ទីតាំង​ស្រាក្រឡុកមួយកន្លែង​ក្នុង​សង្កាត់ផ្សារ​ដើម​ថ្កូវ​ត្រូវ​បិទជា​បន្ទាន់​


រាជធានីភ្នំពេញ ៖ អាជ្ញាធរ​ខណ្ឌចំការមន​ដឹកនាំ​ដោយ​លោក ហា​យ សិ​ទ្ធី ប្រធាន​ការ​រិ​យា​ល័យ​ផែនការ និង​អភិវឌ្ឍន៍ បាន​ដឹកនាំ​កម្លាំង​ចម្រុះ​ចុះ​ផ្អាក​អាជីវកម្ម​ទីតាំង​លក់​ស្រា​ក្រឡុក​មួយ​កន្លែង ​បន្ទាប់​ពី​ពិនិត្យ​ឃើញ​ថា​ពុំ​មាន​សុំ​ច្បាប់ទម្លាប់​ពី​ស្ថា​ប​ន័​ពាក់​ព​ន្ធ័​អោយ​បាន​ត្រឹមត្រូវ ។

ការ​ចុះ​ផ្អាក​អាជីវកម្ម​ខាងលើ​​នេះ​បាន​ធ្វើ​ឡើង​កាលពី​វេលា​ម៉ោង​៧​យប់​ថ្ងៃ​ទី​១៣ ខែ​មី​នា ឆ្នាំ​២០១៩ នៅ​កន្លែង​លក់​ស្រា​ក្រឡុក យីហោ SN 56 Cock tail ដែល​មាន​ទីតាំង​ទល់​មុខ​​ភោជនីយដ្ឋាន​កំពង់ត្រាំ​ង ក្រុម​២ ផ្លូវ​៤៨៨ សង្កាត់​ផ្សារ​ដើម​ថ្កូវ ខណ្ឌចំការមន ។

បើ​តាម​សម្តី​អាជ្ញាធរ​ខណ្ឌចំការមន​បានអោយ​ដឹង​ថា មុន​មានការ​ចុះ​ផ្អាក​អាជីវកម្ម​ខាងលើ គឺ​អាជ្ញាធរ​ខណ្ឌ​បាន​ទទួល​ដំណឹង​ថា ទីតាំង​ខាងលើ​ទើបតែ​មក​បើក​ធ្វើ​អាជីវកម្ម​បាន​រយៈ​​ពេល​៧​ថ្ងៃ​តែ​ប៉ុណ្ណោះ ដែល​ម្ចាស់​ទីតាំងខាងលើ​ឈ្មោះ យី​ម ស្រី​និ​ច ភេទ​ស្រី ហើយ​ការ​បើក​អាជីវកម្ម​លក់ដូរ​នេះ​​ចាប់​ផ្តើម​ពី​ម៉ោង​៥​ល្ងាច​ដល់​ម៉ោង​៤​និង​៣០​នាទី​ទៀប​ភ្លឺ ។

ប្រភពដដែលបាន​បន្ត​ថា ទីតាំងបើក​​លក់​ស្រាក្រឡុក​ខាងលើ​​នេះ​​តែងតែមាន​បញ្ហា​ក្មេង​ទំនើង​វាយ​កាប់​ចាក់​គ្នា បង្កភាព​អ​នា​ធិ​ប​តយ្យសំឡេ​ង​រំខាន​ប៉ះពាល់​ដល់​ការ​រស់នៅ​របស់​បងប្អូន​ប្រជាពលរដ្ឋ ហើយ ណាមួយ​ម្ចាស់​ទីតាំង​មិន​ព្រម​សហការ​ជាមួយ​និង​សមត្ថកិច្ច​មូលដ្ឋាន ទើប​រហូត​មក​ដល់​ថ្ងៃនេះ អាជ្ញាធរ​ខណ្ឌចំការមនដែល​ដឹក​ដោយ​លោក ហា​យ សិ​ទ្ធី ប្រធាន​ការ​រិ​យា​ល័យ​ផែនការ​និង​អភិវឌ្ឍន៍​បាន​ដឹកនាំ​កម្លាំង​ចម្រុះ រួម​មានការ​ចូលរួម ពី​លោក សូ សំ​បាន នាយ​ប៉ុស្តិ៍នគរបាល​ផ្សារ​ដើម​ថ្កូវ បាន​ចុះ​ពិនិត្យ​និង​សាកសួរ​ទីតាំង​ខាងលើ ឃើញ​ថា ពុំ​មាន​សុំ​ច្បាប់​អនុញ្ញាត​ពី​ស្ថា​ប​ន័​ពាក់​ព​ន្ធ័​អោយ​បាន​ត្រឹមត្រូវ​នោះ​ទេ ដូច្នៃ​ហើយ​ទើប​កម្លាំង​អាជ្ញាធរ​បាន​ធ្វើការ​ផ្អាក​អាជីវកម្ម​ខាងលើ​នេះ​តែ​ម្តង ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ