ខេត្តប៉ៃលិន ៖ ផ្ទះប្រជាពលរដ្ឋចំនួន៧ខ្នងបានរងការខូចខាតធ្ងន់ និងស្រាល ដោយសារមេឃខ្មៅអួរអាប់បង្កទៅជាភ្លៀងលាយឡំដោយខ្យល់កន្ត្រាក់បានបោកបក់ប៉ះចំផ្ទះរបស់ពួកគាត់ បណ្តាលឱ្យរងការខូចខាតតែម្តង ។
ហេតុការណ៍នេះ បានកើតឡើងកាលពីវេលាម៉ោង៤ និង៣០នាទីរសៀលថ្ងៃទី១៨ ខែមីនា ឆ្នាំ២០១៩ បណ្ដាលឲ្យប៉ើងដំបូលផ្ទះ និងរលំ ខូចខាតផ្ទះប្រជាពលរដ្ឋចំនួន៧គ្រួសារ ។
ប្រភពព័ត៌មានពីនគរបាល បានឱ្យដឹងថា ផ្ទះដែលត្រូវខ្យល់កន្ត្រាក់ប៉ះចំគឺ នៅក្នុងឃុំស្ទឹងត្រង់ ទទួលរងផលប៉ះពាល់ចំនួន២គ្រួសារ ក្នុងនោះគ្រួសារទី១-ឈ្មោះ ណូយ រ៉ុង ស្ថិតនៅភូមិទំនប់ រងការខូចខាតប៉ើងដំបូលផ្ទះ និងគ្រួសារទី២-ឈ្មោះ ហិន ដានី ស្ថិតនៅក្នុងភូមិទំនប់ រងការខូចខាតប៉ើងដំបូលផ្ទះ ។
ចំណែកនៅក្នុងឃុំសាលាក្រៅ ផ្ទះដែលរងផលប៉ះពាល់ មានចំនួន៥គ្រួសារ ក្នុងនោះគ្រួសារទី១-ឈ្មោះ ឆុំ ឆាត ភេទប្រុស អាយុ៣៥ឆ្នាំ ស្ថិតនៅភូមិភ្នំស្ពុង រងការខូចខាតរលំផ្ទះទាំងស្រុង, គ្រួសារទី២- ឈ្មោះ ណុប ឡា ភេទប្រុស អាយុ៦០ឆ្នាំ នៅភូមិភ្នំស្ពុង រងការខូខាតរលំផ្ទះទាំងស្រុង, គ្រួសារទី៣-ឈ្មោះ កង កាន ភេទប្រុស អាយុ៥៨ឆ្នាំ ស្ថិតនៅក្នុងភូមិភ្នំស្ពុង រងការខូចខាតប៉ើងដំបូលផ្ទះ, គ្រួសារទី៤-ឈ្មោះ អ៊ូន សុខ
ភន ភេទប្រុស អាយុ៣៥ឆ្នាំ នៅភូមិភ្នំស្ពុង រងការខូចខាតរបើកដំបូលផ្ទះ និងគ្រួសារទី៥-ឈ្មោះ ខន ទូច ភេទប្រុស អាយុ៤៦ឆ្នាំ នៅភូមិភ្នំស្ពង់ រងការខូចខាតរបើកដំបូលផ្ទះ ។
សមត្ថកិច្ចនគរបាលបានបញ្ជាក់ទៀតថា ករណីខាងលើ គឺមិនបណ្តាលអោយ ប្រជាពលរដ្ឋណាម្នាក់រងរបួសនោះទេ ៕
ចែករំលែកព័តមាននេះ