ្ឋានមួយកន្លែងក្នុងក្រុមហ៊ុនភឿកវ៉ាកំពង់ធំអភិវឌ្ឍន៍កៅស៊ូ ស្ថិតក្នុងភូមិបឹងល្វា ឃុំបឹងល្វា ស្រុកសន្ទុក ។
មន្ត្រីសមត្ថកិច្ចឱ្យដឹងថា ជនរងគ្រោះឈ្មោះ ផេង ចាន់ អាយុ៣៦ឆ្នាំ រស់នៅភូមិ ឃុំ ជាកម្មករចៀរជ័រកៅស៊ូ ។ បើតាមកូនស្រីឈ្មោះ ចាន់ ដាលី អាយុ១០ឆ្នាំ និងឈ្មោះ ចាន់ ស្រីនិច អាយុ៨ឆ្នាំ និថា មុនពេលកើតហេតុឪពុកនាងកំពុងជក់បារី ហើយយកប៊ីដុងចំណុះ៣០លីត្រមកចាក់សាំងផ្ទេរចូលទៅក្នុងប៊ីដុងចំណុះ៥លីត្រនៅពីមុខផ្ទះស្នាក់នៅ ។
ខណៈកំពុងចាក់សាំងផ្ទេរនោះ ស្រាប់តែភ្លើងបារីឆាបឆេះប្រេងសាំងស្រោចមកលើខ្លួនប្រាណឪពុកនាង បណ្តាលឲ្យរលាកពេញខ្លួនរងរបួសធ្ងន់។ ពេលនោះ ពួកនាងនិងអ្នកជិតខាងបានស្រែកហៅគេឲ្យជួយ និងបានកម្មករជាច្រើននាក់ដែលកំពុងរៀនចៀរជ័រកៅស៊ូនៅមុខផ្ទះមកជួយ ពន្លត់ភ្លើង ។ ទោះជាយ៉ាងណា ឪពុកនាងត្រូវភ្លើងឆេះរលាកពេញខ្លួនប្រាណ ស្រែកននៀលដីយ៉ាងអាណោចអាធ័មបំផុត ។
បន្ទាប់មក ក្រុមហ៊ុនបានយករថយន្តមកដឹកជនរងគ្រោះទៅសង្គ្រោះនៅឯមន្ទីរពេទ្យ ហើយសមត្ថកិច្ចទៅដល់កន្លែងកើតហេតុ ឃើញប៊ីដុងចំនួន២មានស្នាមឆេះនៅមុខផ្ទះ គឺពិតជាភ្លើងឆេះខ្លួនឯង ពុំមានពាក់ព័ន្ធនឹងអំពើផ្សេងទៀតឡើយ ដោយសារមានការធ្វេសប្រហែស ។ នេះជាមេរៀនមួយសម្រាប់អ្នកជក់បារី មិនត្រូវទៅចាក់ផ្ទេរសាំង ឬក៏បោះកន្ទុយបារីផ្ដេសផ្ដាសនោះឡើយ ៕
ចែករំលែកព័តមាននេះ