រាជធានីភ្នំពេញ ៖ យុវជន៦នាក់ជិះម៉ូតូឃើញសមត្ថកិច្ចល្បាតភ័យជិះរត់គេច ត្រូវសមត្ថកិច្ចដេញតាមឃាត់ខ្លួនបាន៦នាក់យកទៅសាកសួរ បង្កឱ្យមានការភ្ញាក់ផ្អើលកាលពីម៉ោង១០និង៣០នាទីយប់ ថ្ងៃទី៨ ខែមេសា ឆ្នាំ២០១៩ នៅចំណុចរោងចក្រ៣ជាន់ ផ្លូវខ្យូអឹមអាយ…
រាជធានីភ្នំពេញ ៖ យុវជន៦នាក់ជិះម៉ូតូឃើញសមត្ថកិច្ចល្បាតភ័យជិះរត់គេច ត្រូវសមត្ថកិច្ចដេញតាមឃាត់ខ្លួនបាន៦នាក់យកទៅសាកសួរ បង្កឱ្យមានការភ្ញាក់ផ្អើលកាលពីម៉ោង១០និង៣០នាទីយប់ ថ្ងៃទី៨ ខែមេសា ឆ្នាំ២០១៩ នៅចំណុចរោងចក្រ៣ជាន់ ផ្លូវខ្យូអឹមអាយ (QMI) ស្ថិតនៅភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
ជនសង្ស័យដែលសមត្ថកិច្ចឃាត់ខ្លួននោះ ១-ឈ្មោះ ទូច សម្ភស ភេទប្រុស អាយុ១៨ឆ្នាំ មុខរបរកម្មករសំណង់ រស់នៅភូមិម្តុំ ផ្សារដីហុយ ២-ឈ្មោះ រ៉េត សុធារាជ ភេទប្រុស អាយុ២០ឆ្នាំ មុខរបរលក់ម្ហូប ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅសង្កាត់ទន្លេបាសាក់ ខណ្ឌចំការមន ៣-ឈ្មោះ ឈុត សិទ្ធិ ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅស្រុកកំពង់ត្របែក ខេត្តព្រៃវែង។
៤-ឈ្មោះ រាម វណ្ណះ ភេទប្រុស អាយុ១៨ឆ្នាំ មុខរបរមើលការខុសត្រូវនៅតាបបីយ៉ា ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅស្រុកស្អាង ខេត្តកណ្ដាល ៥-ឈ្មោះ រាម វណ្ណេ ភេទប្រុស អាយុ១៦ឆ្នាំ មុខរបរលក់បង្អែម ស្នាក់នៅភូមិ ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅស្រុកស្អាង ខេត្តកណ្ដាល និង៦-ឈ្មោះ ស្រ៊ុន វិសាល ភេទប្រុស អាយុ១៩ឆ្នាំ មុខរបរដឹកអេតចាយលក់ ស្នាក់នៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ មានស្រុកកំណើតនៅស្រុក ស្វាយអន្ទរ ខេត្តព្រៃវែង។
ចំណែកម៉ូតូដែលសមត្ថកិច្ចឃាត់ ១-ម៉ាក សង់បិច ពណ៌ខ្មៅ ស៊េរី២០១២ បិទតែមស៊េរី ២០១៩ ពាក់ស្លាកលេខ 1BT -2916 ២-ម៉ាក សង់បិច ពណ៌ខ្មៅ ស៊េរី២០១២ បិទតែម ស៊េរី២០១៩ ពាក់ស្លាកលេខ ភ្នំពេញ 1BD-8271 និងមួយគ្រឿងទៀតម៉ាកហុងដាឌ្រីម ស៊េរី២០១៥ ពណ៌ខ្មៅពាក់ស្លាកលេខ ភ្នំពេញ 1BG- 1468 ។
តាមប្រភពពីកម្លាំងអន្តរាគមន៍ខណ្ឌពោធិ៍សែនជ័យ បាននិយាយថា នៅមុនកើតហេតុ គាត់បានល្បាតនៅក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ស្រាប់តែឃើញជនសង្ស័យទាំង៦នាក់នោះ គឺឃើញសមត្ថកិច្ចល្បាតភ្លាម នាំគ្នាជិះម៉ូតូគេចពីសមត្ថកិច្ច ហើយនៅពេលនោះដែរ សមត្ថកិច្ចមានការសង្ស័យក៏នាំគ្នាឃាត់ជនសង្ស័យទាំង៦នាក់ឆែកឆេម៉ូតូ តែពុំមានអ្វីគត់សម្គាល់ ឬសង្ស័យអ្វីនោះឡើយ ហើយយកមកប៉ុស្តិ៍ដើម្បីសាកសួរភ្លាមផងដែរ។
ក្រោយមកបន្ទាប់ពីសមត្ថកិច្ចឃាត់យកទៅសាកសួរនៅប៉ុស្តិ៍នគរបាលរដ្ឋបាលចោមចៅទី៣ជនសង្ស័យខាងលើបានសារភាពថា នៅមុនពេលកើតហេតុ ពួកគាត់ត្រូវបានយុវជនមួយក្រុមបានដេញវាយពួកគាត់ដោយមានគ្នាប្រមាណជាង១០នាក់ជិះម៉ូតូចំនួន៥គ្រឿងចេញពីម្ដុំផ្លូវមហាវិថីឈ្នះឈ្នះ ក្បែររោងចក្រស្បែកជើង បន្ទាប់មកគាត់នាំគ្នារត់ចេញពីកន្លែងកើតហេតុ ហើយមកផ្លូវខ្យូអឹមអយ(QMI) បម្រុងចូលទិញបង្អែម និងបាយហូប ក៏ស្រាប់តែឃើញសមត្ថកិច្ចល្បាត ពួកគាត់ភ័យក៏នាំគ្នារត់ហើយ សមត្ថកិច្ចឃាត់ខ្លួនតែម្តង។
ក្រោយពេលកើតហេតុ បន្ទាប់ពីសមត្ថកិច្ចសាកសួររួចជនសង្ស័យទាំង៦នាក់ខាងលើ ក្នុងនោះ៣នាក់ត្រូវសមត្ថកិច្ចធ្វើសាវតាជាតិ និងឱ្យអាណាព្យាបាលមកធានាត្រឡប់ទៅវិញភ្លាមៗផងដែរ ចំណែក៣នាក់ទៀតសមត្ថកិច្ចកំពុងស្រាវជ្រាវសិន និងចាត់ការតាមនីតិវិធីផងដែរ ៕
ចែករំលែកព័តមាននេះ