ថៃបង្វែរការចាប់អារម្មណ៍ទៅលើភ្ញៀវទេសចរចិន និងឥណ្ឌា
ប្រទេសថៃ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃទី៦ មេសា កន្លងមកថា លោកឧបនាយករដ្ឋមន្ត្រី Somkid Jatusripitak…
ប្រទេសថៃ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃទី៦ មេសា កន្លងមកថា លោកឧបនាយករដ្ឋមន្ត្រី Somkid Jatusripitak…
ប្រទេសថៃ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃទី៦ មេសា កន្លងមកថា លោកឧបនាយករដ្ឋមន្ត្រី Somkid Jatusripitak របស់ប្រទេសថៃបានបញ្ជាដល់ភ្នាក់ងារក្នុងវិស័យទេសចរណ៍ឲ្យស្វែងរកវិធីក្នុងការទាក់ទាញភ្ញៀវទេសចរថ្នាក់ខ្ពស់មកពីប្រទេសចិននិងឥណ្ឌាដើម្បីជំរុញដល់សេដ្ឋកិច្ចក្នុងកំឡុងពេលផ្ទេរអំណាចរដ្ឋាភិបាល ។
បន្ទាប់ពីកិច្ចប្រជុំជានួយនឹងមន្ត្រីអាជ្ញាធរទេសចរណ៍ថៃ (TAT) លោកឧប្បនាយករដ្ឋមន្ត្រីបាននិយាយថា រដ្ឋាភិបាលនឹងព្យាយាមស្នើសុំការអនុញ្ញាតពីទីស្តីការគណៈរដ្ឋមន្ត្រីនៅថ្ងៃអង្គារ៍ដើម្បីព្យាពេលការមិនយកថ្លៃទិដ្ឋាការពីភ្ញៀវទេសចរដែលមកពីប្រទេសចំនួន ២១ ដែលក្នុងនោះរួមមានប្រទេសចិននិងឥណ្ឌាផងដែររហូតដល់ចុងខែតុលា ។ ទិដ្ឋាការដែលអាចចូលមកកាន់ប្រទេសជាច្រើនដងក៏ត្រូវបានស្នើសម្រាប់ប្រទេសមួយចំនួនដែរដូចជាប្រទេសចិនដែលជាទីផ្សារធំជាងគេរបស់ប្រទេសថៃជាដើម ។
ការពន្យាពេលប្រមាណ៦ខែទៀតនេះមានគោលដៅរក្សាចលនាពីទីផ្សារប្រទេសចិន និងទាញអត្ថប្រយោជន៍ពីប្រជាជនចិនដែលធ្វើដំណើរទៅកាន់បរទេសក្នុងកំឡុងពេលបុណ្យប្រពៃណីដែលនឹងចាប់ផ្តើមនៅថ្ងៃទី ១ខែតុលាខាងមុខនេះ ។
កាលពីឆ្នាំមុន ប្រទេសថៃទទួលភ្ញៀវទេសចរចិនប្រមាណ ១០.៥លាននាក់ ហើយចំនួននេះអាចនឹងកើនដល់ប្រមាណពី១១.៦លានទៅ ១២លាននាក់ឯណោះក្នុងឆ្នាំនេះ ។ ខណៈដែលសេដ្ឋកិច្ចពិភពលោកកំពុងតែអន់ថយ ខណៈដែលប្រទេសថៃមានភាពមិនប្រាកដប្រជាផ្នែកនយោបាយ លោក Somkid បានបន្ថែមថាក្រសួងទេសចរណ៍និងកីឡា រួមជាមួយនឹង TAT នឹងចាប់ផ្តើមចេញគម្រោងបន្ថែមដើម្បីទាក់ទាញភ្ញៀវទេសចរដែលអាចនឹងសម្រេចបាននៅខែក្រោយ។
ដើម្បីទាក់ទាញភ្ញៀវទេសចរថ្នាក់កណ្តាលមកពីប្រទេសចិន លោក Somkid បានបន្តថា TAT គួរតែបន្តសហការជាមួយនឹងក្រុមហ៊ុនអាកាសចរណ៍របស់ប្រទេសចិនដូចជា Spring Airlines ដើម្បីនាំយកភ្ញៀវទេសចរបន្ថែមពីប្រទេសចិនដីគោក ។ ការចាប់ដៃគូនឹងក្រុមហ៊ុនបច្ចេកវិទ្យាហិរញ្ញវត្ថុដូជជា Ant Financial ឬ Alipay នឹងអនុញ្ញាតឲ្យ TAT តភ្ជាប់និងទាក់ទាញអ្នកដំណើរជនជាតិចិនវ័យក្មេងដែលមានអំណាចទឹកប្រាក់ខ្លាំងផងដែរ ៕
ចែករំលែកព័តមាននេះ