ខេត្តឧត្តរមានជ័យ ៖ បងស្រីបង្កើតបានប្រទះឃើញសពប្អូនប្រុសម្នាក់ចងកធ្វើអត្តឃាតខ្លួន កាលពីវេលាម៉ោង២រសៀល ថ្ងៃទី០៩ មីនា ២០១៩ ខណៈ បុរសរូបនេះបានបាត់ពីផ្ទះ កាលពីវេលាម៉ោង១២ថ្ងៃត្រង់ ថ្ងៃទី០២ មីនា ២០១៩ កន្លងទៅ ។ ហេតុការណ៍នេះកើតឡើងនៅក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
ជនរងគ្រោះឈ្មោះ ជា ពឿន ភេទប្រុស អាយុ៥៣ឆ្នាំ រស់នៅក្នុងភូមិឃុំកើតហេតុខាងលើ ។ យោងទៅតាមពីស្ត្រីម្នាក់ឈ្មោះ យឹម ឡាយអៀង អាយុ៥៦ឆ្នាំ និងស្ត្រីម្នាក់ទៀតឈ្មោះ យឹម សុម៉ាលី អាយុ៣៥ឆ្នាំ បានរៀបរាប់ថា ជនរងគ្រោះជាបុរសពោះមាយ ហើយកើតជម្ងឺសរសៃប្រាសាទផង ខណៈបុរសរូបនេះធ្លាប់រងរបួសត្រូវអំបែងគ្រាប់ កាលពីសម័យសង្គ្រាមនឹងបានលេបថ្នាំជាប្រចាំ រស់នៅក្នុងភូមិឃុំ កើតហេតុខាងលើ ។
បងស្រីបង្កើត និងក្មួយស្រីជនរងគ្រោះបានបន្តថា មុនពេលកើតហេតុជនរងគ្រោះតែងតែនិយាយប្រាប់បងប្អូនថា សព្វថ្ងៃនេះខ្លួនចេះតែឈឺក្បាល ហើយមិនចង់រស់តទៅទៀតទេ និយាយហើយនិយាយទៀត លុះនៅវេលាម៉ោង១២ថ្ងៃត្រង់ ថ្ងៃទី០២ មីនា ២០១៩ ស្រាប់តែបាត់ពីផ្ទះមិនឃើញមកហូបបាយសោះ ខណៈនោះបងប្អូនកូនក្មួយបានដើររុករកអស់រយៈពេល៣ថ្ងៃដែរ តែរកមិនឃើញលុះនៅរសៀលថ្ងៃទី៩ មីនា ២០១៩ រូបខ្លួនជាបងស្រីបានដើរទៅខាងក្រោយផ្ទះក្បែរបន្ទប់ដែលសាងសង់ទុក្ខជួយក៏មានក្លិនស្អុយ ហើយបានមើលទៅក្នុងបន្ទប់ក៏ប្រទះឃើញ បានរាយការណ៍ដល់សមត្ថកិច្ចតែម្តង ។
ទាក់ទិននឹងព័ត៌មាននេះបងប្អូនជនរងគ្រោះបានរាយការណ៍មកប៉ូលិសស្រុកអន្លង់វែង ក្រោយពីបានទទួលនូវព័ត៌មានសមត្ថកិច្ចបានសហការណ៍កម្លាំងគ្រូពេទ្យបង្អែកស្រុកអន្លង់វែងចុះទៅដល់កន្លែងកើតហេតុធ្វើការពិនិត្យទៅលើសាកសព ហើយបានធ្វើការសនិ្នដ្ឋានថា សាកសពពិតជាបានចងកធ្វើអត្ត ឃាតខ្លួនដោយពិតប្រាកដមែន សាកសពសមត្ថកិច្ចបានប្រគល់ទៅឱ្យក្រុមគ្រួសារធ្វើបុណ្យទៅតាមប្រពៃណី ៕
ចែករំលែកព័តមាននេះ