រាជធានីភ្នំពេញ ៖ ប្រជាពលរដ្ឋពេញចិត្ត ចំពោះការប្រើប្រាស់ម៉ាស៊ីនស្វ័យសេវា (NSSF Self Service) របស់បេឡាជាតិសន្ដិសុខសង្គម (ប.ស.ស.) នៃក្រសួងការងារ…
រាជធានីភ្នំពេញ ៖ ប្រជាពលរដ្ឋពេញចិត្ត ចំពោះការប្រើប្រាស់ម៉ាស៊ីនស្វ័យសេវា (NSSF Self Service) របស់បេឡាជាតិសន្ដិសុខសង្គម (ប.ស.ស.) នៃក្រសួងការងារ និងបណ្ដុះបណ្ដាលវិជ្ជាជីវៈ ដែលបានដាក់ឱ្យដំណើរការនៅតាមមន្ទីរពេទ្យដៃគូរបស់ប.ស.ស. ដើម្បីជួយពន្លឿនការផ្ដល់សេវាកម្មសាធារណៈ ឱ្យកាន់តែលឿន រហ័ស និងងាយស្រួលដល់អ្នកប្រើប្រាស់សេវាប.ស.ស. ។
ប្រជាពលរដ្ឋ ដែលប្រើប្រាស់បណ្ដាញសង្គមឈ្មោះ Sophors Srey Nuth បានប្រើប្រាស់ម៉ាស៊ីនស្វីយសេវានៅមន្ទីពេទ្យតេជោសន្តិភាព បានបង្ហាញអារម្មណ៍សប្បាយរីករាយ និងពេញចិត្ត ក្នុងវិឌីអូខ្លីមួយ ចំពោះការដាក់ឱ្យប្រើប្រាស់នូវម៉ាស៊ីនស្វ័យសេវារបស់ ប.ស.ស. នៅក្នុងមន្ទីពេទ្យ ព្រមទាំងចែករំលែក នូវវិធីប្រើប្រាស់ និងចំណាប់អារម្មណ៍បន្ទាប់ពីបានប្រើប្រាស់ម៉ាស៊ីននេះ ។
ក្នុងវីដេអូនោះ លោកស្រីបានចែករំលែកបទពិសោធន៍ដោយថា “ខ្ញុំទៅពិនិត្យផ្ទៃពោះ នៅតេជោសន្តិភាពកូនទី២នេះ គឺមានអារម្មណ៍ថា ប្លែកជាងមុនច្រើនមែនទែន កន្លែងអង្គុយរង់ចាំគឺទូលាយជាមុន កៅអីច្រើនជាងមុន ហើយមានភាពងាយស្រួលលឿនជាងមុនទៀត ដោយសារឥឡូវគេមានម៉ាស៊ីនសម្រាប់ស្កេន ប.ស.ស. ដែលពេលដែលយើងទៅដល់មុន គឺមិនចាំបាច់ចាំទាល់តែភ្នាក់ងារចូលធ្វើការម៉ោង៨ ទេ គឺយើងអាចស្កេន ប.ស.ស. យកឯកសារមុនបាន ចាប់លេខរាងបានមុន នៅពេលដែលពេទ្យយចូលធ្វើការ គឺយើងអាចទៅពិនិត្យតែម្ដង” ។
បើតាមការបញ្ជាក់ពីក្រសួងការងារ និងបន្ដបណ្ដុះបណ្ដាលវិជ្ជាជីវៈ បានឱ្យដឹងថា ម៉ាស៊ីនស្វ័យសេវា ប.ស.ស. មានសារៈប្រយោជន៍ជាច្រើនរួមមាន សមាជិកអាចព្រីនទម្រង់ប្រាស់សេវាដោយខ្លួនឯង, សេវាលឿន រហ័ស និងទាន់ពេលវេលា (មិនខកខានការពិនិត្យ), កាត់បន្ថយការក្លែងបន្លំ (ករណីខ្ជីកាតបងប្អូន សាច់ញាតិ-មិត្តភក្តិមកប្រើប្រាស់) ។
លើសពីនេះ សមាជិកទាំងអស់ អាចទទួលសេវាតាមលំដាប់ (អ្នកមកមុនទទួលសេវាមុន), មន្ទីរពេទ្យមិនចាំបាច់ធ្វើការចុះឈ្មោះម្ដងទៀត, ផ្ដល់ភាពរហ័យដល់ការទូទាត់ដល់មូលដ្ឋានសុខាភិបាល (ពេលភ្ជាប់ប្រព័ន្ធគ្នា)៕
ចែករំលែកព័តមាននេះ