ក្រសួងកសិកម្មបានឱ្យដឹងថា កម្ពុជាបាននិងកំពុងរៀបចំឯកសារ សម្រាប់បើកផ្លូវដល់ការនាំចេញផ្លែចេកនិងស្វាយ ទៅកាន់ប្រទេសចិន និងជប៉ុន ។
ឯកសារផ្លូវការមួយរបស់ក្រសួងកសិកម្ម ដែលកោះសន្តិភាពទទួលបាននោះឱ្យដឹងថា ក្រសួងកសិកម្មបានចរចារៀបចំពិធីសារស្តីពីលក្ខខណ្ឌតម្រូវភូតគាម «អនាម័យដើម្បីនាំចេញផលិតផលទាំងនេះជាមួយប្រទេសចិន និងជប៉ុន។
ជាមួយប្រទេសចិននោះ ក្រសួងបានសម្រេចរួចហើយ ពិធីសារស្តីពីលក្ខខណ្ឌតម្រូវភូតគាមអនាម័យ សម្រាប់ការនាំចេញផ្លែចេក ហើយកំុតែដំណើរការនីតិវិធីចរចារៀបចំពិធីសារ សម្រាប់ការនាំចេញផ្លែស្វាយ។
ក្រសួងកសិកម្មក៏បានអោយដឹងផងដែរថា ខ្លួនកំពុងចរចាជាមួយប្រទេសជប៉ុន សម្រាប់ការនាំចេញស្វាយទៅកាន់ទីផ្សារជប៉ុន។
ជាមួយគ្នានោះ កម្ពុជាក៏កំពុងធ្វើការជាមួយប្រទេសវៀតណាម ដើម្បីសម្រេចពិធីសារនាំចេះផ្លែឈើចំនួន៨មុខ គឺក្រូចថ្លុង មៀន សាវម៉ាវ ខ្នុរ ក្រូចលឿង ត្របែក និងក្រូចខ្វិច។
ចែករំលែកព័តមាននេះ