តាមប្រភពព័ត៌មាន Sport Bible បានឱ្យដឹងថា កីឡាករជើងខ្លាំងប្រចាំក្លិបសេះបង្កង់ Cristiano Ronaldo ត្រូវបានគេបង្ហើបថា ខ្លួនធ្លាប់ឈរស្រាតនៅមុខកញ្ចក់ឆ្លុះ ហើយសរសើរខ្លួនឯង ។
តាមសារព័ត៌មាន Business Insider បានឱ្យដឹងថា កីឡាករវ័យ៣៣ឆ្នាំរូបនេះ ចំណាយពេល៨ម៉ោងសម្រាប់ការគេង និង តែងតែហាត់ក្បាលពោះជារៀងរាល់ព្រឹកមុនពេលហូបអាហារ និងផឹកទឹកជាច្រើនដូចកីឡាករដទៃទៀតដែរ ។
អតីតកីឡាករក្រុមជម្រើសជាតិអង់គ្លេស Peter Crouch បានបង្ហើបថា Rio Ferdinand ធ្លាប់ប្រាប់លោកពីរឿងរបស់ Ronaldo ដែលដក់ជាប់នៅក្នុងការចងចាំរបស់គេ ។
លោក Crouch ប្រាប់សារព័ត៌មាន Daily Mail ថា ៖«Rio Ferdinand ប្រាប់ពួកយើងពីរឿងរបស់ Ronaldo ថា គេបានឈរស្រាតនៅមុខកញ្ចក់ ហើយយកដៃចូកសក់ រួចនិយាយថា «Wow! ខ្ញុំពិតជាសង្ហាមែន»។ នៅពេលមាននរណាម្នាក់ថា Messi ខ្លាំងជាង Ronaldo គេបានតបថា ត្រូវហើយ តែ Messi មិនសង្ហាអ៊ីចឹងទេ»។
គួរបញ្ជាក់ផងដែរថា Wayne Rooney ដែលធ្លាប់លេងបាល់ជាមួយនឹង Ronaldo ក៏ធ្លាប់និយាយដូចនេះដែរ ។ គេថា Ronaldo តែងមើលខ្លួនឯងក្នុងកញ្ចក់រាល់ពេលត្រូវលើកទឹកចិត្តខ្លួនឯង ៕
ចែករំលែកព័តមាននេះ