រាជធានីភ្នំពេញ ៖ កម្ពុជាបានសំដែងការសោកសៅយ៉ាងខ្លាំង យោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិអំពីការបាញ់សម្លាប់មនុស្ស នៅក្នុងវិហារអ៊ុីស្លាម ក្នុងប្រទេសណូវែលហ្សេឡង់ នៅថ្ងៃទី១៥ មីនា ។…
រាជធានីភ្នំពេញ ៖ កម្ពុជាបានសំដែងការសោកសៅយ៉ាងខ្លាំង យោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិអំពីការបាញ់សម្លាប់មនុស្ស នៅក្នុងវិហារអ៊ុីស្លាម ក្នុងប្រទេសណូវែលហ្សេឡង់ នៅថ្ងៃទី១៥ មីនា ។ កម្ពុជាបានប្តេជ្ញាចិត្ត ចំពោះការប្រយុទ្ធប្រឆាំងនឹងអំពើភេរវកម្មគ្រប់ទម្រង់ និងរូបភាពទាំងអស់ ។
ក្រសួងការបរទេសបន្តថា កម្ពុជាមានការតក់ស្លុត និងសោគសង្រេងជាខ្លាំង ចំពោះហេតុការណ៍បាញ់សម្លាប់ នៅវិហារឥស្លាម Al Noor និងLinwood នៅក្នុងទីក្រុង Christchurch ប្រទេសណូវែលហ្សេឡង់ កាលពីថ្ងៃទី១៥ មីនា ។ ក្រសួងការបរទេសបញ្ជាក់ថា «យើងខ្ញុំសូមសម្តែងនូវសមានចិត្តអាណិតអាសូរ និងចូលរួមរំលែកទុក្ខយ៉ាងក្រៀមក្រំបំផុត ចំពោះជនរងគ្រោះ និងអ្នកជាទីស្រឡាញ់របស់ពួកគេ ។ យើងសូមរួមសាមគ្គីជាមួយរដ្ឋាភិបាល និងប្រជាជនណូវែលហ្សេឡង់ ក្នុងអំឡុងពេលដ៏សោកនាដកម្មនេះ ដើម្បីផ្តល់នូវការធានាអះអាងខ្ពស់បំផុតចំពោះសុវត្ថិភាពជូនជនស្លូតត្រង់ ទាំងពលរដ្ឋណូវែលហ្សេឡង់ និងសមាជិកសហគមន៍កម្ពុជា នៅទូទាំងប្រទេសណូវែលហ្សេឡង់» ។
ក្រសួងការបរទេសបានបន្ថែមទៀតថា «យើងខ្ញុំសូមបញ្ជាក់ជាថ្មីម្តងទៀត អំពីការប្តេជ្ញាចិត្តឥតងាករេរបស់យើងក្នុងការប្រយុទ្ធប្រឆាំងនឹងអំពើភេរវកម្មគ្រប់ទម្រង់ និងរូបភាពទាំងអស់» ។
ចែករំលែកព័តមាននេះ