ខំលាក់ដំរីងាប់
- ភ្នំពេញ
នគរបាលប៉ុស្តិ៍ទឹកថ្លាមួយក្រុម…រួមជាមួយនគរបាលខណ្ឌខ្លះដែរ…ខ្សឹបប្រាប់កោះសន្តិភាពថា…ថ្នាក់លើបានលក់ដីប៉ុស្តិ៍ឱ្យគេហើយ…នៅសល់តែថ្ងៃរើតុកៅអី…រើចានឆ្នាំងចេញតែប៉ុណ្ណោះ…សូម្បីខ្មោចអតីតម្ចាស់ដីក៏បានដេញឱ្យចេញផុតរួចហើយដែរ…ទោះបីស្លាប់កប់នៅទីនេះចាំដីក្តី…ក៏ត្រូវតែបង្ខំកាយចេញដែរ…ចុះទម្រាំមនុស្សរស់នៅធ្វើការ…រឿងអីមិនចេញ ? នៅហាងកាហ្វេមួយឆ្ងាយពីប៉ុស្តិ៍ទឹកថ្លាបន្តិច…ប៉ូលិសប៉ុស្តិ៍២-៣នាក់អង្គុយផឹកកាហ្វេនិយាយគ្នាលេង…និយាយតែពីរឿងលក់ដីប៉ុស្តិ៍ទាំងមុខស្ងួតថា ៖ -ដីប៉ុស្តិ៍យើងតម្លៃទីផ្សារក្រោម២លានដុល្លារបន្តិចបន្តួច…យើងនៅទីនេះកវែកកឆ្នាំងយូរឆ្នាំហើយ…រឿងអីដេញយើងឱ្យចេញទទេៗ…អញចាំមើលគេដោះស្រាយអីខ្លះឱ្យយើង ។ ប៉ូលិសម្នាក់ទៀតនិយាយថា ៖ -ដូចអត់មានឮគេនិយាយអីប្រាប់សោះ…ឬមួយគេនិយាយខ្សិបតែមេៗ…អញគិតថាប្រហែលជាគេមិនឱ្យអត់ទេ…ព្រោះខ្មោចគេទិញដីថ្មីឱ្យទៅនៅ…ចំណែកយើងនៅរស់…គួរតែទិញផ្ទះ២-៣ជង់ចែកគ្នាឱ្យទៅនៅទើបសុខចិត្ត…បើគ្មានសោះមិនយុត្តិធម៌ទេ…ស៊ីអីតែឯងថ្នាក់លើ…គួរមើលថ្នាក់ក្រោមផង !…
ចែករំលែកព័តមាននេះ