រាជធានីភ្នំពេញ ៖ រថយន្តស៊េរីទំនើបមួយគ្រឿងបើកបរដោយនារីរូបស្រស់ម្នាក់ ក្នុងស្ថានភាពស្រវឹងបោះពួយលឿនដូចហោះទៅប្រឡះនឹងក្បាលនាគពុះចែកទ្រូងផ្លូវ បណ្តាលអោយខូចខាតមួយកង់ ចំណែករថយន្តខ្ទេចមួយកំណាត់ហេតុការណ៍នេះដែរបានកើតឡើង កាលពីវេលាម៉ោង១និង៤០នាទី រំលងអធ្រាត្រឈានចូលថ្ងៃទី០៤ ខែមេសា ឆ្នាំ២០១៩…
រាជធានីភ្នំពេញ ៖ រថយន្តស៊េរីទំនើបមួយគ្រឿងបើកបរដោយនារីរូបស្រស់ម្នាក់ ក្នុងស្ថានភាពស្រវឹងបោះពួយលឿនដូចហោះទៅប្រឡះនឹងក្បាលនាគពុះចែកទ្រូងផ្លូវ បណ្តាលអោយខូចខាតមួយកង់ ចំណែករថយន្តខ្ទេចមួយកំណាត់ហេតុការណ៍នេះដែរបានកើតឡើង កាលពីវេលាម៉ោង១និង៤០នាទី រំលងអធ្រាត្រឈានចូលថ្ងៃទី០៤ ខែមេសា ឆ្នាំ២០១៩ នៅតាមបណ្ដោយមហាវិថីព្រះនរោត្តមទល់មុខនឹងក្រសួងមហាផ្ទៃ សង្កាត់ទន្លេបាសាក់ ខណ្ឌចំការមន ។
រថយន្តបង្កម៉ាកអូឌី A7 ពណ៌ស ពាក់ស្លាកភ្នំពេញ 2AR-2303 បើកបរដោយនារីរូបស្រស់ម្នាក់មិនស្គាល់អត្តសញ្ញាណ ។ ប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនកើតហេតុគេឃើញរថយន្តបង្កខាងលើបើកបរតាមបណ្ដោយមហាវិថីព្រះនរោត្តមក្នុងទិសដៅពីត្បូងទៅជើងក្នុងល្បឿនលឿនដូចហោះមកដល់កន្លែងកើតហេតុ ស្រាប់តែជ្រុលទៅបុកនឹងក្បាលនាគពុះចែកទ្រូងផ្លូវចំពាក់កណ្ដាលរថយន្តពេញទំហឹងតែម្តង បណ្តាលអោយរថយន្តខ្ទេចមួយកំណាត់មុខទាំងស្រុង ហូរប្រេងម៉ាស៊ីនពេញផ្លូវ ចំណែកក្បាលនាគពុះចែកផ្លូវបាក់មួយកង់ ។
ភ្លាមៗនោះគេក៏ឃើញនារីរូបស្រស់ជាអ្នកបើករថយន្តបង្កបានបើកទ្វាររថយន្តចេញមកទាំងស្ថានភាពស្រវឹងទ្រេតទ្រោតដើរទៅកៀនចិញ្ចើមផ្លូវមួយសន្ទុះក្រោយក៏មានរថយន្តមិត្តភក្ដិរបស់នាងមកដឹកនាងចេញទៅបាត់បន្សល់ទុកតែរថយន្តនៅនឹងកន្លែងកើតហេតុ រួចសមត្ថកិច្ចជំនាញធ្វើការវាស់វែងយកទៅរក្សាទុក។
ក្រោយកើតហេតុរថយន្តបង្កត្រូវបានកម្លាំងសមត្ថកិច្ចជំនាញធ្វើការវាស់វែងនឹងស្ទូចយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគបាលរាជធានីភ្នំពេញរង់ចាំដោះស្រាយគ្នានៅពេលក្រោយតាមនីតិវិធី៕
ចែករំលែកព័តមាននេះ