តាមប្រភពព័ត៌មាន Yahoo Sports បានឱ្យដឹងថា កីឡាករជើងខ្លាំងប្រចាំក្លិបសេះបង្កង់ Cristiano Ronaldo អាចមានភាគរយខ្លះចូលមកលេងឱ្យ Juventus ទាន់ពេលវេលាពេលប្រកួតជាមួយនឹង Ajax ក្នុងការប្រកួត Champions League នៅសប្តាហ៍ក្រោយ ។
គ្រូបង្វឹកលោក Massimiliano Allergri បានប្រាប់ថា៖«Ronaldo កំពុងតែខិតខំប្រឹងប្រែង ដើម្បីអាចមកប្រកួតនៅពេលខាងមុខជាមួយនឹង Ajax ។ ការពិនិត្យរបស់គ្រូពេទ្យនៅព្រឹកមិញនេះ បានបង្ហាញឱ្យឃើញថា ជើងរបស់គេមានភាពប្រសើរឡើងហើយ ។ វាគឺអាស្រ័យទៅលើអារម្មណ៍របស់គេ និងភាពឈឺចាប់របស់គេដែលកំពុងមាន»។
កាលពីសប្តាហ៍មុន Ronaldo មានរបួសសាច់ដុំនៅភ្លៅខាងស្តាំ ខណៈដែលប្រកួតឱ្យក្រុមជម្រើសជាតិព័រទុយហ្កាល់ ក្នុងការប្រកួត European Championship ។ នៅថ្ងៃទី១០ មេសា ខាងមុខនេះ Juventus នឹងធ្វើដំណើរទៅប្រកួតជាមួយ Ajax ជើងទីមួយ ហើយជួបម្តងទៀតនៅសប្តាហ៍ក្រោយ ៕
ចែករំលែកព័តមាននេះ